صور منتجاتى لعنايتى بشعرى +كيفيه عنايتى بشعرى وطريقه غسله

:1_3:السلام عليكم ورحمه الله وبركاته:1_3:


:9_28:
حبيت انزلكم صور عنايتى بشعرى
وممنوع نقل الموضوع لانها صور خاصه بيا
ومحدش هيستفاد في نقله
لاكن لو حد محتاج صوره من الصور مفيش مشكله

ونصيحه
منى لازم كل وحده تستخدم نوع شامبو حاجه تكون بتناسب نوع شعرها
وده زى برنامج عملاه لنفسي لانى شعرى ماشاء الله طويل وبيتعبنى اوى في الاهتمام بيه وكمان عشان احمى اطراف الشعر من التقصف لان معروف ان الشعر كل ما يطول كل ما الاطراف تضعف و تتقطع بسرعه وده اكتر حاجه مضيقانى اطرافه الحمد لله
مع الاهتمام مفيش تساقط الا طبعا الحد الطبيعى
بس الاطراف ديما بقصها
والاطراف الضعيفه
علاجها قص الشعر كل شهر ولازم نسمى بلله قبل قص
الشعر

:9_33::9_33:

:1_8:نبتدى:1_8:

:9_33::9_33:



شامبو من ايفون
من مجموعه ادفانس تكنيكس
ستريد ان سييلك
اسمه سموزينج


هو حلو وكويس لاحتوائه على ماده السيلكون المنعمه

اما بقي البلسم بتاع اليه بيفضل جوه الشعر وهو العلبه الصغيره
اليه جمبه مش حلو خالص ومن رائ ان البلسم اليه بيفضل جوه الشعر
ده اختراع فاشل ولا بينعم ولا بيعممل اى حاجه والبلسم
نشفلى شعرى انا واختى رغم ان شعرنا ناعم
نصيحه بلاش البلسم اليه بيفضل جوه الشعر لانه تحسي كانه زى الكريم

ومش بينعم ولا يعمل اى حاجه












شامبو هيد اند شولدرز معجبنيش اوى









شامبو من ايفون من مجموعه ناتشورالز
بلموز وحليب جوز الهند برضه عادى
للشعر مش واو اوى











شامبو بانتين بجد تحفه تحفه تحفه ناسب شعرى انا واختى هو
مكتوب عليه للشعر الجاف وانه بيرطب الشعر وفعلا ممتاز
اوى وكمان بييرطب الاطراف الشعر الناشفه
وبينظف وهو صناعته سعودى









بلسم هير كير بلفواكه
من منتجات الدكتور الشبراويشى بجد جميله وتحفه نعم شعرى اوى
وحلو للبنات اليه شعرها بيهيش او مش ناعم
وهو رخيص وحجمه كبير











بلسم haney هو بلعسل كويس للشعر
مش وحش يعنى وكمان رخيص










بلسم لاكتويل
بجد ممتاز برضه للشعر وهو سريع المفعول بيدى
نعومه للشعر حلوه اوى










حمام كريم بوناويلا بجنين القمح
بجد اكتر حمام كريم ممتاز معايا وبينعم شعرى اوى









حمام كريم مينك بجوز الهند
من منتجات الدكتور الشبراويشي

حلو وكويس معايا هو بوناويلا احلى بس انا بستخدمه الى جانب بوناويلا








حمام كريم مينك بزيت الحيه









حمام كريم هيربل سينسشن
بلثوم والجرجير للشعر المتقصف والتالف
كويس ومعقول وبيطرى الشعر وده الحجم الكبير 1 كيلو









كريم تصفيف للشعر
دابر فاتيكا بلحنه وزيت اللوز ريحته حلو وبيخلى الشعر ريحته حلوه
بينعم الشعر حجم صغير 70 ملى










كريم ايفا بلعسل
ده بقي اليه ممتاز ورائع والصراحه احلى من فاتيكا
بيخلى شعرى كانه مكوى ودده الحج الكبير 200 جرام










امبولات ايفا بلبانثينول للشعر بتغذى الشعر






النشره الداخليه للامبوولات








سيرم ايفون
احلى سيرم وكمان بينزل عليه تخفيضات
حلو هو تقيل مش زى اى سيرم خفيف وبجد بيطرى الاطراف
بس انا بحطه قبل المكوه لو هكويه لان شعرى ناعم واطرافه
بتتقصف بسرعه من المكوه












:flower:طريقتى في غسل الشعر :flower:

1 :1_8:اول شئ بحط خلطت الزيوت بتاعتى لشعرى بسيبها طول اليوم واوقات بسبها
كام ساعه انا بخلط ديما الزيوت عندى العطار وبخليه يخلطلى زيوت كتير
مع بعض والنتيجه بتبقي روعه وكمان بتوقف التساقط من الشعر
والزيوت اليه بخلطها زيت لوز
زيت خروع زيت جرجير
زيت زيتون زيت دابر املا
زيت الحيه
ده ديما بخلطهم واوقات هو بيزودلى زيوت تانى الزيوت المفيده للشعر


2 :1_8:المهم نيجى للطريقه بعد ما بسيب الزيت في شعرى الصراحه انا بحب اسيبه طول اليوم وبعدها اغسله واهم شئ تدليك الفروه


3 :1_8: شئ بغسل شعرى بلشامبو وانا بفضل بانتين لانه بيرطب الشعر وبينعمه

4 :1_8:بعد غسل الشعر بلشامبو بحط حمام كريم انا بحب احط بوناويلا
ديما وبحط عليه اى حمام كريم تانى عندى اوقات هيربل او مينك
بحط الحمام الكريم على شعرى بس مش بحط على فروه الشعر عشان اى
حمام كريم بيسبب تساقط بحط من بدايه مسكت التوكه
اسيب الحمام كريم من 20 دقيق ل 30 دقيقه وبلبس بونيه

5 :1_8:بغسله بماء دافئ شوى واوقات احط فوطه فيها ماء دافئ علي
اطراف الشعر عشان ادى ترطيب عميق للشعر

6 :1_8: وبعد ما اشطفه من حمام الكريم بحط في ايدى بلسم هير كير اليه بلفواكه
او اى بلسم و بلمس بيه على اطراف شعرى ونبعده خالص عن فروه الشعر والجذور بتاعت بصيلات الراس علشان زيه زى حمام الكريم ممكن يسبب تساقط
بشطف شعرى بماء دافئ شوى

7 :1_8:ااجفف شعرى بلفوطه كويس جدا اسيبه شوى لما يجف شوى يعنى يكون مندى واكسر امبوله ايفا بلبانثينول على الفروه وادلك براحه خخالص الفروه

8 :1_8:وادهن باقي شعرى بكريم ايفا بلعسل والفه طقيه مره نلف الشعر على الجمب اليمين ومره نلف الشعر على الجمب الشمال والبس على راسي حجاب مخرم زى الشبكه عشان يدخل الهوا لشعرى
و بلفه على راسي


وكل يوم بستخدم امبولات ايفا وممكن نستعمل اى لوسيون كويس بدلها ولازم تدليك الشعر
بلاصابع كل يوم لمده عشر دقايق بعد وضع الامبولات عشان نجرى الدوره الدمويه وبتساعد في
تطويل الشعر
ولما باجى افك شعرى من الطقيه
بلاقي شعرى ماشاء الله مفرود وناعم واسود لامع
كانه مكوى بلظبط وبيفضل كده لحد ما اغسله

بغسل
شعرى مرتين في الاسبوع فقط

:BOUNCE8:
:9_28:
يارب يكون موضوعى عجبكم
ولو عجبكم موضوعى وشيفين انه يستاهل التقيم قيمونى فضلا وليس أمرا
وبلله عليكم تدعولى تدعوا لخطيبى ان ربنا يشفيه ويقويه ويرزقه