ساعدوني في 3 شغلات يا بنات البحرين

تفاح اخضر 18-05-2009 8 رد 1,504 مشاهدة

تفاح اخضر

عروس نشيطة

18-05-2009 | 12:47 PM

سلام

شخباركم؟

ساعدوني في 3 شغلات

1- ماركة لكحل بحيث يكون لونه غامق وللأستخدام اليومي
يعني سعره مو غالي لان مو للحفلات

2- اسم مرطب احطه قبل البودرة ، نصحوني ب olay
هل هو زين؟

3- من وين احصل كلوووس & صبغ اظافر بألوان ربيعيه:wink:

ملاحظة: قولي لي اسم المنتج ومن وين وبكم:wink:

{

{.. سحر الوَرد ..*

عروس مشرقة

18-05-2009 | 08:17 PM

بعثرة;9511025:
سلام

شخباركم؟

هلا فيج حبوبة انتي شخباارج؟؟

بعثرة;9511025:

1- ماركة لكحل بحيث يكون لونه غامق وللأستخدام اليومي
يعني سعره مو غالي لان مو للحفلات

عندج المشهور عالميا ههه سمايلنج.. سواده لايعلى عليه الصراحة

بس ناس يقولون فيه رصاص مادري شنو.. بس انا ليحين استعمله

تلاقينه في محلات الميك اب العادية اللي في الأسواق مو المجمعات

الصغير اللي لونه أخضر يكون بدينار

الأطول اللي لونه أسود يا دينار ونص أو دينارين

طبعا هم نفس الشي بس اللون من برة اللي يفرق

واما لو تبين غير سمايلنج عندج كحل مكياجي عجييب بعد ومن الجهة الثانية في اسفنجة علشان تموهين الخط

سعره مادري جم بالضبط مو أقل من 4 وأظن مايزيد عن 5.5

وبعد أقلام كحل بورجوا لو تحبين الملونين.. في لايف ستايل ألوانهم فن والواحد مايتعدى 3 دنانير

بعثرة;9511025:

2- اسم مرطب احطه قبل البودرة ، نصحوني ب olay
هل هو زين؟

أنا استخدم Olay شجرة التوت ومرتاحة عليه.. وساعات استعمل قبله مرطب جونسون

وعندج مرطبات من ماركات واايد على حسب نوع بشرتج.. عندج بودي شوب، جونسون، وغير الماركات

أولاي اللي سألتي عنه سعره حدود 1 - 1.5

بعثرة;9511025:

3- من وين احصل كلوووس & صبغ اظافر بألوان ربيعيه:wink:

القلوسآت عندج مآركآت لايف ستايل قلوساتهم حلووة

مثل مايبيلين ، بورجوا ، ماكس فاكتور الجديد اللي بصوبين حدده فن، وطبعا الماركات الاغلى شوي ماك وفور ايفر

مال لايف ستايل حدود 4.5 وفي حدود 3

وعندج NYX بدينارين بعد عجيبين

صبغ الأظافر بدوون منااازع أكيد NYX حبيت القلب :15:

بعد في لايف ستايل.. تحصلين في سنتر بوينت الستي ستاند هالماركة أكبر وحاطين الصبغ أظافر ع الطاولة بروحهم وسعرهم ب 1.5 وفي 1.75

وبعد عندج مال بورجوا حلوين حدود 3 سعرهم

وحتى ريفلون نفس السعر والمكان

وفي الستي عندج مكان اسمه Vavoon أو شي نسيت السبلنغ

عندهم ماركة O.P.I وهذي مشهوورة على مستوى العالم بالمناكير

مناكيرهم ألوانهم فنن بس الألوان الفرفوشية بسرعة تخلص

واللون الواحد ب 3.000

وبعد محلات الميك اب العادية اللي في السوق ساعات مناكيرهم يكوون حلوو

انا جربت مال فلومار اللون بدينار بس رووعة خاصة الفوشي :15:

بعثرة;9511025:

ملاحظة: قولي لي اسم المنتج ومن وين وبكم:wink:

تم..

إن شاء الله أفدتج ^.^

مشاعر مجهولة

عروس ماسية

18-05-2009 | 09:26 PM

عليكم السلااام

الكحل للاستخدام اليومي

بلاديو وريفلون في سنتر بوينت
ويعجبني ثبات ريفلون اكثر من بلاديو
مع ان بلاديو غاامق بس يسيح يعني استخدمه حق اياام الشتا بس
والحلو في ريفلون بعد ان ما يحتاج تبرينه كل يوم
اسعارهم تقريبا الواحد على 4 دينار
فلور مار بعد غامق وحلو ورخيص يمكن دينار او دينار ونص وتلقينه في المحلات العادية

بالنسبة للمرطب
استخدم مرطب من روك
بوصف من دكتورة جلدية
والحمدالله مرتاحه عليه وما اعتقد بغيره
وسعره 7 دينار ونص
وطبعا في الصيدليات متوفر

اما صبغ الاظافر
لايف ستايل اذا رحته احتار شنو اختار
من كثر الالوان
بس اللي جربتهم وعجبوني
بورجوا سعره 3دينار و700 او800 فلس
نيفيا 3 دينار
NYX رخيص دينار و 800 يعني ما يزيد عن دينارين

والجلوسات هم ماركات لايف ستايل حلوة
واسعارها معقولة

وان شاء الله تلقين كل اللي يناسبش

تفاح اخضر

عروس نشيطة

19-05-2009 | 04:14 PM

سحر الود & مشاعر مجهولة مشكووووورين
اذا فيه بنات عندهم معلومات يفيدوني
جزاكم الله خير:wink:

حلمـ .,

مشرفة سابقة

19-05-2009 | 06:09 PM

•
•
•

- الكحل ..,

أنا أستخدم نوعين , إثنينهم سواد فاحم & ثبات & كلمة روعة شوي عليهم

أستخدمهم على طول في الأيام العادية أو في المناسبات

الأول ماركة (برجواز ) سعره مب أقل من 2 دينار , ومب أزيد من 3 دينار

تلاقينه بمحلات "لايف ستايل & الحواج .. إلخ "

الثاني ماركة ( florelle ) سعره حلو وزوين 1 دينار أو 1.200 مب متآكدة

تلاقينه بمحلات العطورات والمكياج مثلاً " نجمة الخليج - سفاري .. إلخ "

ما أحس بأي فرق بين الأثنين

ودوم أشتري لي واحد منهم إذا خلصت كحلتي

*
*

المرطب ..,

أستخدم ( أولاي بخلاصة التوت البري ) - ترطيب قبل المكياج & تفتيح البشرة & حماية من أشعة الشمس

وقبل أستخدم مرطب ( كلين آند كلير ) مرطب & واقي من أشعة الشمس

حبيت الإثنين!..

بس مواصلة على "أولاي"

*
*

القلوسات & المناكير .. على أفى من يشيل على قولتهم

أنصحج تروحين (لايف ستايل)

بتشوفين ماركات عالمية بأسعار زينة وايد

وأجدد الألوان

أحب ماركة نيفيا , ريفلون , ريميل , ميبلين

الأسعار تختلف !..

/
\

موفقة حبوبة =)

•
•
•

Deena33

عروس مشرقة

19-05-2009 | 06:55 PM

عندج قلوسات لوريال حلوين واسعارهم حلوه اما الكحل في ماركة gosh الوانها حلوة

دلولةالبحرين

عروس نشيطة

27-05-2009 | 02:14 AM

الكحل الصراحه انا كنت استخدم رفيلون صرااااحه حلو بس الحين استخدم الكحل من مكياجي اللي فيه نفس الاسفنجه من وره واااااااااااااايد حلو

واولاي وايد زين ويعطي اشوي لون بالبشره وسعره رخيص

والمانكير مافي على الوان ماركه اظن اسمها pixiاللي بالسيف موجوده يم ستار بكس القسم القديم خذيت من عندهم الوااان ربيعيه روعه

fate88

عروس برونزية

30-05-2009 | 03:20 AM

الكحل اني استخدم فلورمار

بدينار او بدينار ونصف اسود وحلو لونه قوي

قلوسات عندك ماركة فلورمار قلوساتهم روعة مادري بدينار ونصف لو بدينارين مو متذكرة

ريحتهم حلوة والوانهم تجنن

المرطب استخدم كريم اليوكو اشتريته بدينارين ونصف من حواج الكامل حلو ..

بس الحين بجرب اولاي كم سعره تقريبا؟؟

تفاح اخضر

عروس نشيطة

25-07-2009 | 02:31 AM

مشكورين