تكفون ساعوني
ل
20-05-2009 | 07:56 PM
شخباركم يابنات عروس واتمنى تلبولي طلبي انا صارلي ادور وظيفه فتره طويله ومافي فايده اناصحيح شهادتي ماتاهل لاني احمل شهاده المتوسطه وعندي شهاده كمبيوتر انا كنت قبل مااتزوج اشتغل في مستشفى خاص في الدمام مشرفة عاملات ولحمدلله ولما تزوجت وجيت الرياض تركت اشغل طبعا على اساس اني في واحدمسؤل عني الله لايوريكم انحرمت تقريبا من ابسط الاشياء بسبب راتب زوجي اللي يادوب يغطي مصاريف البيت وولدي الوحيد تخيلوكيف الاحراج لما ازور اهلي في الاجازات واطلع معاهم مكان وشلون اكون خايفه ان المصروف يخلص قبل مارجع لبيتي لدرجة انو احيانا اهلي واهله يفكروني بخيله مايدرون انو اذا خلصت الفلوس الي عندي انا بتورط زوجي كان معارض في البدايه مساله الشغل بس لما شاف حالتي وشاف بنات العايله ومنهم خواته يلبسون ويطلعون ويصرفون وحتى انهم احيانا يتفقون يروحون السوق مع بعض وانا والله بدون مبالغه ريال واحد ماعندي على العموم انا طولت عليكم وشغلتكم بمشاكلي بس شسوي بعد التفكير قلت مالي غيركم لاني دورت في كل منتديات التوظيف بس كلهم طالبين شهادات عاليه وقدمت على مستوصفات خاصه وقالو مكتفيين اوان شهادتي متاهل مع اني طالبه اني اتوضف اي وظيفه الا مندوبه لانه االمندوبه يبغالها وحده اجتماعيه وتعرف الناس وانا كل دنيتي بيتي لااروح ولا اجي الحين انا صدق طولت عليكم بس ابي اوصيكم اللي تسمع عن اي وضيفه في الستشفيات اوالمستوصفات اواي مكان ثاني الله يجزاها الخيراللي تدلني عليه وشكرا للجميع0