ساعدوني قربت اجن والسبب زوجي

السلام عليكم ورحمة اللة وبركاته

عمري27عاما تزوجت زوجي بعد قصة حب دامت سبع سنوات حملت بعد الزواج بأقل من شهر وانجبت ومن هنا بدأت حياتنا تهتز وتتغير بعد الانجاب لما جيت عند اهلي حيث اني كنت مغتربه مع زوجي حسيت ان زوجي مقصر في اتصالاته ورسايله وسؤاله عن طفله ولما الومه يتعذر نايم ومدري ايش ولمارجعت هناك لقيت في الاب توب مقاطع وسخه جنسيه وايميلات ومدري ايش لما صارحته وهاوشته انكر ورمى اللوم على العامل اللي فرمت جهازنا وانا صدقته
ومرت الايام وهم اكتشفت مره ثانيه انه داخل مقاطع وسخه هالمره اعترف واعتذر وقال ماراح ادخل وحاول يصالحني ويبين لي قد ايش يحبني
هالمره كانت اقوى شوي وكانت صدمه بالنسبة لي سافرت لمدة يوم بلدثاني ولما رجعت لقيت في الاب توب محادثات مسنجر مع بنات وكلام وسخ ومسجل رقمه والشقة تنتظرك ومن هالكلام ثرت عليه وصارحته اعترف لي وقام يبكي بحرارة ويقولي انا احبك انا ماابي اخسرك انتي حياتي وانا مااسوى بدونك وهذي غلطه والله ماراح تتكرر سألته ليش تسوي فيني كذا واحنا حبنا مفروض مافي شي يأثر عليه قال ربعي اللي معي بالدوام صار لهم 3شهور وراي تعال معانا كلم هذي البنت كلهم تبع بنات وترقيم ويحاولون فيني انجر معاهم وانا ضعفت وانجريت بس حسيتنفسي حقير صغير ان سويت كذا وقام يعتذر باساليب عده منها ذهب ورود وغيرها ويبكي بحراره انا سامحته عشان ماتخرب حياتنا ولأني احبه بس باقي جرح كبيييييييييير بصدري احسه ماراح يندمل بسهوله لأن انصدمت صدمة قويه في اغلى الناس عندي احس داخلي مكسور مهزوز وشي يألمني ويعذبني كل مااتذكر المحادثات اللي قريتها مع انه قال خلينا نفتح صفحه جديده وانتي ماتعرفي قد ايش احبك ومااسوى بدونك بس داخلي تولد شك من كل حركاته وطلعاته لما يبغى يطلع بروحه اشك انه رايح يكلم بنت لما يدق جواله بعد اشك ان هذي بنت وكل خطوه يخطيها صرت اشك فيها لدرجة ان صرت اتذكر بعض تصرفاته قبل مااكتشف الموضوع واشك في هالتصرفات نفسها مثلا لعبه في جواله لما نكون بالسوق واوقات ينزلني لمانرجع البيت وهو يتأخر تحت عند السياره اسأله يقول كنت ادخن
احس حياتي قربت تنهدم ومو عارفه شكيفي محله او انا غلطانه وهذا كله تأثير اللي صار معي
او ان هو انسان مايستحق اعيش معه واعطيه ثقتي لأنه خان حبنا اللي جمعنا 7سنوات وخان زواجنا ساعدوني ارجوكم نفسيتي في الارض