سؤال عن مويه الجنين

عملت بحث في النت مالقيت اجابه على هالسؤال...
بس ان شاء الله الحلوات احد عندها معلومه وترد منا...

ما اعرف الجواب ...بس اذكر مره اذا مب غلطانه ...ان مادام الحرمه دخلت المخاض الولاده يعني تعتبر كانها في النفاس ...لكن بعد تاكدي اسئلي شيخ دين اضمن

في حملي الاول انفتح علي الماي و انا واقف في الحمام اتوضى علشان اصلي العصر ...و طبعا رحت المستشفى على طول ...لكن بصراحه بعد النفاس صليت هذي الصلاه على اساس انها قضاء ..ما اعرف الي سويته صح او خطا

والله يا عطوره امس كنت راكبه السيارة وسمعت برنامج افتاء على حظي يالس يتكلم عن هالموضوع .. يقول انه المرأة لازم تصلي الييييييييين ما تربي .. يوم ينزل منها دم النفاس .. وتصلي حتى لو ما قدرت تقوم تصلي وهي يالسه او طايحة او بيدها لا سمح الله .. بس المهم تصلي .. لحد ما يطلع البيبي بالسلامة ما تفوت اي فرض ..


انا حسيت انه صعب .. بس سبحان الله لو مب المشقة فالعباده جان ما كان لها هالاجر العظيم ..

الله يثبتنا ان شالله ويقوينا ونقدر نصلي الى اللحظة الاخيرة ..

الله يقومج بالسلامة يارب