مشكلتي بعد الولادة

السلام عليكم ورحمة الله وبركاته

جزاه الله الف خير وينوله ربي مايريد دنيا واخره اللي يرد علي ويساعدني بهاالمشكلة اللي بدأت بعد الولادة

انا طال عمركم والدة من شهرين، وما نظفت من النفاس الا بعد 4 اسابيع وارتحت اسبوع ثم جاتني دورة (او ما ادري وشهو) الى اليوم

يعني من الشهرين ما ارتحت الا اسبوع،وبالاسبوع الاخير هذا اللي فات جاتني غزيرة (نزيف)

وهذا كله مصحوب بحمى واسهال شديد الله يكرمكم،جسمي ضعف ولا ادري وش اسوي

رحت للطبيبة سويت تحاليل كاملة ما طلع عندي شي،وعطتني ابرة توقف النزيف وترفع الدم ولا وقف والحال مثل ماهو لي يومين من ضربتها

وامي ماتعرف عن حالتي وكل اللي اسألهم يقولون حالتك غريبة؟



اللي تعرف تساعدني جزاكم الله خير،
وياليت تقولون لي عن اعشاب تقويني وتعوض الدم اللي افقده لأني ضعفت مرة وصرت كني عجوز ما اقدر اقوم ولا امشي ولا اقدر اشتغل ببيتي


علما بأن هذا اول حمل لي...وعمري24سنة