1-نفسى فى عريس
يكون شعره اسمر وتقيل
وميكونش بيحط جل على شعره
عشان ملقهوش اقرع بعد سنتين من الجواز
[COLOR=red]هو انتى هتتجوزيه ولا هتصوريه؟[/COLOR]
[COLOR=darkgreen]يعنى لو العريس شعره مش اسمر وتقيل
مش هتتجوزى؟
انا شايف ان ده مش شئ اساسى فى الاختيار يابنتى
[/COLOR]
2-ويكون ابيضانى مش اسمرانى
ومفيش حب شباب فى وشه
[COLOR=red]ليه هو حب الشباب ده معدى ولا ايه؟[/COLOR]
[COLOR=darkgreen]وبعدين ما انتى ممكن تتجوزيه وهو معندهوش حب شباب
وفجأة تلاقيه جاله حب شباب
[/COLOR]فانا شايف بردو ان ده مش شئ اساسى فى الاختيار يابنتى
3-ويكون طوله لا يقل عن 175 سم
عشان لما اخرج معاه البس كعب عالى براحتى
[COLOR=red]يا سبحان الله[/COLOR]
[COLOR=darkgreen]تكونيش انتى نخلة وانا مش عارف
اهو الطول ده بقى حاجة بتاعت ربنا
الانسان مش يقدر يتحكم فيها
[/COLOR]فانا شايف بردو ان ده مش شئ اساسى فى الاختيار يابنتى
4-ويكون كمان وسيم يعنى ملامحه مسمسمة
شبه احمد عز كده
[COLOR=red]طيب ما تروحى تتجوزى احمد عز وتخلصى نفسك[/COLOR]
[COLOR=darkgreen]يعنى بدل ما تقولى
يكون شبه سيدنا يوسف عليه السلام
تروحى تقولى شبه ممثل
يا سبحان الله
الناس كده تسيب الحلو وتروح للوحش
وفاكرة انها بتعمل الصح
فانا شايف بردو ان ده مش شئ اساسى فى الاختيار يابنتى[/COLOR]
5-ويكون جسمه مفرود ومش مكعبر
زى الجماعة بتوع الرياضة دول
[COLOR=red]طيب ما انتى ممكن تتجوزيه رياضى وميه ميه[/COLOR]
[COLOR=darkgreen]وبعد اسبوع من الجواز والاكل
تلاقيه بقى زى درفة الباب
وبقى تخيين جداااا
هتيجى ساعتها تقولى لا خلاص انا مش عوزاك
انت خلاص مش عاجبنى
يابنتى لو هو جسمه مليان شوية
ممكن انتى تساعديه انه يقلل وزنه مفهاش حاجة
فانا شايف بردو ان ده مش شئ اساسى فى الاختيار يابنتى[/COLOR]
6-ويكون لبسه شيك وعالمودة
وبيلبس كاجوال وكلاسيك
[COLOR=red]مادام لابس لبس نظيف ومش مقطوع[/COLOR]
[COLOR=darkgreen]فأنا شايف انه كده كويس
ولا هو لازم يعنى يتمنظر
ويصرف فلوسه كلها عاللبس
ومش مهم يفتح بيت لكن المهم شكله والسلام؟
طيب وهنروح بعيد ليه
ما انتى ممكن يابنتى تتجوزيه وهو لبسه اخرشياكة
وتيجى بعد الجواز وتحمل المسؤلية
تلاقى لبسه بقى عادى واقل من العادى
وده بسبب ظروف الحياة
عشان فى احتياجات فى الحياة بقت اهم من اللبس
وعالعموم يابنتى اذا كان هو لبسه مش شيك اوى
انتى ممكن فى فترة الخطوبة
تشترى له طقم هدية مثلا
تقولى له اللبس الفلانى بيكون شكله عليك احسن
وبكل بساطة ممكن تخليه شيك جداااا
فانا شايف بردو ان ده مش شئ اساسى فى الاختيار يابنتى[/COLOR]
7-ويكون مش بخيل ولا كريم عالاخر
يعنى بيصرف بشكل كويس
[COLOR=red]لازم تاخدى بالك يا اميرة ان فى فرق بين البخل والحرص[/COLOR]
[COLOR=darkgreen]البخل ده صفة قبيحة
اما الحرص فهو صفة مطلوبة فى الزمن ده
ولو الانسان مش حريص على ماله
يبقى مش هيكون حريص على اهل داره
ودى يمكن اول نقطة اتفق معاكى فيها لحد الان
[/COLOR]
8-ويكون ابن ناس ومن عيلة بردو
مش واحد من الشارع
[COLOR=blue][COLOR=red]لو انتى بنت ناس وكويسة وعارفةربنا[/COLOR][/COLOR]
[COLOR=darkgreen][COLOR=darkgreen]يبقى اكيد ربنا هيرزقك بابن الحلال
وانا متفق معاكى فى النقطة دى
[/COLOR][/COLOR]
9-ويكون معاه شهادة لا تقل عن شهادتى
يعنى لو انا معايا معهد يبقى هو مينفعش يكون معاه دبلوم
بالنسبة لموضوع الشهادة فأنا حاسس انك طالعة السما
محسسانى انك عالمة فلك ولا فيلسوفة
وكأنك فلتة من فلتات الزمن
ايه المشكلة لو انتى كلية وارتبطى بانسان معهد؟
ما احيانا انسان بيكون عبقرى
لكن ظروف الحياة اجبرته على انه يدخل معهد
يعنى مش شرط انه يكون شهادته اعلى منك
فانا شايف بردو ان ده مش شئ اساسى فى الاختيار يابنتى
10-ويكون راجل كده ملو هدومه واد المسؤلية
مش عيل من العيال الخيبة بتوع اليومين دول
ما هو لو عيل من عيال اليومين دول
يبقى مش هيعرف يفتح بيت اساسا
فأكيد لازم يكون راجل
عشان يقدر يكفى بيته من جميع احتياجاته
ومش هيخليكى محتاجة حاجة بإذن الله
وانا متفق معاكى فى النقطة دى
11-وميكونش بيضحك كتير ويكون راسى وعاقل
يعنى وقت الجد جد ووقت الهزار هزار
فالانسان كثير الضحك يقلل من قيمته وسط الاخرين
وانا متفق معاكى فى النقطة دى
12-ويكون واد مدردح وذكى وواعى
مش غبى وعامل زى اللوح
لا تحكمى على الانسان من قبل ما تتعاملى معاه
لان فى ناس كتيرة من شدة حيائها
بتفتكرى انها مقفلة او مش مدرحة
وعلى العكس
هدوئة ده بيكون دلالة على سمو اخلاقه
ومن خلال الحوار بينكم
هتقدرى تعرفى فعلا ان كان انسان متكلم
او انسان صامت
فانا شايف بردو ان ده مش شئ اساسى فى الاختيار يابنتى
13-ويكون عنده شوية ثقافة
[COLOR=darkgreen]يعنى بيفهم فى الكمبيوتر والنت وكده[/COLOR]
[COLOR=red]اكيد لو هو انسان متعلم هيكون مثقف الى حد ما[/COLOR]
[COLOR=red]وانا شايف ان مش بالضرورة ان يفهم فى الكمبيوتر والنت
ممكن يكون انسان شغله سفر مثلا
فبيكون علاقته بالكمبيوتر قليلة
وانتى ممكن بأيدك تساعديه وتعلميه
[/COLOR]فانا شايف بردو ان ده مش شئ اساسى فى الاختيار يابنتى
14-ويكون بيغير عليا
يعنى لما البس ضيق يقولى لا
ويهتم دايما بشكلى ومظهرى
ويقولى انتى جميلة حتى لو كنت وحشة
يابنتى لو هو انسان محترم وعارف ربنا
عمره ما هيوافق ان مراته تلبس ضيق
او تلبس حاجة تغضب ربنا
ومادام هو انسان عارف ربنا
يبقى عمره ما هيخليكى تلبسى حاجة تغضب ربنا ابدااا
وانا متنفق معاكى فى النقطة دى
15-ويكون طيب وقلبه ابيض وبيحب الخير
وميخدش على كل كلمة اقولها
يعنى مش تشتمى الراجل وتقولى
ميخدش على كل كلمة اقولها هههههههه
وعالعموم انا متنفق معاكى فى النقطة دى
16-ويكون سنه اكبر منى بحيث الفرق بينا ميزدش عن
تمن سنين اكتر من كده مينفعش
مسألة السن دى مش ذات اهمية كبيرة
لان اهم شئ هو تقارب العقل وليس السن
فانا شايف بردو ان ده مش شئ اساسى فى الاختيار يابنتى
17-ويكون اهله ناس كويسين وطيبين
مش عاوزة حماتى تكون قرشانة
وحتى لو كانت قرشانة لازم هو
يحاول يعمل معادلة بينا ويكون له شخصية واضحة
فى المواقف اللى زى دى
يعنى ميفضلش امه عليا ولا يفضلنى على امه
لان اللى ملوش خير فى اهله ملوش خير فى حد
مادام هو انسان محترم وعارف ربنا وعلى خلق حميدة
يبقى هيخاف عليكى ويصونك ويحطك جوه عنيه طول العمر
ومش هيفرق بينك وبين والدته
وانا متفق معاكى فى النقطة دى
18-ويكون بيحب الفسح والخروجات
ويودينى السينما والمصيف وياخدنى نتمشى عالنيل
ويجيب لى دايما هدايا سواء بمناسبة او من غير مناسبة
انتى شايفة ان الانسان اللى يوديكى السينما
والمصيف ده يبقى كويس وعارف ربنا
ده لو بجد بيخاف ربنا عمره ما هيوافق
انك تروحى السينما وتتفرجى على حاجة تغضب ربنا
اانا معاكى انك تتفسحى اه
لكن فيما لا يغضب ربنا سبحانه وتعالى
فما الحياة الدنيا الا لعب ولهو
وانا متفق معاكى جزئيا فى النقطة دى
19-يكون معاه موبايل حديث مش 1100ولا3100
ودايما هو اللى يتصل بيا وميرضاش
يفتح عليا ابدا لما اتصل بيه
الا فى الضرورة القصوى
ويشحن لى موبايلى لما رصيدى يخلص
اتوماتيك من غير ما اقوله
طيب ما ممكن يكون معاه موبايل احدث موديل
ويتسرق منه ويشترى بعد كده
موبايل رخيص جداااااا
اما مسألة انه يشحن لك موبايلك
فالمفروض انتى تكونى عندك زوق
وترفضى طبعا انه يشحن لك
لان انتى ايام الخطوبة مازلتى فى بيت والدك
يعنى مسؤلة من اسرتك
فلاتحملى انسان اعباء فوق طاقته
فانا شايف بردو ان ده مش شئ اساسى فى الاختيار يابنتى
20-ولما يجى يزورنى ايام الخطوبة
ميدخلش علينا فاضى ابداااااااا
اقل حاجة كيس حلويات عشانى
[COLOR=red]والله على حسب ظروف الراجل[/COLOR]
[COLOR=darkgreen]يعنى مش لازم كل مرة يجيب حاجة
فانا شايف بردو ان ده مش شئ اساسى فى الاختيار يابنتى[/COLOR]
21-ويكون تقيل مش خفيف
[COLOR=darkgreen]يعنى مش كل دقيقة يتصل بيا عالموبايل[/COLOR]
[COLOR=darkgreen]ولا كل يوم يجى ينط لنا فى البيت بأى حجة
اكيد هو راجل ومش عيل عشان يعمل لعب العيال ده
وانا متفق معاكى فى كده
[/COLOR]
22-يكون عنده وظيفة مرتبها كويس
عشان مش يتجوزنى ويأكلنى عيش حاف
مادام هو عارف ربنا
يبقى اكيد هيصونك ويحميكى ومش هيخليكى عاوزة حاجة
وانا متفق معاكى فى النقطة دى
23-اما بقى العفش والشقة والشبكة والجهاز ده مش
يخصنى لان بابا هو اللى بيتكلم فى الحاجات دىهههههههههه وجاية على نفسك كده ليه ياميرو
ده انتى طلعتى عين العريس
الله يكون فى عونه اللى هيفكر يتجوزك
وانا طبعا متفق معاكى فى النقطة دى
لان ده كلام الكبار
[COLOR=yellow]ونصيحة اخيرة هقولها ليكى يا اميرة
نصيحة من اب لبنته
[/COLOR]
شوفتك ركزتى كتير فى كلامك على مسألة الشكل
يا اميرة وكأن الانسان اهم حاجة فيه
هى شكله ومظهره الخارجى
ولقيتك نسيتى جمال الروح
مع ان [COLOR=magenta]جمال الروح اروع واجمل بكتير من جمال الشكل
[/COLOR]
[COLOR=magenta]لان جمال الشكل بيروح [/COLOR]
مع مرور الايام
لك[COLOR=magenta]ن جمال الروح بيدوم[/COLOR]
[COLOR=royalblue]مهما تمر الاعوام[/COLOR]
وبكده وصلنا لنهاية موضوعنا
[COLOR=yellowgreen]عارفة انى فعلا طولت عليكم
بس اتمنى ان كل بنت وكل شاب بردو
قبل ما يفكروا فى الارتباط
انهم يختاروا شريك حياتهم
بعد تفحص شديد وانك تسأل كويس
جدااااا عالانسان ده
منقووووووووووووووووووووووووول
[/COLOR]
