تجمع البنات اللي مشاركين في دايت سنتر

شدعوه

محد مشارك غيري!!!

يالا حظي السيء ...

ههههههههههههههههههههههه وردوه انتي وين ناقزه اهني

مادريت انج مشاركه @@

انزين انشالله مايسكرون هالموضوع .. لاني انشالله بشترك في دايت سنتر اول مارجع قطر حول يعني 14/6 جذي :P

ادري بعيد بس عاد حركي الموضوع على بال ماجيج خخخ :D

انزين قولي لي انتي في شنو مشتركه دايت سنتر ولا غيره؟ .. وكل كم اسبوع تروحين ياخذون قياسج

واذا اكلهم حلو ولا لا هاي اهم شي .. مب شرط حلو يعني عالاقل ينكل :(

aNa QaTaRia;9547806:
ههههههههههههههههههههههه وردوه انتي وين ناقزه اهني

مادريت انج مشاركه @@

انزين انشالله مايسكرون هالموضوع .. لاني انشالله بشترك في دايت سنتر اول مارجع قطر حول يعني 14/6 جذي :P

ادري بعيد بس عاد حركي الموضوع على بال ماجيج خخخ :D

انزين قولي لي انتي في شنو مشتركه دايت سنتر ولا غيره؟ .. وكل كم اسبوع تروحين ياخذون قياسج

واذا اكلهم حلو ولا لا هاي اهم شي .. مب شرط حلو يعني عالاقل ينكل :(

ههههه لووول انا بكل مكان :tongue: انتي شتسوين هون :cool:
توني مشاركه لاربعا اللي طاف كان اول يوم خخخ ..

انا رحت الاثنين اللي طاف كنت ابي اشترك في سليم ان لايت لكن حصلتهم مصكرين جان اروح Ideal Diet وحصلتهم فاتحين .. وقلتلهم ابي اشارك .. قالولي يصير تشاركين اسبوع لو حابه او شهر او حتى يصير تجربين .. انا قلت لا ابي اشارك لمدة شهر .. وهناك قعدت مع اخصائية التغذيه شوي وهي بصراحه حبوبه (f) وسألتني اسئله عن نفسي وكانت تعبي الورقه .. وعقب قاست وزني وطولي وشافت نسبة الماي والدهون ومادري شنو في جسمي وكانت تشرحلي وتفهمني .. وعطتني موعد بعد اسبوع عشان تشوف وزني نزل ولا لا .. عشان اذا مانزل الله لايقول تغير اكلي او تشوف وين المكشله..

بقولج الصج انا ..
اكلهم لحد الحين حلو وطعمه عادي نفس الاكل العادي اللي ناكله .. لكن في مشكله وحده .. الاكل شوي بصراحه .. هم يعطونج 3 وجبات + 2 سناكز .. لكن الوجبه الوحده تكون شوي وماتشبع .. انا الصراحه اكون يوعانه ويوم اكل ماحس اني شبعت واتم اعاني من اليوع وافكر اروح اكل وهيك .. مادري شسالفه ..

قمت اخربط بصراحه .. خصوصا السويت انا ماقدر اقاومه خخخ .. ايه ونسيت اقولج يوم الجمعه يكون فري مايعطونج شي هع ..

الحين انا ابي حد يكون معاي ويشجعني وزين حصلتج .. بس انا مادري شلون بستمر لان صج اكلهم مايكفي .. بقولها هالشي في اللقاء القادم ..
قمت اقول في نفسي ياليتني ماشاركت .. اخاف مالتزم :( عيل ليش شاركت اذا بقعد اخربط واكل اللي ابيه :(
بس انا ابي اضعف :confused:
اشلون اسد شهيتي :ss: حد عنده فكره ؟؟

همممممم Ideal diet تصدقين اول مره اسمع فيه ..

بس والله زين انج قلتي اكلهم شوي ! .. لان انا كنت اعاني هالمعاناه يوم كنت في سليم ان لايت يمكن من 6 سنين لووول يعني على ايام ماكنت في اول ثانوي كنت آكل وماحس اني شبعت واروح يبلفيت اسوي لي تونه خخخ :tongue:

بس اختي كانت مشتركه في شهر 4 في دايت سنتر وكنت اشوف اكلهم حلو ووايد صراحه حتى لدرجة انها ماتاكله كله ! وطبعاً كانت ماشالله تنزل لان كانت كمية الاكل مناسبه يعني

وانشالله بشترك فيه .. وانا الصراحه صج خايفه مالتزم :( حتى امي اقول لها بشترك تقول لا مب مشتركه لان ادري انج مب ملتزمه ! بس صج لازم اضعف وانشالله بلتزم (f)

خاطري اعرف شنهي وسائل التشجيع عشان تخلينا نستمر ومانخربط :confused:

شوفي هي المشكله مب ان الاكل مايشبع لا هي المشكله فينا احنا تعودنا ناكل وايد ونضرب بالخمس وناكل شي ورا الثاني يعني بعد الغدا انا كنت احلي واشرب عصير لين اغتث اما الحين لا الوضع مختلف ماقدر اشرب الا بعد الاكل بنص ساعه وماقدر اكل بعد الغدا شي .. السناك ممكن اكله بعد الغدا بساعتين او 3 .. هاي تقديري انا ..

بصراحه اول يوم وثاني يوم كانوا اصعب يومين وخربطت شوي في ثاني يوم .. وان شاء الله بلتزم من اليوم وطالع وبحاول ماخربط .. واكيد بطونا بتاخذ على كمية الاكل هذي وبنكتفي .. بس السالفه يبيلها صبر وتعود ..


بس شلون اصبر عن الحلويات هع ..

ايه وتذكرت .. لازم مانام وايد ومانام شوي يعني ساعات النوم في اليوم لازم تكون بين ال7 ساعات وال9 ساعات .. عشان الجسم يقدر يحرق ويرتاح وهيك ..

وانا وحده سافهه الفطور بس اتغدى واتعشى وهالشي غلط طبعا لان وجبه الفطور هي اهم وجبه ..


اااخ انا ارقادي معتفس شوي وهالشي يأثر على الوجبات .. !!

يالله اشتركي عشان نشجع بعض .. صدقيني هاي هي الطريقه الوحيده هع :)

انا قطريه

وينج يمه اختفيتي عني :(

هلا والله بقمر الزمان :D

خخخخ ماختفيت بس الله يسلمج يوم الثلاثا ببدا امتحاناتي خلاص الله يستر من قلب :(

انا هالايام بايعتها والله كل يوم اكل جلكسيين اثنين كل واحد فيه 250 كالوري تقريباً

اكلي صاير يلوووع الجبد وكله متروس كالوريز !!

بس مافتكر :confused: ابي اخلص من الامتحانات وانشالله اذا رديت بشترك في دايت سنتر وبنشوف شبيصير

وعلى طاري النوم .. انا لو انااااام ابرك لي عشان اسد هالحلج اللي ماينسد :mad:

وبعد انشالله بشترك في كلاود ناين رياضه .. بما انه قريب من بيتنا يعني

اهم شي عندي اجهزه لان ماحب اناقز مع المدربه :tongue: .. وبعد ابي اقول لهم عن الاماكن اللي ابي اركز عليها عشان تضعف .. الطعوووووس اللي في ظهري مثلا :rolleyes:

انا احس ان اول اسبوع او 10 ايام جذي بيكونون شوي صعبين لان مثل ماقلتي البطن متعود ينمط لين أقصى درجه بس والله خلااااااااص انا معزمه اني اضعف هالصيف والبس واتعدل واتكشخ واتغندر :(

الصراحه can't wait اني اشترك عشان نشوووف شبيصير واقول لج التطورات :tongue:

انتي بس تبين شهر ولا ناويه تكملين؟ .. وقولي لي اليوم مشيتي عالدايت عدل ولا خربطتي

<< ياااااااا علوي برّز العصا :tongue:

ههههه فديتج وفديت قلبج .. الله يسهل عليج ويوفقج .. :)


معليه هالتوتر كله من الامتحانات من جي تاكلين كوافي هع .. يالله فتره وتعدي ..


بخصوص الدايت .. انا خربطت يوم الخميس والجمعه كان اوبن دي فطبعا خبصت هع .. لكن تحسفت بعدها والحمدلله التزمت يوم السبت والاحد :D
بس عندي مشكله وحده اني مالتزم بوقت الوجبه .. تلقين راقده وقت الوجبه او طالعه وهكذا .. الحين صارلي يومين ماكلت الفواكه اللي عطوني اياهم لان وقتهم راح وامس ماتعشيت :ss: عبالي بضعف :( لكن الصدمه ان وزني ثبت اظاهر عشان ماتعشيت لان الجسم اذا رصيتي عليه وايد وماكلتي ممكن يحبس الاكل ومايفقد شي ..

توبه خلاص الحين بلتزم وباكل كل شي في وقته هع ...


بخصوص امس .. ههه مدلعيني حدهم .. كان احلى اكل بصراحه .. معطيني بودينج بالمنجا وبدل الشاي الاخضر المر اللي كل يوم اغتث فيه معطيني شراب الشوكولا :eek: شفتي الهنا اللي انا فيه :tongue: خخخ اقولج قعدت اناقز من الفرحه ..

وفي شي ثاني ..
اظاهر بطني قام يتعود على السالفه .. صرت اشوف ان الاكل يكفي :cool:
مادري هم زادوا الاكل الحين ولا انا تعودت :cool:
بس صج اول يومين كانو اصعب يومين وكنت متحسفه لاني مشاركه لكن الحين لا اقول بالعكس وايد زين كفايه ان الاكل صحي .. والواحد لازم تكون له اراده ويتحكم في نفسه .. ايه والله انا ابي البس واتشيك .. ابي البس مقاس 10 او 12 ويكون جسمي متناسق .. الحين البس 14 واذا لبست 12 ماحس اني مرتاحه اغلغص نفسي بالغصب :(

بعدين ابي احافظ على نفسي عشان ريلي مايفكر يعيب او يتكلم لان اخس شي عندي اذا حد نقد علي من هالناحيه بصراحه من جي انا دايما في دايت مستمر حتى قبل الزواج كل مازدت كمن كيلو احاول اطيرهم وهيك ..

ابتلاء من رب العالمين .. اقول يحيهم اللي ياكلون ولا يمتنون .. هع حسد :tongue:

والله احسن اذا انتي جذي مراقبه وزنج .. تدرين في بعض البنات اذا تزوجو يهملون عمرهم من قلب والله تشوفين الوحده قبل تترقص فالاعراس وجسمها شحلوه والحين تعالي شوفيهم والله امتاااان صايرين ولا لهم حس

وانشالله سهل انج توصلين للسايز اللي تبينه .. يعني مثلا لو اشتركتي شهرين والتزمتي بيكون اوكي وحطي فوقهم بعد شهر زياده بخشيش حق تثبيت الوزن وعقب خلاص لازم تنتبهين على اكلج :cool:

وبعدين انتي ليش تفكرين ان لازم تاكلينهم في وقتهم؟

هو صج احسن .. بس اذا طاف الوقت وانتي ماكلتي الغدا اكليه .. وحتى السناكز اكلي عالاقل سناك واحد مع الغدا مب شرط بروحهم

هو الرجيم رجيم كالوريز يعني مب السالفه سالفة ترتيب الاكل (o) ومثل ماقلتي اذا قللتي الاكل بالعكس جسمج بيتخرع وبيحبس الاكل ماراح يحرق .. يعني اي احسن انج ماتاكلين اللي حاطينه ولا انج تاكلينه في غير وقته؟

لازم نضعف بس بعد لازم يكون شكلنا healthy .. لان في بنات صج يضعفون لكن والله شكلهم يصير خايس ومسوداات :( ..

انشالله لما اشترك في دايت سنتر باكل كل يومين حبوب خذتهم من فتره من boots شنو تصفي البشره ! .. هي المفروض كل يوم بس انا باكلها كل يومين لان الحبه الوحده فيها 300 كالوري .. ومع الرياضه بيصير في تعادل شوي يعني انشالله ماراح اتمتني :tongue:

لاني جربتها من 6 شهور بروحها كل يوم وماكنت اسوي رجيم ولا رياضه ومامتنت بس صج صارت بشرتي صافيه وتلمع وفيها اضاءه (f) .. مب بس بشرة وجهي لا يعني الجسم كامل حتى اللون الوردي اللي على زنودي خف لووول

آه يالقهر آه يالأنين هاي الامتحانات هم على قلبي :( صج لي قال المثل: ناس عايشه وناس لايصه ... اللي يقول بنجح عاد :(

اهممم شي الإراده والعزيمه والإصرار ياورده

ان شاء الله تنجحين وتفتكين يارب ..

صج قطريوووه مب لازم اكلهم في وقتهم ؟؟؟

مادري لان هم يعطوني مع كل وجبه ورقه ومكتوب فيها شنو الاكل وحاطين فراغ عند كل وجبه عشان اعلق على الاكل هل عجبني او لا ..
وكل وجبه فاصلينها بخط تحتها عرفتي .. من جي اقول كل شي له وقت .. ماظن عادي اكل السناك بعد الوجبه لازم انطر ساعه عالاقل ..

لان هي قالتلي ماتشربين مع الاكل ولا بعده مباشره لازم تنطرين نص ساعه بعد الاكل او قبل الاكل بنص ساعه .. عاد هم مايعطون عصير :( وانا ماعرف شاشرب غير الماي .. شكله الشراب الوحيد خخخ ..
وقالتلي لازم اشرب غرشة الماي الكبيره كل يوم .. قلت في نفسي ايه معليه هيين بس لو شربت نص الغرشه زين هع لاني اصلا ماشرب ماي وايد يمكن باليالله فاليوم اشرب غرشتين ماي لكن اللي حجمهم صغير واااايد ..

والسبب اني ماحب ادخل الحمام وايد الله يعزج .. لكن اظاهر الماي يساعد على فقد شي من الوزن ..

:D

هلا سحوبه
لاتحاتين ان شاء الله العزيمه موجوده .. الله يسهل ..



قطريوووه ..
بخصوص 3 شهور مع هالدايت ههههه مادري شبيصير فيني .. يمكن صج استمر معاهم لكن ماظن اني بالتزم يعني اكيد بخربط .. انا الحين انطر هالشهر يعدي على خير هع ..

آنا بآآآك :D

<< ماخذه بريك يبلفيت !

شوفي انا اتذكر يوم ضعفت على سليم ان لايت .. وبعد اختي يوم انها مشتركه في دايت سنتر توه من فتره بسيطه

كنا عادي مثلا لو قمت من النوم العصر (( على ايام الاجازه )) اكل الغدا وجنه العيد .. وبعدين انطر واكل السناك .. لكن اذا حسيت ان الغدا ما شبعني آكل السناك مع الغدا

وحتى فليل احياناً لو كنا بنطلع بنروح مكان اتعشى قبل ماطلع على طول وانا مبدله ومخلصه لووول عشان لما اروح عند الناس ماشتهي اكلهم وماكل .. ولما ارجع اكل السناك ويمكن يكون الوقت شوي متأخر يعني على ال 11 فليل جذي

يعني كلش ماتقيدت في سالفة متى آكل السناك والساعه كم لازم .. يعني انا محدده الوجبات اني آكلها في الاوقات اللي تناسبني عشان ماخربط واكل شي ثاني هاي مربط الفرس على قولتهم خخخخ

وبعدين انا لازم فالغدا اشرب لبن قليل الدسم مال البيت عشان اغتث شوي :ss: مثلج ماحب الماي بس اتغصبه بروحه ماحبه مع الاكل :(

يعني احس هالنظام مب وايد بيخرب عالوزن .. هو اهم شي ان الاكل طول اليوم يكون خفيف وصحي يعني مب عن سالفة الغدا لازم يكون من 12 لين 2 الظهر ولا مادري شنووو

وادري ان معروف العشا احسن قبل السبع بس انا وحده اسهر من جذي احاول قد ماقدر اني أأخر العشا وماكان يأثر علي الحمدلله بالعكس كنت اضعف :D

(( كتبت اشيا ثانيه بعد بس ردي اللي تحت انمسح وتم هاي اف شهالكيبورد السخيف :())

افكر اسوي LPG بس ناس يمدحونه وناس يذمونه ياختج ماعرف شسالفه (&)

مع اني شفت وحده تصير حق رفيجتي في عرس اخوها ولفت نظري ان جسمها وايد انثوي ماشالله وقلت حق رفيجتي .. قالت لي اي هاي تسوي جلسات LPG عند عايده

انا بس خل ارد قطر بسلامتي بحوووووورف بعمري انشالله هع

بس اعتقد مايصير تأخرين العشا وايد لان الجسم بعد الساعه 8 مايهضم وممكن يتم الاكل في المعده وهالشي مب اوكي ..


اما كلامج الثاني بخصوص السناك وجذي اممم مقنع بصراحه .. وخلاص باكل ههه

امس كنت شبعانه اما اليوم مادري اشفيني يوعانه :(
يمكن لان امس ماتعشيت !! << خخخ ازمه ..


ايه عندي سؤال .. كم كيلو نزلتي يوم شاركتي في سليم ان لايت وكم شهر شاركتي معاهم ؟

اي هو احسن اذا تقدرين تاكلين العشا بدري وتصبرين ماتاكلين شي عقبها اعتقد

بس يختج هالشي من سابع المستحيلات بالنسبه لي :D

لان اتذكر يوم في سليم ان لايت كانت تقول لي تبين نحط لج وجبة عشا متأخره؟ (( غير العشا يعني كان سندويج او شي خفيف )) .. لان كان اجازه .. عاد انا كنت مشتطه وقلت لا .. بس عاد شسويت عقب .. مثل ما قلت لج أأخر العشا قد ماقدر يعني عال 8 ولا 9 .. والسناك الثاني اخليه عقب بساعتين ولا ثلاث عشان ماجوع وانا سهرانه

وكنت انزل 4 كيلو في شهر .. اشتركت شهرين ونزلت تقريباً 9 كيلو ذيج الايام :( وتخيلي هاي على ايام الرشاقه والجمال .. الحين انا وع علي :(

هههه فديتج معليه .. بنشارك الحين وبنعوض .. وان شاء الله بنفقد الكيلوات الزايده واللي مالها داعي ..


بس اذا حسينا بجوع شنسوي ؟؟

مرحبا .. !



بصراحه امس واليوم خربطت لين قلت بس ..
اممم مادري مع اني نازله كمن كيلو بس هالشي ماخلاني استمر خلاني اخربط مب عشاني نزلت قلت يالله اخرب لا .. لكن يوعانه وكله افكر في الاكل لاني محرومه من وايد اكلات جدامي .. وكل اللي حولي يقولولي اكلي واكلي وعادي ...
حتى ريلي :(
جان اخزن هالكلام في عقلي واكل خخخخ

بس متحسفه بس شسوي خاطري في اشياء وماقدر امسك نفسي ..

امس كلت كوب فيه اسكريم وفواكه وعصير خخخخ والعشا كان دبل عشا امس واول امس ..

واليوم عالغدا كلت سويت مادري شنو هو لكن حلو نفس العصيده وجي بس سكره خفيف وايد والدهن بعد خفيف وكلت خبيص على ماظن حبه .. والغيت السناكز ..
ومادري احس اني تعبانه ابي انام واكيد وزني بيكون زايد كمن جرام لان جسمي تعبان يبي يرتاح فلما قست وشفت النتيجه مب مرضيه رحت كلت اربع كوافي من جواهر جلكسي :(
وشربت عصير بونص نصه .. وكلت 3 حبات بسكوت صغااااااار ..


:( صج اني رزيله ليش كلت كل هاي لا وبعد كله سويت =@

يا أيتها الورده الجميله .. هل تصدقين أني نسيت ُ هذا الموضوع !

يا إلهي .. انا أأسف لهذا الخلل الشنيع :rolleyes: .. لحظه واحده .. سوف أكمخ ُ رأسي بضع كمخات ٍ حتى لا أنسى مرة أخرى

إسمعي أيتها الفتاه .. لماذا تُخربطين فالأكل؟ هل تريدين أن أطُقكِ بالعصاة المنقعة ِ بالمياه المالحه؟؟ :eek:

النصيحه التي أوجهها لك ِ هي وبكل بساطة.. لااااااااااااااااا تُخربطي

كوني كالجبل الصامد في وجه الطعام !! .. كوني ك جبل أُحد الذي لا يقهره شيء !!

حتى لو أمامكِ الجيزُ كيك ُ .. لااااااااااااا تأكُليه .. تخيلي أنه بقعة ٌ من الطين حتى تتجنبيه تماماً وتعافهُ نفسك ِ

أتمنى أن تكون هذه الكلمات كافيه حتى تساعدك ِ على التخلص من الكيلوات الزائده (i)

ودمت ِ بخير (f)

<<<<< :2_29: