مدة زواجك وعدد اطفالك؟؟

انا متزوجه من 2003 ( كملت 6 سنوات والحين انا في السابع سنه )
عندي ولدين الله يحفظم والحين انا حامل .
عندي ولد مواليد 2004 في نوفمبر يخلص الخمس ويدخل الست .
والولد الثاني مواليد 2007 (3 - سنوات )

أما أنا يا بنات تحفة

متزوجة من سنتي ونصف عندي بنتي الإيثار عمرها سنة و 7 أشهر

وعندي تقى عمرها 6 أشهر

والحين حامل بالثالث الحمدلله

فكرتي

تزوجت في عمر فوق ال33 سنة

وألحين عمري 35 سنة قولوا تقريبا 36 سنة

يترى إذا اخرت في الانجاب متى اربيهم

كم يكون عمري وهم في العشرينات من عمرهم

الله يطول في عمرهم

هل أقدر اربيهم وانا عجوز هذه فكرتي

وانا افكر اني الحمدلله وإن شاء رب العلى أنجب الثالث وأخذ استراحة حقيقية :)

لأني كثييير اتعب في حملي

ولازم اهتم في الأولاد والبيت والزوج أيضا

والحمدلله على كل حال

امم

انه اللحين متزوجه صار ليي سنه وباقي عليي تقريبا شهر ونص واولد

ادعوو ليي اولد بالسلامه


بس انه حمالييييي وايد صعب وكل شهر لازم تصيدنيي مشكله



بس افكر انيي اجيب اولادي كلهم وانه في عمر العشرينات

يعني الفرق بينهم ثلاث سنوات او سنتين ونصف اوكيي

وبعدين اوقف خيرر شر اذا دخلت الثلاثينات

اممممم

شرايكم؟!

ماما حسون;9530024:
الموضوع يجنننننننننن :D

تسلمين ام جود وجواد



انا ان شاء الله الشهر الجاي بكمل 6 سنوات على زواجنا ..

عندي ولدين


حسين عمره 5 سنوات وشهرين تقريبا
أحمد عمره سنتين ونصف تقريبا

الحملين صاروا بدون تخطيط .. حملي بحسون كان من اول شهر زواج ، وحملي بحمود كان عمر اخوه سنتين بالضبط <<< الفرق بين عيالي سنتين و8 شهور :wink:

والحين فكرة الحمل مؤجلة ولو ما تهف قلوبنا انا وزوجي على بنوتة حلوة كنت ما فكرت بالحمل بتاتا هههههههههههههه وزين ان عندي مجال 5 سنوات قبل ما اوصل سن ال30 وان شاء الله الحمل الثالث يكون بنت لان لو يجي ولد اكيد زوجي بيقول يبغي البنوتة يعني حمل رابع بعد :o

الحمدلله على كل حال



نسيييت اقول ان انا ضددددد فكرة الانجاب ورا بعض (n)
لازم الكل ياخذ حقه مثل ما قالوا البنات :: الطفل والزوج والزوجة نفسها

الله يرزق الجميع يا رب

هذا ردي من فترة وقبل لا احمل للمرة ال3 <<< الحمل ايضا هالمرة صار مفاجئ والحمدلله على كل حال

اذا الله تمم لنا على خير بيكون وقت ولادتي صار لنا حوالي 6 سنوات و8 شهور على زواجنا ههههههههههههههههههههه

الله كريم :)

متزوجة صار لي سنتين ونص

عندي ولد عمره 11 شهر وشويه

حملت عليه من غير تخطيط بس احس ظلمته عدل

الله يقدرني اربيه واربي اللي بجيبه افضل تربية وربي يجعلهم من الذرية الصالحة اللهم امين

افكر اوقف بعد ما اولد تقريبا 3 - 4 سنوات منشان اريح واتفرغ لتربية عيالي

حلو الموضوع ..

انا متزوجه تقريبا سنه وشهر .. باقي الي ثلاث شهور تقريبا ويجي اول بيبي ..

ماكنت مخططه للحمل .. لاني لساتي صغيره .. وفي غربه ..

بس اللهم لا اعتراض ..

ناويه اكمل 4 او 5 سنوات .. بعدها اجيب الثاني ..

والله يقدرني على هالشيء ..

رانيا البحرينية;10019111:
مدة الزواج.. ست سنوات
ولدي البكر.. خمس سنوات
بنتي.. 4 شهور ونص..

ولدي حملت به أول الزواج ومنعت سنتين وشوي وبعدها حملت بس ما الله أراد يتم الحمل وأجهضت وبعدها بسنة وشهرين ربي أكرمني بالحمل ورزقني بنوتة ربي يحفظها هي وأخوها ويبلغني فيهم...

بالنسبة لمدة الحمل أنا لما حملت بعد ولدي كنت أحس الوقت مناسب لأن ولدي تخلص من الرضاعة والحفاظ لكن أجهضت وماتم الحمل بعدها بسرعة فحسيت إن السن صار وايد كبير بين ولدي وبنتي.. والحمدلله على كل حال..

الحين مافي بالي فكرة طفل ثالث لأني تعبت هالمرة كثير وإذا الله أعطاني ماراح أرد عطية رب العالمين..

وعن سن الإنجاب أفضل الوحدة خلاص مع بداية الثلاثين توقف بعدها لأن الصحة تقل والمشاكل تزيد.. يعني هذا ولبي إذا آبي ثالث ههه

الله يحفظهم لش ان شاء الله

وانا بعد أقول كذا الثلاثين مو سن جيد للإنجاب

زين البراري;10019191:
انا متزوجه من 2003 ( كملت 6 سنوات والحين انا في السابع سنه )
عندي ولدين الله يحفظم والحين انا حامل .
عندي ولد مواليد 2004 في نوفمبر يخلص الخمس ويدخل الست .
والولد الثاني مواليد 2007 (3 - سنوات )

الله يحفظهم لك يارب

وسنهم مناسب جدا لبعض

الله يتمم لك على خير

الإيثار;10026073:
أما أنا يا بنات تحفة

متزوجة من سنتي ونصف عندي بنتي الإيثار عمرها سنة و 7 أشهر

وعندي تقى عمرها 6 أشهر

والحين حامل بالثالث الحمدلله

فكرتي

تزوجت في عمر فوق ال33 سنة

وألحين عمري 35 سنة قولوا تقريبا 36 سنة

يترى إذا اخرت في الانجاب متى اربيهم

كم يكون عمري وهم في العشرينات من عمرهم

الله يطول في عمرهم

هل أقدر اربيهم وانا عجوز هذه فكرتي

وانا افكر اني الحمدلله وإن شاء رب العلى أنجب الثالث وأخذ استراحة حقيقية :)

لأني كثييير اتعب في حملي

ولازم اهتم في الأولاد والبيت والزوج أيضا

والحمدلله على كل حال

الله يحفظهم لك يارب

لكن أشوفك ضاغطه على نفسك كثير


لاتتعبي نفسك ترى عادي ناس ينجبوا في سن الأربعين



تدريي أم زوجي أنجبت زوجي وهي في الأربعين يمكن عمرها 42 أو 43 سنه


لكن صراحه في هالعمر مخاطره لان قد يكون الجنين مشوه


ولكن العلم تطور ومع المتابعه أثناء الحمل لاخوف بإذن الله لا على الأم ولا على البيبي



أنتي في أي شهر اللحين؟؟

والله يرزقك بالولد هالمره ان شاء الله ويسهل عليك حمله وولادته وتربيته مع أخواته

أميرة عند زوجي;10026108:
امم

انه اللحين متزوجه صار ليي سنه وباقي عليي تقريبا شهر ونص واولد

ادعوو ليي اولد بالسلامه


بس انه حمالييييي وايد صعب وكل شهر لازم تصيدنيي مشكله



بس افكر انيي اجيب اولادي كلهم وانه في عمر العشرينات

يعني الفرق بينهم ثلاث سنوات او سنتين ونصف اوكيي

وبعدين اوقف خيرر شر اذا دخلت الثلاثينات

اممممم

شرايكم؟!

رأيك سديد أختي سنتين ونصف او 3 زين واهم شيء ماتكوني دخلتي الثلاثين لان حسب ماسمعت يكون الحمل متعب أكثر

وانا الفرق بين أطفالي سنتين ونصف

صحيح انا لما عرفت اني حامل بالثاني قومت الدنيا وماقعدتها ههههههه

لكن الصراحه بعد التجربه أقول لك


زين وأكثر من الزين بعد ولله الحمد سنهم مناسب أطفالي لبعض


مع ان قدامي وقت للثلاثين لكن إرادة الله اني انجب أطفالي ثنينهم بهالوقت


الله يحفظهم



والله يسهل عليك ويحفظ لك جنينك

ماما حسون;10027527:
هذا ردي من فترة وقبل لا احمل للمرة ال3 <<< الحمل ايضا هالمرة صار مفاجئ والحمدلله على كل حال

اذا الله تمم لنا على خير بيكون وقت ولادتي صار لنا حوالي 6 سنوات و8 شهور على زواجنا ههههههههههههههههههههه

الله كريم :)

الله يسهل عليش ام حسون

بالعكس فرحت لما دريت انش حامل

الفرق بين اطفالش حلو ومناسب جدا ليش احس من ردش زعلانه


شوفي غيرش مساكين أطفالهم بعضهم حتى السنه ماكملوها ويحملوا عليهم


انتبهي لنفسش وللي في بطنش واحساسي المتواضع يقولش هالمره بنوته حلوه زي امها


وبعد ماتولدي ان شاء الله لازم تحاولي تغيري المانع وشوفي لش مانع أقوى :wink:

زيي صرت استخدم مانعين بنفس الوقت بس عشان لا يصير أخطاء هههههه




والله يوفق لش ويحفظ أطفالش

ام سيد سلمان;10028472:
متزوجة صار لي سنتين ونص

عندي ولد عمره 11 شهر وشويه

حملت عليه من غير تخطيط بس احس ظلمته عدل

الله يقدرني اربيه واربي اللي بجيبه افضل تربية وربي يجعلهم من الذرية الصالحة اللهم امين

افكر اوقف بعد ما اولد تقريبا 3 - 4 سنوات منشان اريح واتفرغ لتربية عيالي

هلا أم الساده


لاتضايقي نفسش ولا شيء اللي صار صار

أهم شيء تهتمي بنفسش

لاتصيري زيي زعلت على بنتي اني ظلمتها طول فترة حملي

والنتيجه اني كنت تعبانه جدا جدا

وبكذا ظلمت بنتي زياده لان اني كنت ظالمة نفسي

الله يكون بعونش ويقدرش على تربيتهم تربية صالحه

Smile Heart;10030619:
حلو الموضوع ..

انا متزوجه تقريبا سنه وشهر .. باقي الي ثلاث شهور تقريبا ويجي اول بيبي ..

ماكنت مخططه للحمل .. لاني لساتي صغيره .. وفي غربه ..

بس اللهم لا اعتراض ..

ناويه اكمل 4 او 5 سنوات .. بعدها اجيب الثاني ..

والله يقدرني على هالشيء ..

الله يسهل عليش ان شاء الله


والله ينولش اللي ببالش وتقدري تمنعي المده اللي تتمنيها

يسلمووو ع المووضوع الحلوو

انا صارلي متزوجه 11شهر بعد اسبوعين اكمل سنه بالزواج ..

عندي بنوته وحده رسيل 6شهور الله يحفظها ..

افكر احمل لين كملت نتوش سنه و شوي ..

و انا مو مع لي تحمل ورا بعض بسرعه ع الاقل سنه ..

أم رسيل

تسلمي على مشاركتك

والله يخلي لك رسوله الحلوه

صحيح أم رسيل


عندي سؤال فضولي شوي


شو معنى إسم رسيل؟؟

انا احب الأسامي الغريبه ورسيل إسم غريب على عائلتنا عجبني



واسمحي ليي على اللقافه

هلا ام جود وجواد

حبيبتي انا في هذا العمر والحمل يتعبين فكيف بعد الاربعين لا إن شاء الله بعد الأربعين ما أتمنى اني أحمل بإذن الله

وبعدين مثل ما ذكرتي مخاطره وبعدين صحيح العلم سخره لنا رب العالمين للاستفادة ولكن إذا هو العلي القدير يريد شي فمليون علم مثل العلم الحين ما ينفعنا فأخاف اخاطر المخاطرة الحين أفضل

وعلى فكره حملي عمره الحين بإذن الله 6 أسابيع

تمنياتي لكم الصحة والعافية

الإيثار;10031529:
هلا ام جود وجواد

حبيبتي انا في هذا العمر والحمل يتعبين فكيف بعد الاربعين لا إن شاء الله بعد الأربعين ما أتمنى اني أحمل بإذن الله

وبعدين مثل ما ذكرتي مخاطره وبعدين صحيح العلم سخره لنا رب العالمين للاستفادة ولكن إذا هو العلي القدير يريد شي فمليون علم مثل العلم الحين ما ينفعنا فأخاف اخاطر المخاطرة الحين أفضل

وعلى فكره حملي عمره الحين بإذن الله 6 أسابيع

تمنياتي لكم الصحة والعافية

أهلا اختي أم الإيثار

قد تكون فكرتش صحيحه ماادري


وماادري ليش مكبره نفسش واجد:(


قرأت لش كذا رد وأحس من ردودش انش انسانه حكيمه وهاديه :wink:



وكل اللي أقدر اقوله الله يخلي لش بنوتاتش ويرزقش بأخو ليهم ان شاء الله ويوفقش ويسهل عليش تربيتهم ان شاء الله

تسلمين اختي ام جواد :) ..

رسيل يعني الماء العذب و المياه المتدفقه من اعالي الجبال الشي اللظيف ..

تسلمي حبيبتي هذه الشهادة انا اعتز بيها كثيييير

وعلى فكره انا احب البنات كثييييير بس بيني وبينك اتمنى ارزق ببنت :)

والحمدلله الولد حلو كثييير والبنت بعد نعمة عظيمة والحمدلله على كل شيء

أشكرك موضوعك جدا رائع وانت أروع