موضوعي اليوم حلو وخفيف وراح يفيدكم واااااااااايد بإذن الله طبعا هالموضوع مشابه لموضوع الإخت أرتوسة في منتدى شمواه وأنا من طبعي أحب أنقل تطبيقي للشي وليس النقل الحرفي
طبعا اليوم راح أخبركم عن سر يخليكم محترفات في الميك أب ومن دونه يكون الميك أب تعيس طبعا هالشي من وجهة نظري غيري ممكن يشوف انه استخدام الأصابع أحسن شي
أول شي حابة أنوه لشغلة إنه الموضوع وجهة نظر وتجربة شخصية يعني اللي يعجبني مو شرط يعجب غيري =====>>> فكينا من مقدماتج :bomb:
درسنا اليوم راح يكون عن الفرش آآآآآآآآآآآآآآآآآآآآخ وما أدراكم بفرش المكياج وهناك أنوااااااااع منها الغالي ومنها الرخيص الغالي إما يكون شعر الغزال أو المهر والرخيص مال أي كلام طبعا الغالي سعره فيه ويكدون معاج سنين وفي فرش شعرها يكون نايلون تستخدم للميك أب المائي ولتوزيع الفاونديشن بتحصلونهم ي ماركة ميك أب فور ايفر يبتدون ب حرف N ومسكتها لونها رمادي يعني أول ماتشوفونها انتبهوا إنها للمكياج المائي والكريمي فقط
فرش مكياجي وسيفورا من رايي الشخصي أي كلام وماينفعون
بعد ما تكلمنا عن أنواع الفرش الحين راح نتكلم عن أحسن الفرش بالنسبة لي
1- وهي ممتاااااازة فرش بوبي براون روووووووووووعة من الخاطر رغم إني ما أمتلك منها غير فرشتين ولكن ناوية إن شاء الله آخذ منهم
2- ميك أب فور إيفر صج اتجنننننننن وتكد
3- ماك وشماس بوكس حلوين بس ماك خشنين اشوي
في فرش بتوقيع مصممين عالميين مثل شانيل جفنشي ديور سيسلي وكلارينس وأرماني بس أحسنهم لانكوم وعيبهم إنه فرشهم محدودة يعني ماتزيد عن أربع أو خمس فرش بس:(
والحين راح أراويكم فرشي واستخداماتها
هذي صورة عامة لفرشي
هذي الفرشة من ماك استخدمها في توزيع اللوس باودر خاصة اللوس باودر اللميعة وممكن تستخدمينها في توزيع الفاونديشن والبلاشر
الفرشة هذي عجييييييييييبة وتستخدم في توزيع الفاونديشن السائل والكومباكت فاونديشن والستيك فاونديشن ( لتغطية مثالية استخدمي هالفرشة ) لاحظو هالفرشة اللي تكلمنا عنها شعرها من النايلون عسب مايذبل مع الفاونديشن ومسكتها رمادية
هذي الفرشة أنا أستخدمها للكونتورينغ وممكن تستخدمينها لنحت البلاشر ع الوجه
فرشة للروج مريحة
فرش البلاشر ماك ومكياجي يهمني اتكون فرشة البلاشر مقوسة يعني شعرها مايكون في مستوى واحد لأنها تساعد في دمج البلاشر هالفرش مؤقتا لأني ناوية أخذ من ميك أب فور إيفر أحلى بوااااايد
فرشة الآلاينر هالإثنين روووعة ميك أب فور إيفر وشماس بوكس وتستخدم مع الكحال الكريمي
وكمان هذي فرش للمبتدئات لرسم الآيلاينر بكل سهولة في هالمنطقة وتعطيج نفس هاللوك
هذي صورة أوضح للفرش
فرشة الإسفنجة موجودة في كل الماركات تستخدم للآيشدو الكريمي والبيجمنت بس من غير ماندمج
فرشة الكونسيلر أحبها واايد هي بالأساس كانت من ضمن مجموعة فرش مكياجي ففضلت أستخدمها للكونسيلر
هالفرشة تستخدم فقط للألوان الفاتحة من ميك أب فور ايفر يعني ماراح تفيدكم بالألوان الغامقة لأنها ماتلقط الألوان الغامقة وتستخدم لمثل هاللوك بعد ممكن تستخدمينها للمعة
يتبع ======لا أحد يرد
الموضوع حصري لمنتدى عروس لذلك لا أحلل نقله بأي شكل من الأشكال
