,


السلام عليكم ورحمة الله وبركاته








اهلين شباب وبنات *
هالاياام حدي بزي وادش بالخش بعد :(

ييلا شنسوي كلها اسبوعين ونخلص الفاينل ~

الموهيم .. تدرون حركات الي عندهم امتحانات واهم فاتحين الكتاب يطري على بالهم يسوون شي !

انا هلوون :$

جان يصير خاطري اطبخ شي وابلعه , ماكنت يوعانة واايد بس جي دش مزاجي ادخل المطبخ ~

رحنا المطبخ وجفت شنو عندنا مقادير

جان ابتكر طبخة ال Mashed poteto with egg


وهاي بستخدمه في الطبخة ..

للبيض:
بيضة ..
ملعقة زيت زيتون
رشة ملح

\

للماشد بوتيتو :

3 حبات بطاطس ( آلوو بالبحريني :$ )
ملعقة صغيرة ملح ..
ربع ملعقة صغيرة : مسحوق الثوم ( حطوا شوي شوي شوي )
3 ملاعق جبنه كرافت او بوك ,,
مربع جبن كيري
رشة فلفل اسود ..
ربع كوب حليب او اقل بعد ( قليل الدسم )
ربع قطعة زبدة ( ما اعرف ليش وايد احب اضيف الزبد لطبخاتي @@ )
ملعقة ونص مايونيز( قليل الدسم )
علبة الكاتجاب خلوها معاكم ..



للتقديم :

صحن
صحن بلاستيك مقعر ( ملة - ماعرف شلون بلهجة ثانية خخخ )





الخطوة الاولى :

سلق البطاطس على الفرن او اسهل بالماكرويف .. وتتبيلها بالملح فقط ..

الخطوة الثانية :

حطوا باقي المقادير مالت الآلو ( البطاطس ) في الخلاط وخلطووهم ..


الخطوة الثالثة :

ضيفوا البطاطس للخليط الي في الخلاط .. وخلطوا ..

لاتنسوونتوقفوون الخلاط وتذوقون شوي عشان اذا في ناقص شي تحطونه ..

الخطوة الرابعة :

البيض :

اتيبون مقلاية ضعيفة ( خاصة للبيض )
وتحطون فيها الزيت زيتون ..
وعقب تكسرون البيضة ..
بس ماتسوونا بيض عيوون
نو قطعوها واهي تقلي لقطع صغار ..
ورشوا عليها ملح
بس



الخطوة الخامسة :

ييبووا جزء من خليط البتيتوو وحطوه في ربع الملة ( الصحن البلاستيكي المقعر )
وعقب حطوا البيض ..
وعقب حطوا خليط البتيتو مرة ثانية ,,
وضغطوا بالملعقة عشان يتساوى كل شي ,,
ويبوا صحن وقلبوا الملة على الصحن وخلوها شوي فترة جي دقيقة ..
وعقب شيلوا الملة شوي شوي عشان يتشكل الخليط ..


اخر شي
حطوا دار مادار الطبق كاتجاب وفوقه شوي كتزيين :) ويعطي طعم بعد ..



وهني وعافية ^_^

جد جد جد جد جد طعمه لذييييييييييذ *



وهاي الصحون حق اول ثلاثة بيردون ^*


















شواقي
عبق الدلال المفرط