أفضل طبيبة نساء وولادة في الرياض

ليه ... :sad:
ولا وحده ردت علي ... :cry:

يا ليت تردون علي بأسرع وقت ممكن .. انا محتاجه لها .. لا تطنشوني والا ترا ابزعل ... :angry:

يالله انا في انتظار الردود ...:z_bye:

هلا أختي rananar :
أنا سراحة ما ني متزوجة بس خبرتي من خواتي الكبار ومرة اخوي وزميلاتي في العمل وكثير منهم يمدحون د . منى الريس تلقينها في مستوصف الشملان إللي في العليا . مرة اخوي كانت تراجع عندها ويوم جت تالد راحت لمستشفى دلة وطلبت نفس الدكتورة وجتها للمستشفى .

أما ناحية المستشفى فاختلف الرواة ( حلوة الرواة هذي هاه ) البعض يمدح المستشفى ويجي غيره ويذمه أختي تمدح التأمينات تقول زين ما عليهم .
بس أشوف كثير من زميلاتي في العمل يمدحون الحمادي يقولون زين ..

إن شاء الله أفدتك ..

مثل ما قالت الاخت ام العرسان الدكتوره منى الريس ممتازه الي بمركز الشبلان
ومستشفى الحمادي كمان ممتاز
وبالنسبه لمركز حبيب عندهم دكتوره اعتقد انها هنديه اسمه نسيم ممتازه
الله يهون عليك وتولدين بالسلامه

اخواتي ام العرسان وام السنع والزين .. الف شكر لكم على ردكم واهتمامكم ...

بصراحه انا ما بعد حملت لكن ودي اراجع عند طبيبة علشان ان شاء الله أحمل .. لأن عندي مشاكل بالهرمون وضعف تبويض وودي ابدا العلاج علشان احمل مره ثانية .. ويمكن علشان كذا سألت عن مستشفى للولادة .. اذا موجود بنفس المستشفى دكتورة كويسه اصير اراجع عندها وبالمره الولادة تكون عندها .. ومشكورين مره ثانيه ..

اللي تعرف طبيبة ممتازة ولها راي ثاني تفيدني .. لأني بصراحه سمعت ان د . منى الريس نفسها شينه .. ومثل ما انتم عارفين العلاج يبي له وقت وصبر ولازم اعرف كل خطوه وكيف الطريقة , وهذي يبي لها طبيبة متفهمه وما تبخل عليك بأي معلومه .. وسلام ..

اســــــــــــفه اختي ما اقدرافيدك انا مالي بالسعوديه 000
:confused:
بس كنت فيها بس موبالرياض بالخبر 000
:confused:
الله يسهل غليك 000 ويرشدك للطبيبه الممتازه000 والفهمانه 000 والصبوره 000 لاني اعرف اذاما ارتحتي لدكتوره مالح تستفيدي 000
الله ييسرلك اختي 000
وطمنينا عنك 000
:D
تحياتي لك وتمنياتي لك بالشفاء العاجل وان شاء الله الله يرزقك الي بدك ياه .0000
:cool:
:cool:

الدكتوره نوال في مستوصف الطبي الحديث شرق الرياض قريب لمخرج 14 ممتاااااااااااااازه في كلللللل شي الولاده ومشاكل التبويض والخياطه والتضييق وتجميل المنطقه (.....) وكللللل شي وفوق هذا كله رقيقه ومافيها عنف ووجهها بشوش وإبتسامتها تعلوا محياها طوووووول الوقت وتفتح النفس صراحه وتولدك في أي مستشفى تبغينه ...

مشكورة اختي فدائية من الرياض على اهتمامك وردك .. بس حبيت أسئل عن جنسية الدكتورة ؟؟ وهل انتي مجربتها بنفسك والا بس سامعه عنها ؟؟

اعذريني على كثر أسئلتي ويا ليت القى منك رد .. ومشكوره مره ثانيه يا عيوني .. :z_thanks:

أيوه انا مجربتها بنفسي في طفلي الأول وأنا الحين حامل بالشهر السابع وبعد أراجع عندها وتهتم في النواحي الجماليه لذيك المنقطه ، جنسيتها مصريه بس تعالي شوفي مو مصريه أي كلااااااااام لااااا مصريه صح كأنها أجنبيه في تعاملها هاديه ولطيفه ومخلصه

وبالنسبه لسؤالك عن افضل مستشفى للولاده فيه عندك ثلاثة يعتبرون القمه طبعاً مو من الحكوميات لأن الحكوميات أفضلهم مستشفى الملك فهد ، فيه عندك المملكه وهذا تجربه خاصه لأني ولدت فيه وبولد فيه البيبي الثاني ان شاءالله ، وفيه عندك التخصصي الطبي اللي بطريق الملك فهد ، وفيه عندك الحمادي ....

والله يكتبلك الذريه الصالحه ان شاءالله