تعالو شوفو توزيعات نثور بنتي ..

الحمدلله واخييرا بنتي بدت اتخطي لأنها ظربت الرقم القياسي في التأخيير هههههه ( سنه ونص مع مرتبة الشرف )) وطبعا من فرحتي فيها قررت اسوي لها نثوور .. وهو كان عباره عن توزيعات لليهال ... حبيت انزل الفكره عسب تستفييدوون وتاخذوون افكاار ويالله انشوف نثور نواره المتواضع ..

اول شي رحت ادور واحوس ادور اشيا اتخص المشي مثل سوالف اقدام او خطوات والحمد لله حصلت وخذت هالزينه تتعلق على شكل ريول وحصلت وياها كلينكس عليه صورة ريوول ..

وعقبها تمييت احوس في النت ادور بطاقات اتخص هالمناسبة First step الخطوه الاولى لين ماحصلت هالبطاقة طبعا هو اساسا برواز وكان مكتوب فيه كلام .. بس عدلته بالفوتوشوب ومسحت الكلام وكتبت العباره اللي تشوفونها وكتبت اسم بنتي المهم هالكرووت طبعتها وكتبت عليها اسامي اليهال ولصقتهم بالبوكسات ..

حبيت انوع في التوزيعات يعني اشيا يستفيدون منها اليهال مب بس حلوياات .. رحت اشترييت بكسااات وحطيت فيها هالجوتي الوردي وداخله كاكاو .. والبنات حطيت لهم شباصات وخاتم لأصابع الريول ..ولعبتيين

والاولاد احترت فيهم ليما حصلت شو احط حطيت لهم بالونات وصفاره على شكل كرة قدم ولعبتيين بعد

وهالبوكس حطيت فيه البيزات مع ورد مجفف اللي بنثرهم على نواره بس اتعمدت مااحط ربابي ( دراهم ) ولاحلوياات عسب مايتفلعوون اليهال ههههههههه يبت خمسااات ولفيتهن شرات السندويجه وربطهم بشريطه ..

وهذا الشكل النهائي للبوكساات





اتمنى يعجبكم .. وتفرحوون بعيالكم وبحركااتهم ..

وصح حبيت اقولكم ان كل شي ف التوزيعاات شريته من محل في دبي اسمه ( بارتي سنتر)