للعرايس بالسعوديه..كل العرايس عامه وخاصه المحافظات أو الملتزمات..بفييييدكم

أهلين بنات..أخباركم؟

لاتضحكون علي سويت لكم بحث صحفي مدري مقال مدري مقابله..المهم اني طفشت البنت اللي بتكلم لكم عنها اليوم

طبعا عارفين إنه فساتين العرايس طاقه فوق ..وبحكم اني متزوجه وبحكم زواجات بنات عمي وصديقاتي على مدى سنتين والى تاريخ اليوم استنتجت التالي:-

أنا تزوجت من سنتين فستان عرسي ماكان ذاك الزود كلقني حول 5000 ريال صحيح مو غالي مره كتفصيل لكن الجوده لك عليها..وماكان راكز على جسمي ..لكن مشيت حالي فيه..حسيت ال5000 خساره فيه

بنت عمي راحت لمحل يطلب فساتين من برا كلفها من غير طرحه 8000 ريال كان جدا رائع لكن لقيت هالفستان عند وحده ب4000ريال يعني المحل اللي خذت بنت عمي منه بلع زيادة 4000ريال

وحده من بنات عمي ايضا راحت لمصمم سوالها فستانها ب12000ريال كان روووعه لكن أحس حرام 12000ريال في ليله وحده ولعدة ساعات

المهم...قبل فتره عرفت عن وحده تطلب فساتين من برا "أمريكا واوروبا ولأكثر من مصمم" إنصدمت لمن كان فستان بنت عمي عندها ب4000 ريال وبنت عمي مكلفها فوق 8000ريال

البنت عندها فساتين روعه للعرايس وأنا أشوف إن أسعارها أروع ومتندمه اني على وقت عرسي ماعرفتها لأن جودة الفساتين اللي عندها عاليه

اتوقع ان اسعارها تبدا من 4000ريال ومدري لوين تنتهي بس لقيت شي عندها بالكتلوج حول 10000ريال

وتقول انها تدور على شركه بالخارج تكون اسعارها اقل لكن بجوده وموديلات حلوه وهدفها انه يتوفر عندها فساتين أسعارها تكون بمتناول الجميع

عرفت ان هالبنت تحاول قد ماتقدر إنها ماتجيب فساتين فاضحه"يعني بلهجتنا مايكون فاسخ ومبين أغلب الصدر أو مطلع الفخوذ أو شفاف" علشان ماتشيل ذنب أحد ويبارك ربي في مشروعها

شفت من الكتلوج فساتين فيها فتحه للظهر بس بحكم ان الطرحه راح تغطيها.

مممممممم خلوني أوضح لكم بالتفصيل ايش شفت بالكتلوج...
فيه فساتين جبانيز اللي هو ربع كم ..فيه الكت وفيه الكم الطويل وفيه النص كم..حتى حسيت إن البنات المحافظات والملتزمات يمكن يلاقون طلبهم عندها

طبعا انا يوم سمعت ان الفساتين """غير فاضحه "" تخيلت فساتين لحجيه"اسمحولي عالكلمه" لكن لمن شفت بعيني كانت الفساتين راقيه جدا جدا جدا

حتى انها متماشيه مع الموضه..يعني مثلا الموضه الآن قصة السمكه.....لقيت عندها بالكتلوج كثير فساتين قصة السمكه
ايضا اضيف لمعلوماتكم انه فيه عندها فساتين كوكتيل"اللي مافيه أكمام خير شر والصدر عاري" لكن مسويه عليهم اكمام طويله دانتيل ضيق على قد اليد صاير شكلها خيال..

هالبنت طبعا لها فتره بسيطه من بدت بمشروعها...أغلب الفساتين عندها بالطلب من الكتلوج ويوصل خلال 3اسابيع الى شهر ونص..
وعندها كم واحد آجار وواحد للعرض فقط..علشان الناس تجي تتأكد بنفسها من جودة الخامه والشغل...بس حاليا راح اللي عندها وتقول انه طالبه فستان علشان تخليه للعرض فقط لأن اللي عندها راح..

أدري إني طولت عليكم ..لكني عارفه انكم تبون تعرفون السالفه بالتفصيل ..
ان شاءالله اني أفدتكم ..واعذرونا على الاطاله