الرئيسية الأركان العامة مجلس بنات عروس الثقافي ... ·ذكّرياتَ جدتيَ « « || رحمة الله علييج .. !! { متجدد }

... ·ذكّرياتَ جدتيَ « « || رحمة الله علييج .. !! { متجدد }

pinkeez 21-05-2009 45 رد 3,567 مشاهدة
p
pinkeez
مشرفة سابقة
21-05-2009 | 01:08 AM
[MARK="FF0099"]السلام عليكم و رحمة الله و بركاته [/MARK]


كل نفسَ ذائقة الموت
يدتي الغاليه توفت بتاريخ 8/5/2009م صادف يوم الجمعة
كانت بغيبوبة بالمستشفى و الساعه 7 بالليل ربي اخذ امانته


الله يرحمج و يغمد روحج الجنة

..

كانت انسانه طيبه و بحالهاا و تسأل عن الصغير قبل الكبير ..
و ماراح اوصف اكثر لأني مابخلص والله ..

..

الوقت متأخر الحين بس حبيت أحجز لي مكان .. و اضمن تواجد الموضوع ..

..

هذي صفحات راح اكتب فيهاا ذكرياتناا مع يدتي الغاليه ربي يرحمها برحمتة الواسعه ..
و راح اذكر ايامهاا الاخيره و على حسب سوالف امي عنها يوم كانت بنيه يعني ببيت اهل زوجها (( يدي الله يرحمه )) ..

..

انا مابي احط الذكريات بقسم القصص لأن هي ذكريات مو قصة ..
و ابي اكبر عدد يقراا معاااي لأني بتعب وانا اكتب و ماراح اقول جم جزء لأن كل ما اذكر شي راح اكتبه ..

و بعيشكم معاناا بأيامناا ..

و اذا قدرت و شفت اي شي لها يذكرني فيها بصوره و بحطه ..

و من بكره راح ابتدي كتاابه ^^ ,,



[B]ملاحظه : لا أسمح و لا أحلل أي احد ينقل الموضوع سواا بذكر المصدر او بدونه الى يوم الدين :)


تصبحوون على خير ..

(f)[/B]
m
men_gady
عروس مبدعة
22-05-2009 | 09:45 AM
ربي يرحمها ويغفر لها ان شاء الله

بانتظارج يالغالية
ن
نفضة قلب
عروس متألقة
22-05-2009 | 10:56 AM
موضووووع واااااااااااايد حلووو ^_^ الذكريااات الحلوه هي الي اتم مع الانسان ... و خاصه من المقربييين

الله يرحم يدتج عزيزتي و يغفر لهااا و يسكن روحها الجنه ...
p
pinkeez
مشرفة سابقة
22-05-2009 | 12:32 PM
السلام عليكم و رحمة الله وبركاته

نظرت الموضوع علشان يعتمد و اخيراً صاار ^^ ,,

الحين ببداا بكتب شووي من ذكريات الطفوله مع يدتي العزيزه (f) ..

_____

يوم كنت بالسنوات الاولى من عمري مايتعدى ال 6 سنواات ..
كان اول يوم ابغي انام فيه ببيت خالتي (( يدتي تسكن معاهاا )) ..

خالتي عندها 3 أولاد
الكبير عمره الحين 23 سنه
المتوسط بعمري 18 سنه
الصغير 13 سنه

انا يوم كان عمري 6 سنوات ولد خالتي المتوسط بعمري كان صديقي
كل العب معااه .. وكل العاب صبياان هههههه .. نلعب حرووب و كوره قدم و عنده سياره كبيره
نركب انا و هو و نفتر بالحوووش مالهم وناسه والله ايام اول ,,

المهم نرجع ليدتي الحبيبه رحمة الله عليهاا ..

جاا يوم و ولد خالتي الا يبيني انام ببيتهم و انا مو متعوده اغيب عن حظن امي !!
و بعد الحنه و الررنه قلت اوكي و امي تمت تقولي اكيييد بترقدين هني ؟ قلت لها اي خلاص
أعتمدي انا صرت كبيره :D >> عاشت واثقه ..

وامي راحت و انا نمت جنب ولد خالتي و خدامتهم (( الخدامه هذي بعمري الحين كثر قعدتها بالبحرين ))
يوم ولد خالتي ببطن امه بشهرين هي جاات عندنا وكان عمرها 16 سنه ,,
وانا للحين ماخلقني ربي ببطن امي لأن ولد خالتي اكبر مني ب 4 شهوور ..

الخدامه صار لها 19 سنه بالبحرين تقريباً ^^ .. ونعتبرها مثل اختناا والله ..

و كنا نايمين بغرفه يدتي :( .. طبعاً يدتي على سريرهاا و احناا بالارض ..
رقدناا رقده هنيه ماطقت الساعه 1 بالليل و الا تقوم بينكيييز و تصررخ ابي امييييييي :confused:
اتصلووو لأميييييييي .. :confused: .. ابي اروح البييييييييت :confused: >> شفتووو الثقه اللي عطتني اياها امي هههههه ..

و اتصلت خالتي على امي الساعه 1 بالليل لأني ماصكيت بوزي (a)
>> سبحان الله والله للحين اذكر اشكالنا و احنا متجمعين عند التلفون و كأن امس (t) !!!

(( ملاحظه: انا حافظه ايام عمري لأن امي تحب تكتب ذكريات و عندها دفتر تكتب كم كان عمري و شسويت من انجازات بهاليوم )) :D ..

و هدتني امي بالتلفون وقالت ان مافي احد يجيني بهالوقت
طبعاً اخواني و خواتي صغاار كانو حزتها و محد يسووق غير الوالد العزيز
و طبعاً ابوي بسريره نايم و ان درره اني مسويه هالازعاج بنصايف الليول والله لا يجيني بالخيزرانه (6) !!

و انا اصيح و اصيح و بعدها خذتني خالتي و ودتني غرفه يدتي و نامت يدتي جنبي لين خلاص تخدرت و نمت جد هالمره ^^ ,,


.
.

لي عوده
.
.: نبض قلبه :.
عروس ماسية
22-05-2009 | 01:59 PM
الله يرحمهاا يا رب ..

يا حلوو الذكرياات والله ..

نتريا تكمله القصه ..
أ
أمانيـــز
مراقبة الأركان العامة ، رئيسة فريق التطوير بالمنتدى
22-05-2009 | 02:52 PM
جميل وفاؤك بنكيز ..
ورحم الله جدتك و اسكنها فسيج جناته .
&
【Green Salad】
عروس ماسية
22-05-2009 | 04:45 PM
الله يرحمها و يغمد روحها الجنه..حبيبتي استمري ..موضوعج مميز و اكثر من رائع..!!
M
MIYA !!!
مشرفة سابقة
22-05-2009 | 06:35 PM
ماشاء الله الموضوع رائع قريت و ضحكت لانك ذكرتيني بنفسي ههههههه
فانتظار تكملة الموضوع المميز
الله يرحم جدتك ويغفرلها يارب
p
pinkeez
مشرفة سابقة
22-05-2009 | 06:49 PM
فديتكم والله ^^ ,,
تسلموون على التميز حبيباتي والله ..
انا لو شكتب ماراح اخلص و لا أوفي بحقها فديتهااا :( !!
شنقول غير الله يرحمها برحمتة الواسعه و هذي حال الدنياا كلنا رايحين ..

..

بكمل بالليل او بكره علشان ماكتب كل شي و تملوون ^^
د
دلوعةحيل
عروس نشيطة
22-05-2009 | 07:33 PM
الله يرحم جدتك ويسكنها فسيح جناته


بانتظار التكمله
¨
¨¨¨°~*§¦§ ام جـــو §¦§*~°¨¨¨
عروس مبدعة
22-05-2009 | 08:14 PM
حلوه فكرتك مرره كملي في انتظارك
^
^ السفيرة^
مشرفة سابقة
22-05-2009 | 10:20 PM



شكلك كنت تحبها وااايد ولك ذكريات حلوه معها


الله يرحمها برحمته
g
gحـيدة ڪالقمر
عروس ماسية
22-05-2009 | 10:22 PM
الله يرحمها ويتغمدها برحمته

وكلنا على هالطريق

وما شاء الله على قصص الطفولة

في انتظار البقية

بس مو تخلينا ننطر كثير

يعطيك الف عااافية ياقلبي (f)
p
pinkeez
مشرفة سابقة
22-05-2009 | 11:07 PM

اي والله احبها واايد و مكانها كبير كبير بالقلب و بالمكاان بعد :( !!
الله يرحمها برحمته الواسعه ..


..

[MARK="FF0000"]و جايه اكمل الباقي .. :)[/MARK]

...

اذكر صحيت الصبح باليوم الثاني ^^ ,,
و جاتناا تقعدنا من النووم فديتهاا ..
و غسلت ويهي انا مع ولد خالتي ,, و رحناا معاها المطبخ ..
كانت تسوي ريووق ..

بيض مفتفت ( منتف صغار )
عادي تحط البيض بالقلايه و تحركه بسرعه بسرعه قبل لا يطبخ و يصير مثل الخبز
هي تحط معااه هيل علشان تروح ريحة الزفووره
بس انا كنت استكرهه الهيل .. تحط لي معااه عسل .. >> ساعات اسوي لي هالاكله الصبح اذا لي بارض اتريق ..
وللحين احبهاا ,, تذكرني فيهاا والله :tears: ..

نرجع لحديثناا ..

تسوي لي هالبيض و تصب لي كوب شاي حليب >> من يوم صغيره تموت بالشاي ..
و اتريق فديت يدها اللي تطبخ لناا .. الله يرحمهاا ..

لما نكمل ريوق انا و ولد خالتي نروح نلعب بألعابه الصبيانيه ..
كناا نصحى من وقققققت يعني على الساعه 8 او 9 احناا بديناا لعب ..
هي ماشاء الله عليها يدتي تقوم من الفجر و تبقى قاعده
تعرفون الناس اول يقومون الفجر و ينامون بعد صلاة العشااء ..

عاد نبقى نلعب لييين الظهر و يجي وقت الغداا و لازم تتأكد فديتها اني تغديت زين
بما اني ضيفه يزعم ههههههه .. هي ماتخلي لا صغير و لا كبير دوم توجب النااس (f) ..

بعد الغداا .. تناديني و تقطع لي برتقاال هي تسميه (( بردقاال )) ,,
تقولي اقص لج بردقاله هههههههه ..

,
,

(( ملاحظه : انا ماذكر الايام بالتوالي عندهم بس بقولكم الاشياء اللي صارت معاها و اذكرها بطفولتي بسنين متقاربه من بعض تنحصر من ال 6 سنوات بما اني من هني ابتدي اذكر الاشيااء لين سن ال 12 سنه لأني كنت انام عندهم لي هالسن )) ,,

.
.

يتبع غداً
¶ۈد ξــٺ ﻍ ـآآلے••
عروس ماسية
23-05-2009 | 02:58 PM
هههههه بنكوز نكبتي نفسك بالثقه >>>>>نونو

خخخخخخخخخخ

الله يرحم جدتك وجدتي ويسكنهم جنات النعيم امين يارب
ح
حَنيني لِلْجنَـانِ "
مشرفة سابقة
23-05-2009 | 04:19 PM
الله يرحمها ويسكنهافسيح جناته

بانتظارك يالغالية
ع
عيشوش
مشرفة سابقة
23-05-2009 | 04:26 PM
الله يرحمها ويغفر لها يارب
M
Miss P!nky
عروس ماسية
23-05-2009 | 05:32 PM
فديييييييتج يا بنكيز الله يرحمها ويغمد روحها الجنه يارب
استمتعت وانا اقرى الذكريات كملي فديتج ولا تحرميناا
اسمحيلي امس ما قريته تدرين عادي كيف حالتي امس لووولز
اتريا الباقي من الذكريات
وتبقى الذكرى ....
p
pinkeez
مشرفة سابقة
23-05-2009 | 08:44 PM
فديتكم والله معذورين
و انتظروني بالليل ان شاء الله ^^
p
pinkeez
مشرفة سابقة
24-05-2009 | 07:41 PM
مافي متابعه ! ..

المهم رايحه اسوي رفريش لذاكرتي و جايه بالجديد .. ^^
X