عاجل بنات البحرين - منتديات عروس

ا

العطر الدافي

عروس مبدعة

20-05-2009 | 07:20 AM

السلام عليكم ورحمة الله وبركاته ....

صباحكم عسل ...

الله يعافيكم يابنات البحرين ومن لهم معرفه بدولة البحرين انا وعائلتي الصغيره ومعنا عائله ثانيه اذا الله اعطانا عمر ان شاءالله بنجيكم بعد اسبوعين وابي جدول سياحه ابي امكان ترفيهيه + مطاعم

انا جيت البحرين قبل شهر بس كانت تمشيتنا اغلبها في المجمعات

ايه وابي اماكن الاسواق الشعبيه انا جيت سوق المحرق وابي اعرف احلى سوق المحرق ولا سوق واقف ولا كلهم نفس الشي ....

وابي كل شي حلو في البحرين

ومشكورين مقدما

m

miss sh

عروس ماسية

22-05-2009 | 01:30 AM

تبين لجم يوم يوم؟وانا اسويلج خوش برنامج
واذا محددين مكان سكنكم؟ او تبيني افترح عليج

واذا تبين اي مساعده لا يردج الا لسانج

وحياكم الله بديرتكم الثانيه البحرين

ا

العطر الدافي

عروس مبدعة

22-05-2009 | 07:21 AM

هلا والله حبيبة عزوز منوره الصفحه ...

الله يحييك يارب وحنا بنوصل تقريبا الاربعاء بالليل تاريخ 3\6 وبنجلس الخميس والجمعه والسبت راجعين..

ابي احسن اماكن التمشيه عندكم وخصوصا الاماكن الترفيهيه غير جنة دلمون وابي اعرف احسن المراكز التسوقيه غير ستي سنتر ومجمع السيف والعالي لانهم كلهم جيتهم ...

واحسن المطاعم كمان ....

وابي اسال بعد وش احسن الاسواق الشعبيه عندكم انا جيت سوق المحرق احسه عادي وجيت واقف بس مالفيته طلعت بسررررعه وبس هذا اللي اعرفه هل فيه غيره ...

ايه بعد نسيت اخبرك احنا المره اللي طافت سكنا بشقق رامي صح الشقق نظيفه وحلووه بس المشكله انهم مسكنين عزاب مع عوايل تخيلي الشقه اللي قبالنا فيها عزاب والشقه اللي فوق شقتنا عزاب والله ليلتين مانمت زي الاوادم من الخوف والازعاج والصياح اللي اسمعه وياليت تساعديني في شقق او فندق بس يكون عوايل لاني ابي اتطمن من قبل ارووح لان المره اللي طافت مادخلنا البحرين الا ع الفجر وماكان قدامنا وقت نلف ندور اول ماحصلنا رامي سكنا ع طول...

واخر سؤال اذا ماعليك امر ..ادري اني مصختها بس وش اسوي مالي غناة عنكم يا اهل البحرين يااهل الخير ...

ابي اسال وين يباع الزعفران الاصلي ؟؟؟ ووشو الاجار وكيف يستخدم لاني شريته المره اللي طافت وصرت احطه مع الاكل وهو ع النار بس ما ادري صح ولا غلط ؟؟؟

ومشكووره ياقلبي وياليت تسوي لي برنامج اوكي ولاتنسين ان معنا عائله ثانيه

م

ماركة بحرينية

عروس مبدعة

29-05-2009 | 01:19 AM

نور الخرج;9543631:
هلا والله حبيبة عزوز منوره الصفحه ...

الله يحييك يارب وحنا بنوصل تقريبا الاربعاء بالليل تاريخ 3\6 وبنجلس الخميس والجمعه والسبت راجعين..

ابي احسن اماكن التمشيه عندكم وخصوصا الاماكن الترفيهيه غير جنة دلمون وابي اعرف احسن المراكز التسوقيه غير ستي سنتر ومجمع السيف والعالي لانهم كلهم جيتهم ...

واحسن المطاعم كمان ....

وابي اسال بعد وش احسن الاسواق الشعبيه عندكم انا جيت سوق المحرق احسه عادي وجيت واقف بس مالفيته طلعت بسررررعه وبس هذا اللي اعرفه هل فيه غيره ...

ايه بعد نسيت اخبرك احنا المره اللي طافت سكنا بشقق رامي صح الشقق نظيفه وحلووه بس المشكله انهم مسكنين عزاب مع عوايل تخيلي الشقه اللي قبالنا فيها عزاب والشقه اللي فوق شقتنا عزاب والله ليلتين مانمت زي الاوادم من الخوف والازعاج والصياح اللي اسمعه وياليت تساعديني في شقق او فندق بس يكون عوايل لاني ابي اتطمن من قبل ارووح لان المره اللي طافت مادخلنا البحرين الا ع الفجر وماكان قدامنا وقت نلف ندور اول ماحصلنا رامي سكنا ع طول...

واخر سؤال اذا ماعليك امر ..ادري اني مصختها بس وش اسوي مالي غناة عنكم يا اهل البحرين يااهل الخير ...

ابي اسال وين يباع الزعفران الاصلي ؟؟؟ ووشو الاجار وكيف يستخدم لاني شريته المره اللي طافت وصرت احطه مع الاكل وهو ع النار بس ما ادري صح ولا غلط ؟؟؟

ومشكووره ياقلبي وياليت تسوي لي برنامج اوكي ولاتنسين ان معنا عائله ثانيه

سمحيلي أختي أجااوبج شكلها حبيبه عزووزي انشغلت وبنات البحرين حاضرينلج :)

بالنسبه عن المجمعات اللي عندنا ::

السيف\ الستي \ العالي\ الدانة\ كونتري مول\ ذي سنتر (العلوي سابقا) \ سترة \ مجمع مدينة عيسى

أفضلهم اللي رحتيهم ( اول 4 ) ومتخرعين عليهم ماعندنا غيرهم ( الحمدلله )

الاماكن السياحية عندج ::
حديقة عذاري ... جنة دلمون المفقودة... العرين(( حديقه حيوانات))

عن المطااعم ياكثرها (( الناس كله همها بطنها هههه )) حددي لي النووعيه اللي تبينها وحاضرتلج اعطيج كل اللي تبينه ان شاء الله

بالنسبه للأسواق الشعبيه :: سوق محرق ( جربتيه ) ،، سووق المنامة (باب البحرين)متنووع بس في هالجو يبالج تروحينه من بعد العصر ،، سووق واقف في مدينة حمد ،، عندج السوق الشعبي في مدينة عيسى

عن الشقق والفنادق ،، اعتقد بما أنكم عايلتين الافضل يكون لكم نظام الشقق :)

منطقة الجفير ماشاء الله مليانة وكل شوي يطلعلنا اسم جديد ،، في شقق فندقيه تتبع الدبلومات ( راديسون ساس ) في المنامة

الزعفران الاصلي مادري من هني وين ياخذونه ،، بس اجوف الاغلب يمدحون في علب ياخذونها من أسواق المنتزه يسمونه بوشيبة // بالنسبه حق عائلتي نوصي عليه أهلنا بالامارات يجيبونه لنا :)

واذا تبين زعفران اسباني ،، عندج مطحنة في المحرق اسمها الصباغ ,, تلاقين عنده نووعية زينه وحتى انواع القهوة

وهذي طريقه منقولة عن شلون تعرفين الزعفران :::

لمعرفة الزعفران الأصي خذ شعرة واحدة(زعفرانة) من الزعفران وضعها على ورقة أو أي شيئ مشابه وأفركها (أهرسها) بالضغط عليها بالاصبع ثم النزول الى الاسفل وأنت ظاغط عليها وبعد ذلك أنظر الى الشعرة (الزعفرانة) إن بقيت صفراء أو حمراء أي لايزال اللون موجود فهو زعفران جديد أما إن أصبحت بيضاء من غير لون فهو مغشوش وقد تم صبغه ولا ينصح بشرائه شكراً

وآآآخر شي بالنسبه عن الآجار الله يسلمج هذي اهو مخلل .. ويعتمد على نووع الخضره او الفاكهة المستخدمه فيه أنوااع كثيره ،، ممكن تحطينه على النار مع الأكل (( ساعاات اسوي فيه تخميره للدجااج او اللحم يطلع بطعم حامض او ماالح ))

بس الأغلب الآجار يكون مشهي للطعام ، يعني تحطينه مع العيش ولا المشاوي (( مثل الدقوس ))

إن شاء الله أكون افدتج وحاضرين لأي سؤال ثاني :$

ا

العطر الدافي

عروس مبدعة

29-05-2009 | 04:12 AM

الله يسلمك يالغلا وماقصرتي وبنات البحرين كلهم مايقصرووون

واحنا ان شاء الله جايينكم الثلاثاء

m

miss sh

عروس ماسية

03-06-2009 | 09:52 PM

اممممممم شكلي اتأخرت بس اتمنى تشوفين كلامي قبل لا تسافرون
هذي بعض الاقتراحات

شقق اليت ممتازة في كل فروعها ... شقق نظيفة وعائلية ..

شوفي اليت رويال ...في الجفير ..

واليت غراند .. في ضاحية السيف قريب جدا لبحرين ستي سنتر

واجنحة السيف ... قريبة من مجمع السيف ....

وكلها تابعة لمجموعة إليت ...

الدانة ريزدنس ... قريبة من مجمع الدانة ومجمع البحرين ...

رامي سويتس ... في الجفير ...

... واذا حبيتي تحجزين من موقع

http://www.booking.com/

وحياج الله

M

Mimiko0

عروس مبدعة

19-09-2009 | 03:32 PM

الاخت حبيبة عزوزي كفت ووفت ..
من المطاعم الي اعرفها ومشهور : مطعم مرمريز , مطعم الابراج , مطعم زيارة ..
والمجمعات : ستي سنتر (هذا الناس طابين عليه) , مدينة عيسى , العلوي , السيف , الدانة هذيلة الي اذكرهم ..
تقبلي مروري ..

MEME^MOON