الموضوع بالكامل

السلام عليكم ورحمه الله وبركاته

بجد مش عارفه اشكر حضرتك ازاى وانا اسفه بجد على ازعاجك

حضرتك طلبت منى احكيلك الموضوع بالكامل

انا يا دكتور متجوزه دلوقتى من 7 شهور اوك

قبل ما اتجوز ب 5 سنين شيلت الغده الدرقيه كلها وباخد التروكسين 50 حبايه واحده يوميا

بعد العمليه بسنه ونص
جالى كيس مايه على المبيض الشمال
وكان حجمه 7 فى 5 فى 4

وبعدين شيلته جراحيا مش منظار

وبعدين دلوقتى انا بعد ما تجوزت ب 3 شهور روحت للدكتور عشان قالى لو محصلش حمل بعد 3 شهور تعليلى وكدا

روحتله قالى اعملى سونار مهبلى فى اليوم ال 12 من البيريود

روحته عملته
لقى 11 بويضه

بس اكبر واحده فيهم كانت 10 مل

المهم قالى مش هينفع يبقى فى حمل نستنا البيريود الجايه وتاخدى منشط كلوميد وكدا

المهم مجاتليش البيرود وبعد تأخيرها ب 12 يوم عملت تحليل منزلى اللى هو اسمه بيبى تشيك فا طله خطين

ودا من غير اى منشطات

وبعدين ضهرى وجعنى فا روحت لدكتور تانى

فا قالى انتى عرفتى منين انك حامل قولتله من التحليل المنزلى
وبعدين كشف عليا كشف نسا وعملى سونار مهبلى

وقالى بطانه الرحم عريضه ودا معناه ان فى حمل

بس اعمليلى تحليل دم

عملته فا كان اسمه HCG تقريبا

فا طلعت نسبته 122
وكان مكتوب جمبه Positive more than 20

وبعدين الدكتور روحتله فا قالى دا كان فى حمل ومثبتش ودا باين من نسبه الحمل فى الدم
فا طبعا انا قولتله اوك

ادانى حبوب بنى صغيره كدا قالى تخديها 3 مرات فى اليوم لمده 3 ايام

ودا هينزل الفتافيت اللى جوا

وبعدين روحت لدكتورى الااساسى اللى قالى فى ضعف تبويض بوريه التحليل وكدا

قالى دا كان حمل ثابت ومفيهوش مشاكل وهو نزلهولك بالغلط

وقالى انى عندى ضعف تبويض ولازم اخد كلوميد

اخدته فعلا

بس كان المفروض اخد حقنه بعدها وانا مخدتهاش عشان خوفت

فا اكتفيت بالكلوميد بس وهو كان حبايه واحده يوميا لمده 5 ايام من اليوم التالت فى البيريود

فا دلوقتى انا عايزه اعرف ايه الصح من الغلط

يعنى : 1- هل فى ضعف تبويض او لأ

2- هل دا كان حمل ولا لأ

3- الغده الدرقيه بتأثر كدا ولا لأ

4- انا اعمل ايه دلوقتى عشان انا مش عارفه حاجه خالص

ومتشكره جدا واسفه على الازعاج جداااااااااا
والله

وجزاك الله كل خير

ويجعله فى ميزان حسناتك
امين يارب