شاركوني برأيكم !!!!

(u) السلام عليكم ورحمة الله وبركاته :

انا متزوجة من سنتين وعندي بنت عمرها 8 شهور والحمد لله انا سعيدة بحياتي وما عندي مشاكل ، بس في موضوع بدي آخد رايكم فيه

والموضوع هو بخصوص اسم بنتي ، انا لما كنت حامل وعرفت اني حامل ببنت ، صرت ادور على اسم الها وبعدين زوجي اختار اسم " انجي " لكن لما حماتي عرفت تضايقت وحسيت انها بدها نسمي على اسمها " فدوى" وكانت كل ما تشوف حد تقله بدهم يسمو بنتهم انجي وتحكيها بزعل وغيظ وانا لما شفت هيك قلت لزوجي انا حاسة انه امك بدها نسمي على اسمها وعشان هيك انا قررت اسمي بنتى على اسمها عشان افرحها وحققلها الى بدها اياه ، فقلي زوجي انت حرة على راحتك ان ما بغصب عليكي تسمي على اسم امي ، وفعلا سميت بنتي على اسم حماتي الي طارت من الفرحة لما سمينا على اسمها

حتقولوا وين المشكة ؟؟؟؟؟؟؟؟؟

المشكلة انه وين ما اروح وفي اي مكان بيسألوني الناس ايش سميتي بنتك اقلهم فدوى يقلولي " ياه اسم قديم ومو حلو " حتى في الحضانة لما وديتها سألوني عن اسمها ولما عرفوا قالوا اكيد سمتيها على اسم جدتها اصلوا اسم قديم ، بصراحة صرت افكر كثير في الموضوع وصرت اتخيل بنتي كبرت وما عجبها اسمها وصارت تبكي وتقلي ليش سمتيني على اسم جدتي انتي مش عارفة انه اسمها قديم ومو حلو ، والله اني صرت خايفة انه بنتي لما تكبر ما يعجبها اسمها واتحمل انا زنبها اني اكون السبب في زعلها ، ولما صارحت زوجي بالموضوع قلي بسيطة نقدر نغير اسمها في شهادة الميلاد ، قلتله والله انها امك بتزعل كثير ، خاصة انها كانت تتباهى قدام كل الناس انه ابنها سمى على اسمها

فارجوكم بدي رايكم بالموضوع ، انا نفسي اغير اسمها واسميها شهد اصلها امورة كثير ومثل الشهد واسم فدوى مش لابق عليها ، وفي نفس الوقت مش عايزة ازعل حماتي اصلها كويسة كثير وبتحبني وبتحب بنتى مووووووووت

مع تحياتي