احلامنا

مين منا مش بيحلم ؟؟؟

اكيد كلنا لينا احلام :D

والطب النفسى قال ان الحلم هو لزمة او حاجة ملحة للنفس البشرية عشان يفرغ طاقاته ويكون لديه المقدرة على التطوير والابداع والتواصل مع الغير وبيخلق الطموح فى النفس دى وبيرسملها اللى جاى يكون احلى واجمل وبيمثل الايد الخفية لتحريك النفس البشرية نحو العطاء والأمل

( انا كتبت اللى فهمته من الكلام المكلكع بتاع الناس النفساويين واللى فاهم ودارس فى حاجة زى كده ممكن يفيدنا بكلام علمى اكتر ومنطقى اكتر من اللى بقوله )

هما الناس المتفائلة المبتهجة مش قالوا لو بطلنا نحلم نموت :wink:

واحنا مش عاوزين نموت يبقى نحلم باة بالذوق احسنلنا :tongue:

مش شرط تكون حقيقة احيانا عقولنا بتشطح للخيال ودا مش عيب بالعكس شئ صحى جدا :o

ومش شرط بردو نحقق احلامنا كلها او حتى بعضها

بس كفاية انها فى قلوبنا زى الاكسجين فى غرفة الانعاش لمن اصاب قلبه اليأس والألم

وانا اولكوا وغيرى كتير عايشين فى اكبر غرفة انعاش هههههههه ( الدنيا يعنى ) :(

اتمنى لكل انسان فى الدنيا انه يحقق ولو جزء بسيط من احلامه عشان يقدر يكمل حياته
ووقتها هاقوله ألف مليييييييييون حمدالله على سلامتك :o(f)(f):15:

متهيألى رغيت كتير انا اولكوا هاحكى جزء صغير من احلامى وياريت تشاركوا أأأقصد تحلموا معايا :o

ياللاااااا ... بسم الله :D

-بحلم اكون طير فى السما يسافر هنا وهنا من غير قيود ولا حدود

-بحلم انى ادرس فنون جميلة

-بحلم تنفيذ كارتون أنيمى للأطفال يحكى عن قصص التابعين والصحابة ورجال العلم والدين وكل من له بصمة فى تاريخ البشرية مش زى اللى موجود حاليا فى التليفزيون

-بحلم امتلك مسدس

-بحلم اصمم موقع بس فكرته لسه مش عارفه ايه تكون

-بحلم انى احج بيت الله وانى اموت هناك

-بحلم انى اقابل مناضل فلسطينى ماسك فى ايده حجر وامسح عنه دم جرحه واحتفظ بيه طول حياتى

-بحلم –محدش له دعوة- إني أشوف الناس من ورا عدسة كاميرا،، من يومي بحب التصوير نفسي أمشي وحاطاها على عيني الدنيا حوالينا مليانه لحظات ومواقف وأشخاص يتعملهم معارض
م الاخر نفسى أشتري كاميرا بنت ناس ههههههههه

-بحلم الاقى شنطة فيها 2 مليون جنيه بس عشان فيه حاجة فى حياتى نفسى كنت دايما بحلم انى احققها بالفلوس دى

وبحلم وبحلم وبحلم
والعمر اهو بيجرى والاحلام مابتخلصش :o:o

ها وانتوا احلامكوا ايييه
هاروح اخدلى تعسيلة كده يمكن الاقى احلام تانية جوايا غير دى :)

بحبكوا ومستنياكوا باة هه ماتكسفونيش (f):15: