بنات أنا أبي استشيركم في موضوعي ... مابقول عنها مشكلة لنها بإذن الله ماتكون مشكلة
بقول لكم الموضوع بالتفاصيل المهمة واعذروني لو طولت بس بخاطري أفضفض
انا مخطوبة من سنة تقريباً
خطيبي أكبر أخوانه
وماعنده غير اخت وحدة اصغر مني بسنة
اللي لاحظته من بداية ارتباطنا انه شخصيته ضعيفة حيل حيل حيييل في بيتهم
لدرجة انه مايتكلم أبداً إلا لما يكلمونه هم يسولفون ويضحكون وهو يقعد جنه جمهور بس يطالع وساكت ولا عمري شفته يسولف ويا احد من اخوانه
بس في بيتنا لا عادي يسولف ويضحك
ومعاملة أمه وأبوه له زفتة مقارنة بمعاملتهم لباقي أخوانه ومايحترمونه ابداً
واحس انهم يبون يعاملوني مثل مايعاملونه .. الحين بقولكم شلون
وانا استغربت هالشي لنه المتعارف عليه ان الولد او البنت البكر يكون لهم مكانة خاصة عند امهم وابوهم وانا اعرف هالشي لني بكر أمي وابوي
المهم انا استغربت هالشي بس مابينته وقلت دام ان السالفة جذي انا بكون زوجته وحبيبته وامه وابوه بس بحاول اقوي شخصيته وأعلمه انه ياخذ ويعطي ويا اهله
المهم انه في بداية ايام الخطوبة كانوا امه وابوه يعاملونه يا دهينة لا تنكتين على قولتنا
شايليني على كفوف الراحة ويدلعوني ويهتمون فيني واذا انشغلت بالجامعة وماقدرت اروح لهم يتصلون فيني يسألون عني
بس عقب شهرين تقريباً حسيت انه عمتي (أمه يعني) متغيرة علي
ماتعطيني وجه زين واحس انها ماخذة في خاطرها مني على شنو مادري
انا تضايقت شوي وحاولت اني اتقرب منها عشان اعرف سبب تغيرها بس مافي فايدة
وقامت روحاتي بيتهم شوي شوي تخف لني ماحس براحة هناك وانا احس انه احد زعلان مني وانا ماعرف السبب
بس عقب قررت اني اواجهها واسألها مباشرة
قلت لها عموه انا ضايقتج بشي او زعلانة مني على شي
قالت لي لا بس الصراحة انتي ماتجين وتعرفين يعني الواحد ساعات يقول هي ليش ماتجي ماتتنزل ومادري شنو
قلت لها عموه انتي تعرفين ظروفي انا في الجامعة وانا ايد أمي اليمين
وحماتي وياي في الجامعة وتدري انا اش عندي واش ماعندي
تشوفين لما مايكون عندي شغل للجامعة اخلص شغلي ويا امي واجيكم على طول
الا تقول لا خلاص حصل خير
بس مازالت تعاملني بجفاف
عقب فترة انا تعودت هالمعاملة وعرفت انها جافة بالفطرة حتى ويا زوجها وعيالها
المهم قبل فترة ماشفت الا عمي بعد متغير
وحاط دوبه ودوبي يعلق علي وينتقد تصرفاتي ويطق نغزات
مثلا بعض الاحيان ارجع من الجامعة ويا خطيبي ماروح بيتنا اروح بيتهم على طول واتغدى وياهم وماخلي عمتي تسوي شي بالعكس اسحب حماتي وننظف ونشيل عنها الشغل من باب تقريب القلوب وطلب رضاهم لنه مهما يكون هذول اهل خطيبي يعني اهلي
عقب ماخلص اروح ويا حماتي نرتاح وساعات نرقد لنه نكون جايات من الجامعة
وبعدين انزل اقعد ويا عمي وعمتي
عمي اول مايشوفني يقول (ها شبعتي نوم؟ انتوا بيقوم عليكم بيت؟ هههه)
قسم بالله انه يرتفع ضغطي بس ماارد عليه ولا ابين له اني تضايقت من هالكلمة
مرات اروح اسويلهم عشا او اسويلهم حلا في النهار بعد الغدا
يقعد ينتقد ويعيب ويقول الله يعين الولد يا انه بتلوع جبده من اكل المطاعم
يحسسني اني فاشلة ومافهم شي لنه شايف انه اهلي مدلعيني ومدلليني على قولته مخربيني بالدلع
بس بالعكس مثل مايدلعوني يشدون وياي في هذي الأمور وانا اعرف اطبخ واعرف كل شؤون البيت صحيح اني بعدني احتاج ممارسة بس اني أمشي حالي واعرف اتصرف
واللي يضحك في الموضوع انه بنته اصغر مني بسنة يعني في سن زواج وهي ماتعرف تسوي حتى شاي لكنه مايشوف بنته يشوفني انا
على فكرة انا عمري 19 الحين يعني اول مانخطبت كان عمري 18
يراقبني متى اطلع ومتى اجي ويعطيني محاضرات شلون الزوجة لازم تصير اقتصادية وتشيل بيت زوجها وانه حياتنا مو عاجبتنه
قلت له عمي مع احترامي لك قبل كل شي ااحنا في فترة خطوبة صح ولالا
قال صح
قلت له يعني فترة تعارف صح ولالا
قال صح
قلت له خلاص يعني فهالفترة ناخذ راحتنا نطلع ونروح ونجي لنه بعد الزواج بتكبر مسؤولياتنا وبتتغير حياتنا وهذا شي طبيعي
بس حلو انه الانسان يعيش كل فترة من حياته بضوابطها وقوانينها
وهذي حياتنا ياعمي صح انه مالنا غنى عن إرشاداتكم وتوجيهاتكم بس بعد نبي نعيش حياتنا مثل مانبي حتى لو ماعجبتك طريقة حياتنا
قالي بصراحة انا ملاحظ عليج انج ذكية وتعرفين تتكلمين وتعرفين تتصرفين
قلت فخاطري عيل ليش كل هالانتقادات والتحطيمات ؟؟؟
الحين صرت اروح بيتهم كل اسبوع مرة او كل اسبوعين مرة وكل مرة اروح لازم يقط عليه كلام يغث ويضيق الخلق وعقب بكل برود يقول ليش ماتجين
مترددة أخاف اقوله السبب تعليقاتك وتلميحاتك انا بصراحة اتضايق وماخذ راحتي بس اخاف انه يقول انتي حساسة وماتتحملين حد يكلمج وتصير الحالة اسوأ
أدري طولت عليكم بس أبيكم تفهمون الوضع وتحكمون
وش قولكم؟؟
بقول لكم الموضوع بالتفاصيل المهمة واعذروني لو طولت بس بخاطري أفضفض
انا مخطوبة من سنة تقريباً
خطيبي أكبر أخوانه
وماعنده غير اخت وحدة اصغر مني بسنة
اللي لاحظته من بداية ارتباطنا انه شخصيته ضعيفة حيل حيل حيييل في بيتهم
لدرجة انه مايتكلم أبداً إلا لما يكلمونه هم يسولفون ويضحكون وهو يقعد جنه جمهور بس يطالع وساكت ولا عمري شفته يسولف ويا احد من اخوانه
بس في بيتنا لا عادي يسولف ويضحك
ومعاملة أمه وأبوه له زفتة مقارنة بمعاملتهم لباقي أخوانه ومايحترمونه ابداً
واحس انهم يبون يعاملوني مثل مايعاملونه .. الحين بقولكم شلون
وانا استغربت هالشي لنه المتعارف عليه ان الولد او البنت البكر يكون لهم مكانة خاصة عند امهم وابوهم وانا اعرف هالشي لني بكر أمي وابوي
المهم انا استغربت هالشي بس مابينته وقلت دام ان السالفة جذي انا بكون زوجته وحبيبته وامه وابوه بس بحاول اقوي شخصيته وأعلمه انه ياخذ ويعطي ويا اهله
المهم انه في بداية ايام الخطوبة كانوا امه وابوه يعاملونه يا دهينة لا تنكتين على قولتنا
شايليني على كفوف الراحة ويدلعوني ويهتمون فيني واذا انشغلت بالجامعة وماقدرت اروح لهم يتصلون فيني يسألون عني
بس عقب شهرين تقريباً حسيت انه عمتي (أمه يعني) متغيرة علي
ماتعطيني وجه زين واحس انها ماخذة في خاطرها مني على شنو مادري
انا تضايقت شوي وحاولت اني اتقرب منها عشان اعرف سبب تغيرها بس مافي فايدة
وقامت روحاتي بيتهم شوي شوي تخف لني ماحس براحة هناك وانا احس انه احد زعلان مني وانا ماعرف السبب
بس عقب قررت اني اواجهها واسألها مباشرة
قلت لها عموه انا ضايقتج بشي او زعلانة مني على شي
قالت لي لا بس الصراحة انتي ماتجين وتعرفين يعني الواحد ساعات يقول هي ليش ماتجي ماتتنزل ومادري شنو
قلت لها عموه انتي تعرفين ظروفي انا في الجامعة وانا ايد أمي اليمين
وحماتي وياي في الجامعة وتدري انا اش عندي واش ماعندي
تشوفين لما مايكون عندي شغل للجامعة اخلص شغلي ويا امي واجيكم على طول
الا تقول لا خلاص حصل خير
بس مازالت تعاملني بجفاف
عقب فترة انا تعودت هالمعاملة وعرفت انها جافة بالفطرة حتى ويا زوجها وعيالها
المهم قبل فترة ماشفت الا عمي بعد متغير
وحاط دوبه ودوبي يعلق علي وينتقد تصرفاتي ويطق نغزات
مثلا بعض الاحيان ارجع من الجامعة ويا خطيبي ماروح بيتنا اروح بيتهم على طول واتغدى وياهم وماخلي عمتي تسوي شي بالعكس اسحب حماتي وننظف ونشيل عنها الشغل من باب تقريب القلوب وطلب رضاهم لنه مهما يكون هذول اهل خطيبي يعني اهلي
عقب ماخلص اروح ويا حماتي نرتاح وساعات نرقد لنه نكون جايات من الجامعة
وبعدين انزل اقعد ويا عمي وعمتي
عمي اول مايشوفني يقول (ها شبعتي نوم؟ انتوا بيقوم عليكم بيت؟ هههه)
قسم بالله انه يرتفع ضغطي بس ماارد عليه ولا ابين له اني تضايقت من هالكلمة
مرات اروح اسويلهم عشا او اسويلهم حلا في النهار بعد الغدا
يقعد ينتقد ويعيب ويقول الله يعين الولد يا انه بتلوع جبده من اكل المطاعم
يحسسني اني فاشلة ومافهم شي لنه شايف انه اهلي مدلعيني ومدلليني على قولته مخربيني بالدلع
بس بالعكس مثل مايدلعوني يشدون وياي في هذي الأمور وانا اعرف اطبخ واعرف كل شؤون البيت صحيح اني بعدني احتاج ممارسة بس اني أمشي حالي واعرف اتصرف
واللي يضحك في الموضوع انه بنته اصغر مني بسنة يعني في سن زواج وهي ماتعرف تسوي حتى شاي لكنه مايشوف بنته يشوفني انا
على فكرة انا عمري 19 الحين يعني اول مانخطبت كان عمري 18
يراقبني متى اطلع ومتى اجي ويعطيني محاضرات شلون الزوجة لازم تصير اقتصادية وتشيل بيت زوجها وانه حياتنا مو عاجبتنه
قلت له عمي مع احترامي لك قبل كل شي ااحنا في فترة خطوبة صح ولالا
قال صح
قلت له يعني فترة تعارف صح ولالا
قال صح
قلت له خلاص يعني فهالفترة ناخذ راحتنا نطلع ونروح ونجي لنه بعد الزواج بتكبر مسؤولياتنا وبتتغير حياتنا وهذا شي طبيعي
بس حلو انه الانسان يعيش كل فترة من حياته بضوابطها وقوانينها
وهذي حياتنا ياعمي صح انه مالنا غنى عن إرشاداتكم وتوجيهاتكم بس بعد نبي نعيش حياتنا مثل مانبي حتى لو ماعجبتك طريقة حياتنا
قالي بصراحة انا ملاحظ عليج انج ذكية وتعرفين تتكلمين وتعرفين تتصرفين
قلت فخاطري عيل ليش كل هالانتقادات والتحطيمات ؟؟؟
الحين صرت اروح بيتهم كل اسبوع مرة او كل اسبوعين مرة وكل مرة اروح لازم يقط عليه كلام يغث ويضيق الخلق وعقب بكل برود يقول ليش ماتجين
مترددة أخاف اقوله السبب تعليقاتك وتلميحاتك انا بصراحة اتضايق وماخذ راحتي بس اخاف انه يقول انتي حساسة وماتتحملين حد يكلمج وتصير الحالة اسوأ
أدري طولت عليكم بس أبيكم تفهمون الوضع وتحكمون
وش قولكم؟؟