بسم الله الرحمن الرحييم
بصراحه المشكله انه تصرفات اختي وريلها باطه جبدي مو لاقيه لها حل او تفسير طبعا اختي اكبر مني بثلاث سنوات ومتزوجه وعندها بنوته الله يحفظها اول مشكله باختي انها تتحاول تتحكم فيني وبحياتي مثلا موبايلي تفتش وتقرأ المسجات الخاصه فيني طبعا انا الحمد لله ماعندي شي خاص او اخاف منه عشان اخشه عند احد بس مافي احد يرضى مايكون له خصوصيه في اغراضه لهدرجه ونفس الشي المسنجر لما اقعد مع صديقاتي تقعد وتقرأ في المحادثات وتعرفون السوالف بين الصديقات مرات في مواضيع خاصه بينا ما يحق لها تدخل فيها او تعرفها تقوم تقراها وتقعد تقولها لريلها وجدام البيت كله وتضحك وتطنز علي مع العلم انه مافي شي يستدعي الطنازه حتى مواضيعي في المنتدى مرات وايد ما اسجل خروج تقوم تدش وتصفح في المواضيع اللي اكتبهم وع ردودي على العضوات ونفس الشي تقوله لريلها وجدام بيتنا وتحولها لطنازه ع اسلوبي وطريقة سردي للمواضيع والله خلت شخصيتي عدم ما اعرف اقول كلمتيين ع بعض لانه اقول اللحين بتطنز علي وغير هذا كله تطنز على شكلي والقهر اني اشبهه بس اهي كله في بالها انها ملكة جمال وانها احلى وارق مني انا ما اقول اني جميله انا عادي واقل من عاديه بس مو لدرجه تطنز علي حتى جدام ريلها تطنز علي لدرجه قام اهو وتجرأ وقام يطنز علي...
لو بشتري شي اخذ رايها فيه بما انه عندي بس اختيين اهي واخت ثانيه بس مسافره تدرس تجاهلني اقول يمكن ما سمعت اتم اسولف معاها في موضوع او افتح موضوع الاقيها ما ترد عقب اقولها فلانه ليش ما ترديين تقولي ها كنت اسولف مع بنتي(مع العلم بنتها عمرها شهريين فقط ) اوكي افهم يناغون الياهل في هالعمر بس مو لدرجه تحقريين شخص قاعد يكلمج صار له ساعه وساعات تقول كنت سرحانه اوكي اعذرها مره مرتيين ثلاث بس الموضوع يتكرر زيادة عن الحد وايد تحتقر شخصيتي رغم انه الفرق بينا بس ثلاث سنوات بس اهي وايد ماعطه روحها صلاحيه فوق الحدود اللي المفروض تكون لها ولين قلت لامي مسكينه وتكلمها تطيح فيها صراخ وهواش وتدخل زوجها وايي يهزأ امي ليش مزعليين مرتيي تخيلو يعني؟! وغير هذا انا اعاني من مشكله البقع وحب الشباب في ويهي عشان جذي احب وايد اشتري كريمات وغسولات واسوي فاشيل مره بالشهر في الصالون عشان اتخلص من هالمشكله اشوف مافيها شي تقعد تقول لامي يمه بنتج ليش هالكثر تروح الصالون اكييد وراها شي وتقعد تطنز علي تقولي هذا انتي تستخدميين في هالكريمات والغسولات وبعد مافي فايده ما تغير شي فييج والحبوب اهي اهي رغم انه كل من لاحظ الفرق وانها تقريبا اختفت إلا اهي تحب تحبطني مع العلم انه بشرتها اخس من بشتري بس اهي في بالها دام تزوجت يعني خلاص مو لازم وفي بالها انا اسوي هالشي عشان الفت الانتباه(واهو والله العظييم عشان نفسي وعشان احسن من صورتي بنظري مو بنظر اي احد ثاني)...
بصراحه المشكله انه تصرفات اختي وريلها باطه جبدي مو لاقيه لها حل او تفسير طبعا اختي اكبر مني بثلاث سنوات ومتزوجه وعندها بنوته الله يحفظها اول مشكله باختي انها تتحاول تتحكم فيني وبحياتي مثلا موبايلي تفتش وتقرأ المسجات الخاصه فيني طبعا انا الحمد لله ماعندي شي خاص او اخاف منه عشان اخشه عند احد بس مافي احد يرضى مايكون له خصوصيه في اغراضه لهدرجه ونفس الشي المسنجر لما اقعد مع صديقاتي تقعد وتقرأ في المحادثات وتعرفون السوالف بين الصديقات مرات في مواضيع خاصه بينا ما يحق لها تدخل فيها او تعرفها تقوم تقراها وتقعد تقولها لريلها وجدام البيت كله وتضحك وتطنز علي مع العلم انه مافي شي يستدعي الطنازه حتى مواضيعي في المنتدى مرات وايد ما اسجل خروج تقوم تدش وتصفح في المواضيع اللي اكتبهم وع ردودي على العضوات ونفس الشي تقوله لريلها وجدام بيتنا وتحولها لطنازه ع اسلوبي وطريقة سردي للمواضيع والله خلت شخصيتي عدم ما اعرف اقول كلمتيين ع بعض لانه اقول اللحين بتطنز علي وغير هذا كله تطنز على شكلي والقهر اني اشبهه بس اهي كله في بالها انها ملكة جمال وانها احلى وارق مني انا ما اقول اني جميله انا عادي واقل من عاديه بس مو لدرجه تطنز علي حتى جدام ريلها تطنز علي لدرجه قام اهو وتجرأ وقام يطنز علي...
لو بشتري شي اخذ رايها فيه بما انه عندي بس اختيين اهي واخت ثانيه بس مسافره تدرس تجاهلني اقول يمكن ما سمعت اتم اسولف معاها في موضوع او افتح موضوع الاقيها ما ترد عقب اقولها فلانه ليش ما ترديين تقولي ها كنت اسولف مع بنتي(مع العلم بنتها عمرها شهريين فقط ) اوكي افهم يناغون الياهل في هالعمر بس مو لدرجه تحقريين شخص قاعد يكلمج صار له ساعه وساعات تقول كنت سرحانه اوكي اعذرها مره مرتيين ثلاث بس الموضوع يتكرر زيادة عن الحد وايد تحتقر شخصيتي رغم انه الفرق بينا بس ثلاث سنوات بس اهي وايد ماعطه روحها صلاحيه فوق الحدود اللي المفروض تكون لها ولين قلت لامي مسكينه وتكلمها تطيح فيها صراخ وهواش وتدخل زوجها وايي يهزأ امي ليش مزعليين مرتيي تخيلو يعني؟! وغير هذا انا اعاني من مشكله البقع وحب الشباب في ويهي عشان جذي احب وايد اشتري كريمات وغسولات واسوي فاشيل مره بالشهر في الصالون عشان اتخلص من هالمشكله اشوف مافيها شي تقعد تقول لامي يمه بنتج ليش هالكثر تروح الصالون اكييد وراها شي وتقعد تطنز علي تقولي هذا انتي تستخدميين في هالكريمات والغسولات وبعد مافي فايده ما تغير شي فييج والحبوب اهي اهي رغم انه كل من لاحظ الفرق وانها تقريبا اختفت إلا اهي تحب تحبطني مع العلم انه بشرتها اخس من بشتري بس اهي في بالها دام تزوجت يعني خلاص مو لازم وفي بالها انا اسوي هالشي عشان الفت الانتباه(واهو والله العظييم عشان نفسي وعشان احسن من صورتي بنظري مو بنظر اي احد ثاني)...
والشي الثاني ريلها صار وايد قليل ادب معانا خصوصا عقب ما ولدت اختي طبعا بما انه اختي تشتغل وانا عاطله عن العمل صرت ايود لها بنتها الصبح كانو بدخلونها حضانه بس قلت لهم لا حرام صغيره ويمكن ما يعتنون فيها انا مستعده ايودها واختي قامت حتى ساعات الرضاعه بدل ما تهتم ببنتها صارت اتيي تنام حتى لو انا نايمه تقعدني وتنام اهي وما اقول شي والله عن طيب خاطر او تقعد هذره في الموبايل مع ريلها وانا اعتني ببنتها ولا قلت شي اصلا اهي اول حفيده واول ياهل في بيتنا وانا اموت ع اليهال واحبها وما اتملل منها وودي اسوي لها كل شي بس اللي يقهرني وقت اللي محتاجيني ايودها يخلونها عندي سواء تعبانه او مو تعبانه الصبح واهي في الدوام او طلعاتها مع ريلها في العصاري والمغرب ونتيجه لهالشي البنت رغم صغر سنها صارت وايد متعلقه فيني ما تسكت غير في حظني وصرت اعرف اهدأها وتنام ماشاء الله فتره طويله كانها ملاك وعندهم بالشقه كله تصييح وتصارخ وما تنام وريلها عصب منها يقولها كله منج عودتيها عليهم(يعني انا وامي) طبعا اهو ما يقول بشكل مباشر جدامنا بس مثلا مرات اكون وياهم في السياره واهي تعطيني اياها تقول يوديها تعبت منها(بالضبط كاني سيلانيتهم) اقوم ايودها عن طيب خاطر والله يقوم يصارخ يقولها اخذيها انتي امها تقوله انزيين خلها إلا عند اختي يقولها لا اقولج اخذيها اللحين اللحين وتقوم تاخذها انزيين شمعنى وقت الي بيطلعون ويبون يرتاحون يفلتونها علي؟!! ولا اوقات واوقات المهم مره كنا رايحيين مجمع وكانت البنوته في الجاري الخاص بالاطفال وقامت تصييح قمت شلتها وتمييت اطبطب عليها وسكتت ماشاء الله عليها ما شفت إلا اختي منهده من بعيد تقولها يبي بنتي:eek: قلت لها لا خليها مو مضايقتني تقول لالا يبيها عطيتها اياها ورحنا عقب رحنا مطعم نتعشى واهي للحين تصييح وانا تعشييت واختي ما قدرت تتعشى لانه اهي في حضنها قلت لها يبيها تعشي وانا بيودها تقول لالا خلها عندي ماعلييج وعقب يوم بندفع البيل قالت لها امي ماعلييج انا بدفع اهي انقلب ويها ولما رجعنا البيت سكرت الباب عليها وعلى امي وهزأتها شلون تقوليين يم فلانه(اللي اهي انا) انه بتدفعيين عني يعني تحسسينها اني ماعندي فلوس واني كل مره اخذ من عندج انزيين المفروض احنا خوات وما بينا هالسوالف مع العلم اني ما اشتغل بس اهي مرات وايد تتسلف مني او حتى تاخذ مني فلوس وما اقول شي او احط في بالي شي لانه زوجها ماخذ كل فلوسها طبعا اهي موظفه ومعاشها محترم جدا بس بطاقتها مال البنك عنده حتى رصيد في الموبايل ما يحط لها إلا بالدينا وساعات ما يرضى يقولها سوي رنه من تلفون امج او اختج وانا بتصل واهي يلعب في فلوسها لعب ع القهاوي والشيشه وهالسوالف ما نقول شي هذي حياتهم الخاصه واهم حريين ما نتدخل فيها بس ليش من ناحيته كل شي اوكي لو شنو يسوي واحنا كله الهواش والتهزيء من صوبنا ولو اهو يسوي لها لو شي بسيط وتافه تذكره واحنا فارشيين لها الارض ورد والله اهي وبنتها مو عارفيين نحطها وين ونشيلها من وين وكله احنا ما نحبها وما نعاملها زين وكله نحرجها لدرجه مره عصب وتضايقت من امي تخيلو شنو السبب طبعا انا كنت مسافره واختي الثانيه بعد مسافره واهي يات مع زوجها سكنو مع امي لانه كانت اختي مسويه عمليه وتعبانه المهم تقول صراحه امي خسرتني في هالفتره نضطر نشتري لها ويانا العشا والغداء وكله من بره انزيين استحي على ويهج هذي والدينج وملزومه فيها والله اهي لحد اليوم وانتي معرسه وتشغلين وما تعز عليج شي واللحين تقولين انها فلستج لانه حسبتوها في العشا او الغداء من بره واصلا امي مسكينه شنو اكلها جدا قليل واغلب الوقت ما تشتهي تاكل مع العلم ساعات ايون من بره يايبيين بس عشا لهم وانا وامي ما يحسبونا طبعا عندنا خير مو ناطريين صدقه من احد بس احس الحركه سخيفه وانا لو بشتري كاكو من بقاله لازم احسبها وياي والله مو منه الله يعلم بس صج شي يقهر وتخيلو في نفس هالفتره اللي اهي وزوجها مع امي في البيت شرو علبتيين بيبسي لها ولزوجها بس امي شافته في الثلاجه مسكيينه شربته ما تدري عقبها يات اختي تشوف مافي القوطي الثاني شنو امي حصلت تهزيء وصراخ كله ليش شربتي بيبسي ريلي تقولها امي الحين البس دفتي واروح اشتري بداله لو بعطييج قيمته وروحو اشترو لكم لكن ماله داعي تصرخيين(مسكيينه امي طيبه وعلى نياتها وفوق هذا مريضه وماتقصر علينا في شي ) وفي الاخير هذا جزاها...
في الاخير والله فكرت على تصرفاتهم ومعاملتهم البايخه اني خلاص ما بيود بنتهم بالمره يحسسوني اني سيلانيتهم ايودها وقت اللي يقررون اهم بس ووقت اللي يبون يرتاحون منها بس وقلت لها خلاص مابيودها طبعا زعلت وسوت مشكله وسيده اتصلت على ريلها تشتكي علينا انا وامي (وامي دائما تنصحها المشاكل اللي بين المرأه واهلها المفروض الزوج ما يدري عنها ولا يدخل فيها عقب تنحل بينا واهو يتم في باله ونطييح من عينه ويحس انه انتي ماعندج ظهر واهلج ما يحبونج ع الصوره البشعه اللي تصورنا عنده وقت اللي اهي متهاوشه معانا) وعقب ترد عادي وزوجها يبقى بقلة ادبه وتصرفاته معانا..
لدرجه تخيلو امي تعبت من فتره بسيطه وترقدت في العنايه والجريب والبعيد سال واهو حتى ما كلف روحه يزورها في المستشفى او يرفع تلفون يطمن عنها ويوم طلعت امي بالسلامه نفس الشي يوصل لباب البيت ينطرها وياخذها ولا حتى يسال او يدش يسلم ع امي ومرات يتصل على موبايل اختي يكون مثلا مو يمها فما تشيله يقوم يتصل على تلفون او تلفون امي لا سلام ولا كلام سيده وين فلانه حتى ما يسالها شلونج او صرتي احسن او اي شي من هالكلام رغم انه والله العظييم امي تعامله احسن معامله كانه ولدها واكثر وفوق هذا اول ما ترخصت امي كانت مريضه وتعبانه واهي اهل زوجها يايين للبحرين زياره(بما انه زوجها مو بحريني من احد الدول الخليجيه الشقيقه) المهم تفلت بنتها من الصبح لي اليل عندنا واهي هياته معاهم من مجمع لثاني تتصل ثواني تقول شخبار بنتي وتسكره حتى ما تفتكر تقول شلون امي صارت اشوه ولا للحين تعبانه واهي توها توها كان مرخصينها من المستشفى وللحين مريضه وتعبانه..
لدرجه حتى بنتهم لما يقولون انه تشبه امي او تشبه احد فينا يعصب يقول لا اصلا اهي تشبهني وتشبه اهلي:eek: زين لو اهو صج عادي بس احس حركات يهال انه يصر انها تشبه وتشبه اهله رغم انه العكس...
في الاخير والله فكرت على تصرفاتهم ومعاملتهم البايخه اني خلاص ما بيود بنتهم بالمره يحسسوني اني سيلانيتهم ايودها وقت اللي يقررون اهم بس ووقت اللي يبون يرتاحون منها بس وقلت لها خلاص مابيودها طبعا زعلت وسوت مشكله وسيده اتصلت على ريلها تشتكي علينا انا وامي (وامي دائما تنصحها المشاكل اللي بين المرأه واهلها المفروض الزوج ما يدري عنها ولا يدخل فيها عقب تنحل بينا واهو يتم في باله ونطييح من عينه ويحس انه انتي ماعندج ظهر واهلج ما يحبونج ع الصوره البشعه اللي تصورنا عنده وقت اللي اهي متهاوشه معانا) وعقب ترد عادي وزوجها يبقى بقلة ادبه وتصرفاته معانا..
لدرجه تخيلو امي تعبت من فتره بسيطه وترقدت في العنايه والجريب والبعيد سال واهو حتى ما كلف روحه يزورها في المستشفى او يرفع تلفون يطمن عنها ويوم طلعت امي بالسلامه نفس الشي يوصل لباب البيت ينطرها وياخذها ولا حتى يسال او يدش يسلم ع امي ومرات يتصل على موبايل اختي يكون مثلا مو يمها فما تشيله يقوم يتصل على تلفون او تلفون امي لا سلام ولا كلام سيده وين فلانه حتى ما يسالها شلونج او صرتي احسن او اي شي من هالكلام رغم انه والله العظييم امي تعامله احسن معامله كانه ولدها واكثر وفوق هذا اول ما ترخصت امي كانت مريضه وتعبانه واهي اهل زوجها يايين للبحرين زياره(بما انه زوجها مو بحريني من احد الدول الخليجيه الشقيقه) المهم تفلت بنتها من الصبح لي اليل عندنا واهي هياته معاهم من مجمع لثاني تتصل ثواني تقول شخبار بنتي وتسكره حتى ما تفتكر تقول شلون امي صارت اشوه ولا للحين تعبانه واهي توها توها كان مرخصينها من المستشفى وللحين مريضه وتعبانه..
لدرجه حتى بنتهم لما يقولون انه تشبه امي او تشبه احد فينا يعصب يقول لا اصلا اهي تشبهني وتشبه اهلي:eek: زين لو اهو صج عادي بس احس حركات يهال انه يصر انها تشبه وتشبه اهله رغم انه العكس...
ومشكلة اختي لما تحبيين تتناقشين معاها بهدوء تاكلج اكل وتطول لسانها ع امي حتى ع موضوع زوجها اقولها غلط انه مازار امي في المستشفى او حتى رفع التلفون سال تقول اصلا اهو مشغول اصلا(واهو يكون سهران في القهوه وانا متاكده من هالشي لانه مره كنت انظف وياها شقتها بعد ما رجعنا من زيارة امي واهو لبس ثيابه وقال بيروح القهوه يسهر اعتقد لالي عنده وقت للقهاوي عنده وقت يرفع التلفون بعد مو لازم يروح ع الاقل يطمن ويسال).. ومره بعد دخل علينا كانت اختي حامل ومرقده حتى السلام عليكم ما قال ولا شلونكم شخباركم وعقب ما طلع قالت لها امي اشفي ريلج حتى ما سلم قامت تصارخ اوو انا شدراني وعقب صار نفس الموقف انا كنت داخله وما سلمت عليها وعليه متعمده ابي ارد لهم الموقف اشوف شنو بتسوي وتوقعي في مكانه سيده راحت لامي تقول شوفي بنتج قليله الادب تدش على زوجي حتى ما تسلم رغم انه مر هالموقفيين فتره اسبوع فقط قالت لها امي اكا زوجج سوه نفس الحركه وما عصبتي ولا قلتي شي حزتها سكتت وما عرفت ترد..
والله والله وايد مواقف هذا اللي قلته ادري متلخبط واسلوبي مو مرتب بس نقطه من بحر سوالف اختي وريلها صحيح مرات تستعدل وتصير اوكي بس بسرعه ترد وتعتفس وريلها طبعا من موقف لاخر وكلها مواقف تقهر لدرجه صرت اكرهه وما اطيقه يدش البيت وخايفه لما تكبر بنت اختي يعلمونها تكرهنا وما تحب اهلها لانه يعصب لما يشوفها متعلقه فينا يقول انتو وايد مدلعينها بتصير دليعه وبايخه (انزيين الدلع من حب مو شي ثاني) واحسه كله يبي يبعدها عنه انا قلت مو مشكله بنتهم وكيفهم بس شغل الخدم انا ما اقبل فيه انا مو مستاجريني كبيبي ستر للأوقات اللي يبونهاعشان يطلعون ويستانسون وانا انحبس في البيت ووقت اللي يرجعون يعصبون علي لو شلتها بسس مثلا لو حفاظه او شي يبي له تعب تبيني اسويه قومي بدلي حفاظتها او قومي سوي لها حليب بس لا تشيلينها:ss:
والله مقهوه ومنبطه جبدي منهم ومن تصرفاتهم لا كلام نافع لا حقران نافع شسوي بالله عليكم معاهم لانه قامو يبطون جبدي وياثرون على نفسيتي الله يسامحهم
