ساعدوني نفسيتي وحشة اوي

حبيبتي معليش تحملي ولازم تقدرين وضعه الغربه صعبه فلا تزيديها عليه حاولي تفهمينه اكثر وتقربي منه وماتحسسيه انك شاكه فيه,,,اكيد ضغوطات العمل والمكان مأثره ع نفسيته وكلها فتره ويرجع لك مثل أول بس انتي ادعي ربي انه يسهل اموركم,,,الله يسعدك

يا حبيبتي ليه بتقولي كدا حرام عليكي....
اكيد الشغل وضغط الشغل هو الي عامل كدا.....
بس الشيطان بقي عامل عميله معاكي...
والفراغ بيخلي دماغك تجيب وتودي
اهدي كدا واستهدي بالله.وخليكي كويسه معاه...علشان ما
تضيقهوش في لشويه اللي بيكلمك فيهم

حبيبتي طبعا الشغل والغربه والمسؤليه يعملوا اكتر من كده والمفروض انتي تصبريه وتكوني الحاجه الحلوه المفرحه في حياته مش كل ما يكلمك تنكدي عليه وتزودي همه
هو مسافر لمين؟ مش ليكي مش بيتعب ليكي والغربه صعبه اوووي يابنتي واكيد الشغل مش سهل وهو تلاقيه بيحاول يضغط نفسه اكتر واكتر عشان ينجح و يحوش وتيجي بفايده الغربه دي

خليكي انتي الحاجه الحلوه في حياته وخففي عليه قد ما تقدري مش مهم لو هو مش بيتصل ولا بيكلم كتير معاكي خليكي انتي اسالي واطمني ومتستنيش مقابل صدقيني هيشلهالك

ومتفضليش تعيطي وتشتكي هو ليه مين غيرك عشان يرتاح معاه وينسى همومه؟؟؟ تيجي انتي بقا تزودي همه وتخليه يفكر يبطل يكلمك ؟ هترتاحي لما يفكر انا لو كلمتها دلوقت هتقعد تعيط وتشتكي وانا اللي فيا مكفيني لا هكلمها بكره وبكره يجي ويعدي وياجل لبعده وهكذا لحد ما يتوعد انك مش في حياته خالص؟
هو تصرفاته طبيعيه انتي ممكن بتصرفاتك تدفعيه بعيد عنك ومش بس كده لو حد تاني دخل حياته انتي بتديلها الفرصه دي طيب وليه؟؟ انتي بتقولي انه بيحبك وانتي بتحبيه بس الظروف صعبه

خدي بالك من جوزك ياحبيبتي وحطي في بالك انك انتي في وسط اهلك وفي بلدك وصحابك معاكي وفي بيتك هو بطوله ومتغرب وتعبان وبيشتغل وتعب وقرف وكل ده عشانك
في اول تلت شهور كان لسه مفيش شغل اوي مثلا ولسه بيبداء وكمان كان عاوز مش يحسسك انه بعد عنك بس الحياه مش كلها عسل وحب وفرفشه

دورك انك تخليه يحس انك مقدره تعبه وانك مش مدايقه وانه وحشك بس انتي فاهمه ومقدره تعبه
لما تصحي الصبح ابعتيله رساله صبحي عليه لو مردش متزعليش على نص اليوم رنيله رنه بس عشان تحسسيه انه في بالك وعلى اخر النهار اسالي عليه يارب يكون يومك كان كويس حاول ترتاح دلوقتي لو قدرت تدخل النت نكلم ادخل مقدرتش خلاص حبيبي ربنا يعينك كلام من ده بقى انتي اكيد فاهمه وعارفه
ولما تلاقي نفسك مدايقه فضفضي وطلعي اللي جواكي مع حد من اخواتك قرايبك صحابك ومش تتقلي عليه هو ...ميمنعش ان من فتره لفتره تقوليله الللي جواكي بس بلاش نكد بالله عليكي هو اكيد مش ناقص

حاولي تعرفي مواعيده ايه وفي اول يومه رنه او رساله في نص يومه رنه او رساله في اخر يومه رنه او رسله وكده حسسيه انك معاه طول اليوم صدقيني هو هيشلك كل ده وهيقدر ده وعلى اد ما تقدري بلاش نكد وعياط وشكوه

ربنا معاكي يارب ويصبرك

اول شيء حابة اعاتبك واسمحيلي على التدخل
ماكان لازم تدخلي امه فمشاكلكم ولا تشتكيلها منه مهما كان ابنها !!
ولو اشتكيتيلها هالمرة بيوصل وقت تتدخل بدون اذن وتفرض وجودها فعلاقتكم وتتدخل بينكم وهالشي مايصير بين الزوج وزوجته لازم ماحد يتدخل ولا يعرف شي
ثاني شي حاسة فيك لانه انا كمان خطيبي فالغربة وبعاد على بعض
حبيبتي هالشي صعب كاير كتير ومرات بيصير هالشي يعني هالجفاف و الركود والملل فالعلاقة بس برايك الحل هو الخناق و الزعل والعياط ؟؟ لا بهالشكل حتصير علاقتكم باردة اكتر وتملو من بعض
لانه تعبان و مضايق و مضغوط محتاج لما يكلمك تفرحيه بكلام حلو و تخففي عنه مش تقلبيها هم و نكد وتبكي لا
وحتى لو كان في شي اتناقشي معاه بهدوء وبالراحة لحد ماتوصلو لحل ان شاء الله
لو ماسال انت اسالي ابعتي مسج وحسسيه انك موجودة وانك جنبه عيشيه فجو كانك معاه حتى وانت بعيدة خليه متلهف يكلمك وعارف انه لما يتصل حيسمع كلام يريحه ويسعده وينسيه التعب والشقا مش يكون خايف و شايل هم انك تزعلي وتبكي
ولا تزعلي من صراحتني بس قلتلك هالكلام لاني مجربة وحاسة فيك
الله يوفقكم ويهديكم على بعض ياارب

اسمحيلي ياقمر انتي كدا غلطانه وبتضري نفسك قبل حتى ماتكوني بتزعليه هو
انا نفس ظروفك بالظبط...وبعد قصة حب خمس سنين خطيبي سافر وبقاله 3 شهور وشوية اهو وبردو كنت هتجنن وكل حاجه
بس تعرفي بحاول على اد ماقدر اني لما اكلمه اكون كويسة ومفرفشة لاني عارفه اني لو زعلت نفسيته هتتعب اوي
بجد يابنتي هما غلابه واغلب مننا كمان
تخيلي انتي هنا ف بلدك ف وسط اهلك وصحابك لو محتاجه حاجه هتعرفي تعمليها هتلاقي حد جنبك كل مشكلتك انك مفتقده شخص واحد
تخيلي بقة هو ساب كل ده مرة واحده لا لاقيكي ولا لاقي اهله ولا بيته وصحابه وداخل دنيا جديدة ناس جديده وشغل جديد
اعذريه وحاولي تقفي جنبه وتحسسيه انك مطمناله ومش بتشكي فيه ابدا لانك بجد لما تدي حد الاحساس ده هيحاول يكون اد الثقه
انتي اكيد عارفه خطيبك كويس وعارفه انه بيحبك وانه محترم وابن اصول وكل حاجه
طيب ليه الشك؟؟ ماهو كان حلو وكويس وملهوف عليكي...البرود هيجي مرة واحده كدا؟؟؟؟ فجاة كرهك يعني؟؟؟
بلاش التفكير ده بجد ...حاولي تخلي مكالمته ليكي هي الحاجه الجميلة ف يومه...خليه يحب يكلمك مش تزعليه كل مايكلمك وتبعديه زيادة
انتي كدا بتضيقيها ف وشه اكتر
تخيلي واحد راجع من شغله مرهق وتعبان وطالع عينه طول النهار
مروح نفسه يكلم مراته يسمع كلمه حلوة انشالله حتى معلش...بس عايز حنية تعاطف اهتمام
بدال كدا يكلمها يلاقيها بتعيط
انتي عارفه لو كلمك ولقاكي بتعيطي حتى لو مش بسببه اكيد بيزعل ويتأثر ويحس بالعجز انه مش معاكي ومش قادر يسعدك وكدا
مابالك بقى لو بسببه؟؟
فبجد حاولي تمسكي نفسك وتكلميه حلو
ولو مكتوب كتابكم يبقى قشطه ياعم :D عيشي ياماما
دول غلابه...:D
اعطني حبا وحنانا

انا رغيت ياما بس ياريت يكون كلامي مفيد
وانتي عارفه اني نفس ظروفك ماحنا سوا ع الجروب
بس اجمدي كدا...هنعمل ايه كلنا لها...انا بكلمك وانا نفسي كنت لسا مخنوقة اوي لانه مش معايا بس هعمل ايه مش بايدي ...ربنا يهونها علينا كلنا ويجمعك بيه على خير يااااااااارب
:) دعواتي ليكي وياريت تطمنينا عليكي قريب

بصى هقولك حاجة انتى متعرفيش الغربة بتبقى عاملة ازى فيهم لما فجاة بيبعد عن اهلةوالناس اللى بيحبهم وبيلقى نفسة مرة واحده كده لوحده صدقينى هو دى الشئ الوحيد اللى مغيرة مش اكتر لكن هو بيحبك زى ماهو بس لسه مقبلشى وضع انوا بعد وبقى لوحده وده شئ تاعب نفسيتة وانتى لما بتكلمية وتعيطيله بتزودى همة همين ياحبيبتى صدقينى اهم حاجة تعمليها فى الفتيرة دى انك تنسى اى شك او زعل وتشيلى الاوهام دى من دماغك وقربى منه اكتر ومتخلهوش يحس بهم من ناحيتك بالعكس انتى لازم تكونى الصدر الحنين ليه ومش لازم يكلمك كل يوم عشان تعرفى انوا بيحبك وبعدين اصبرى عليه شوية بس انا كمان خطيبى مسافر وداخل على 4 سنين وزهقان من الغربة ونفسة يرجع شوفى هو باقله كذا سنة وده احساسى مابال خطيبك اللى بقالة 9 شهور بس يعنى لسه حاجة قريبة جدا انتى بس من شده حبك ليه بتخليكى تحسى انوا هيروح منك وان خلاص لا بجد بقى لو فضلتلى على الحال ده وان كل ما يكلمك تعيطى وتتخنقى كده هتخلية يهلرب منك ولو اى وحده كلمتة كلمة حلوة هيقرب منه خليكى انتى شاطرة وعقلة وخليكى حنينة علية وحاولى متزعلهوش خالص وتخلية يضيق خلية يحس ان مفيش غيرك بالدنيا وحتى لو مليون وحده قربت منه عمرة ما هيفكر بس يبصلهم مدام انتى كويسة معاه ومش بتضغطى على اعصابة
الراجل مبيحبش النكد والزعيق والخناق كل شوية وعلى فكرة لما هو بيجى يكلمك بعد ما بيكون خلص شغل او غيره بيبقى جاى يقولك انا بترمى فى حضنك شيلى عنى تعب اليوم كله وقوليلى كلمه حلوة حتى ولو بسيطة ففجاءة بيفاجا انك بتعيطى وبتتخانقى فلازم تحسى انوا بدا يبعد عاوز يبعد عن الضغط وعاوز يلاقى راحة
وعلى فكرة الراجل لما يكون محترم ومبيعملشى حاجة تغضب ربنا والبنت اللى قدامة تقعد تشك فيه وتتهم انوا بيعرف حد عليها ده بيخليه فعلا يفكر فى حاجات هو اصلا مكنشى بيفكر فيها وكمان لما بيحس اتنوا مظلوم من اقرب انسانة بحياته ده بيخلية يزعل قوى منها وبيبعد عنها لانها بتشك فيه رغم انوا كل الحب اللى عنده ليها هى بس
فااستهدى بالله كده وخلى عندك ثقة فى ربنا وفيه وبجد شيلى الشك من دماغك خالص عشان مدمريش حياتك باايدك وترجعى تندمى كل اللى عليكى انوا كل مايكلمك متحسسهوش باى حاجة حتى لو كنتى حاسة بحاجة حساسية دايما انك تثقى فيه لابعد حد وفكرية دايما بربنا وان لازم يحافظ على نفسة من اى خطا يغضب ربنا وخليكى حنينة عليه وبلاش نكد لا ملصلك ودانك الحلوين دول ماشى ياقمر
وربنا يهديلك الحال يارب

كلا م كيتى مصبوط حاولى تكون بيته يعنى لازم تحسيه بانك بلده وامه واخته وحبيبته لازم تبقى حنينه عليه عشان ميهربش منك ويكره الكلام معاكى وربنا يسعدك ياقمر

السلام عليكم ورحمه الله وبركاته


بصى يا جميله استهدى بالله كدا
لا اله الا الله سيدنا محمد رسول الله
اى واحد بيسافر بره بيكون بسبب ايه الشغل والفلوس طيب قصاد دا بيتعب جدا وبيكافح عشان يوصل للهدف دا
وفى الاخر ليكى لانه بيتعب عشانك صح
طيب ليه بقا تزودى تعبه وتلفتى نظره لحاجات ممكن متكونش فى باله اصلا
تحبى يقول نديه ويفكر انه يتغير فعلا معاكى طبعا لا
المفروض مهما كان زعلك تهونى عليه الغربه صعبه جدا
وربنا يصلحلك الحال ان شاء الله
ربنا معاكى
والحل بجد ان شاء الله
انك تكلميه بشكل تانى خالص زى ما كنم واحسن وتوصليله بشكل غير مباشر انك خايفه عليه وبكلامك تريحيه لو تعبان من الشغل وتخففى عنه مش تزودى
يقول بكمله المفروض يلاقى معاكى الهدوء و ينسى تعب الشغل ولا ايه
ربنا يسعدك يارب ويتمملك بخير ان شاء الله يارب يارب يارب وكل البنات يارب يارب يارب

بصى يا قمرة الغربة مرة زى مابيقولوا حطى نفسك مكانه بعيد عن اهله وبعيد عنك وهناك لوحده ووراه مسئوليات وجواز وهم مايتلم وانتى نفسك قولتى لما كنتوا بتتكلموا بيصرف نص مرتبه ومش بيحوش حاجة امال هتتجوزا ازاى ياما بقى ييجى يكون جنبك ومش يحوش حاجة

اعذريه يا حبيبتى والله ده اكيد غصب عنه
انا عارفة ان كل ده من حبك فيه بس انتى عارفة لما يكلمك ماتعيطيش ولا تقولى له حاجة تضايقة ولا اى حاجة وكل مايكلمك كلميه كويس وباسلوب رقيق وحسسيه انك حاسة بيه ومراعية ظروفه هتلاقيه على طول يكلمك واول مايتضايق او يفرح من اى حاجة انتى اول واحدة هيجرى يكلمها ويقول لها
وربنا يرجعهولك بالسلامة يارب وتفرحى وتتهنى وتبقى احلى عروسة يارب

السلام عليكم

معلش يا نهى استعيذى بالله من الشيطان
و يا بنتى شلى الافكار الوحشه دى من دماغك و الشك ده يعرف واحده تانيه ايه بس تلاقيه مش لاقى وقت يهرش
الشغل هناك مش بيرحم و هو لسه رايح يعنى وضع جديد تماما ربنا يكون فى عونه

وانتى بتحسبى انه مش زعلان انه سافر وسابك لا طبعا ده زمانه وعلان جدا و نفسه يبقى معاكى

والراجل مقصرش و فى اول سفره فضل يتصل بيكى عالطول و كان شايل همك و محسسكيش بحاجه
وانتى نفسك بتقولى محوش و لا مليم بسبب التليفونات
انتى بقى عيزاه يكلمك عالطول و يدفع ثمن غربته و بهدلته فى التليفونات معاكى و ميحوش حاجه
امال هو كان مسافر و متغرب ليه بقى ما كان قعد معاكى اوفر

خليكى الحاجه الحلوه فى حياته و خففى عنه
هو بيعمل ده كله علشانك مش تشيليه هم اكتر بالله عليكى
وزمانه باسلوبك ده بيقول عليكى نكديه و بقى يكره مكالمتك متزعليش منى بس انتى حطى نفسك مكانه
استهدى بالله كده و ابقى قوليلوه انت وحشنى اوى بجد وغيابكم ماثر فيا جامد بس انا عارفه انك بتعمل كل ده علشان مستقبلنا ووربنا يقوينى و كلام من ده يقوم هو يعرف انك بتقدرى و كلامك يبقى دافع له
مش تقوليله انت عرفت واحده تاينه

وبعدين بالله عليكى اشتكى للناس كلهاااااااااا الا مامته
ومش تعوديها على تدخلها فى حياتك
انتى اللى هتندمى فى الاخر
ومتنسيش ده ابنها يعنى فى الاخر هتبقى معه وانتى ان شاء الله بكره تتصالحى مع جوزك و تعيشى فى هنا لكن هى مش هتنسى الكلام اللى انتى قولتيه عن ابنها خلى بالك

و حاولى تهدى كده وبدل العياط سمعيه كلمه حلوه
وحاولى تشغلى وقتك باى حاجه مفيده علشان الفراغ و كتر التفكير هو سبب ده كله
وربنا يفك كربك يارب ويجمعك مع جوزك على خير

خطيبك معزور الشغل ممكن فعلا يبقى ضاغط عليه وفيه ضغط عليه جامد اكيد مش هيتكلم زى ما بيتكلم هنا
انا خطيبى اهو بيشتغل فى مصر وبيسافر بس بييجى ايايم مش بنتكلم خااالص لان ضغط الشغل عليه بيبقى شديد
واخويا فى السعوديه وبيشتغل والله ساعات من ضغط الشغل عليه مراته تكلمه الساعه 6 الصبح عشان تطمن بس عليه وفعلا ممكن ينسى ياكل من كتر الشغل
اوعىىىىىىىىىىىىىىى تتقلبى نكديه الراجل ميحبش الست النكديه
قالك عنده شغل صدقيه اكيد مش هيكدب عليكى بس متضغطيش عليها اكتر ماهو مضغوط
لما تكلميه قوليله انا بس عايزه اطمن عليك واتكلمى معاه عااااااااااادى متحسسهوش بحاجه كفايه يابنتى الغربه بجد وحشه الله يكون فى عونه
قوليله ابقى رن عليا حتى بس اطمن عليك
خليكى حنينه معاه انا متأكده انك بتحبيه بلاش الشك بجد بيدمر العلاقه بين الاتنين
حسسيه انك معاه ومقدره شغله وان هوا متغرب عشانك بلاش عياط قدامه اكيد هوا مش بيبقى حابب كدا
قوليله انا مستنياك اول ماتخلص شغل كلمنى ولما يتكلم متجبيش سيره مشاكل اتكلمى عادى ارفعيله معنوياته
لو انتى اتكلمتى زى مابقولك كدا وبقيتى كويسه معاه ومحسساه بحنيتك عليه وثقتتتتتتتتتتتتتتتتتك فيه
اكيد هتلاقيه بقى حابب يكلمك
مانا هاقولك حاجه لو انتى تعبانه وكلمتى حد عشان يشيل عنك لاقيتيه بينكد عليكى ويشيلك فوق همك وانتى مش ناقصه هتضايقى
لكن بقى دا فى اسء الظروف لو بقيتى كويسه جدااااااااااااااااااااااااااا معاه وبتكلميه برقه وحنان وبلاش عياط والكلام دا وبرضه لقيتى نفور منه يبقى وقتها شكى براحتك
بس انا متاكده ان شاء الله انه فعلا من ضغط الشغل عشان انا فى نفس موقفك وفاهمه
وربنا يقدرلك اللى فيه الخير ويتمملك بخير ياااااااااارب

بصراحه البنات كفوا ووفوا

وانا زيك والله نفس كلامك كانى انا اللى بقوله لكن برجع اقول ده ولديعنى لو مش عاوزنى هيقولى مش عاوزك

يعنى بالله عليكى لو هو مش عاوزك هيفضل ليه معاكى

بلاش قلق لان القلق والشك كانوا هيدونى فى داهيه

واستغفرى كتيرررررررررررررررر

بصي يا فمر

انا ظروفي تقريبا زي ظروفك وخطيبي مسافر بلد عربي برده

اليكي الاتي

هما هناك بيموتو من الشغل بمعنى الكلمة

انا كنت زيك كدة برده وخناق وشد عشان مش بيسال عني زي الاول

المهم انا ليا وحدة صحبتي هناك وبتشتغل
قالتلي ان الشغل هناك مش زي هنا
ممكن يعدو بتاع 14 ساعة بيشتغلو
ويرجعو يدوب ياكلو وينامو عشان يلحئو يصحو بدري تاني يوم

الحياة هناك صعبة جدا

واحنا واجب علينا نستحملهم لانهم بيعملو كل ده عشانا وعشان مصاريف الجواز الي مبئتش سهلة ابدا

اتمنى اني اكون افدتك

البنات وفوا وكفوا استحمليه الغربه بجد وحشه ومتعبه وبعدين هو بيتعب دلوقتي علشان تتلمو في بيت بسرعه وتبقوا مع بعض علطول يعني في الاول والاخر كله عشانك بلاش تنكدي عليه وتحسسيه انه مش عارف يبقى جمبك ويطمنك استهدي بالله وكلميه بهدوء وطمنيه علطول لانه هو ال بعيد ومتغرب عن الناس كلها واولهم انتي

ياحبيبتى الغربة بجد مفيشششششش اصعب منها انتى مش متخيلة علشان متغربتيش لكن صدقيني الغربة مرةةةةةة زي مابيقولو
يعني مهما كان بيحبك ومهما كنتى وحشاه ظروفه اتغيرت عن هنا وضغط الشغل هناك صعب وصدقيني فأى بلد عربية مهما كان بيشتغل فمنصب ومكان كويس بيعاملو المصريين معاملة مش الى هي اوى خصوصا لو كان لسه جديد فكل ده محمله ضغط علي اعصابه
بس انتى بجد لازم تغيرى اسلووووبك تماماااا معاه وتحسسيه ان مفيش اى حاجة وتخليه لما يكلمك ولو دقيقه ينسا هم الدنيا الى هو فيه وكل المشاكل وان شاء الله يرجعلك بالسلامه وتلاقى ان كل الزعل الى انتى فيه ده مكنش ليه اى داعي
وربنا يهنيكي يارب ويجمعكم ببعض علي خير

بصي انا مخطوبه وخطيبى سافر من اول ما خطبنى بشهر يعنى قربنا على ال 3 سنين
انتى من اول 4 شهور و بتقولى اتغير يابنتى الغربه تعب تعب تعب لازم انتى بقي تحولى
تهتمى بيه اوى رسايل حب كلام حلو انتى اليه المفروض تكون الحاجه الحلوه في غربته بصي انا خطيب الاول كان بيكلمنى مره في الاسبوع على النت طبعا قليل جدا جدا تخيلى مره بس واوقات مرتين ومفيش مكلمات تليفون لان انا كنت عيزاه يوفر
بعد كده اشترى خط نت وبقينا نتكلم كل يوم
انتى بقي حولى تشديه ليكى تكلميه كلام حلوه خليه 24 ساعه يفكر فيكى و يبقي ملهوف وده هيحصل لما هو هيحس باهتمامك ومش كل شويه تتخنقي معاه وتقوليله اتغيرت
ثم ياحبيبتى لو هيكلمك دولى يبقي المرتب بتاعه كله هيضيع امال هو مسافر ليه مش عشان
تتجوزه لازم تكونى قلبك عليه وتحسي بيه وتقربي منه اوى في الفتره دى
الشغل هناك كمان صعب اوقات الواحد بيشتغل اكتر من12 ساعه انا خطيبى شغله بلمرواح والمجى 14 ساعه تخيلى بقي عنى ولا بيلحق حتى ينزل واكله بيجيبه بلعافيه
هناك كله بيشتغل كده
استحملى وربنا هيوفقك ان شاء الله

السلام عليكم يا قمر اولا استغفرى الله ووحدى الله كدة الدنيا مش مستاهلة الى انت فية دة المهم انا عاوزاكى تفهمى يعنى اية واحد لوحدة فى مكان مبيعملش حاجة غير انة يشتغل لا يكلم حد ولا لو مخنوق هيعمل حاجة ولا ينزل لواحد صاحبة ولا ليكى حتى دى تقيلة قوى والله كمان ممكن نفسيتوا تعبانة ولمم بيكلمك ويحس انك بعيدة بيتعب اكتر طالما انتوا بتحبوا بعض الحمد لله وبتتقوا الله فى بعض ولا يهمك حتى لول لقدر الله فى حاجة ربنا هيلطف والدنيا هتتظبط اقرى انت بس قران كتير وصلى وابعتيلو كام sms حلوة وكلمية من غير دموع وبرومانسة دة الرجالة دول اطفال والله وعجلى فى جوازك وان شاء الله كل خير ولا تتمنوا فيلقى الشيطان فى امانيكم .
وكمان وبشروا ان بعد العسر يسر
وادعوا معايا يا بنات :
اللهم يسر لها الحال ولبنات المسلمين اجمعين
اللهم اهدى لها زوجها وازواجنا يا ارحم الراحمين.
اللهم كنا معنا ولا تكن علينا واعينا فانت خير المستعان .
اللهم استر عوراتنا وامن روعاتنا وسترنا اجمعيييييييييييييييييييين
اللهم اميييييييييييييييييييييين وصلى الله على سيدنا محمد وعلى اله واصحابة اجمعين .
استبشرى خير تجدية ان شاء الله

خليكى SUPPORTIVE شوية هو بيشقى وبيتعب ومتغرب عشان مين؟