مشكلة الحليب

اسمحي لي اختي مابقدر افيدك


بس انصحك تستحملي عليه شوي ليله وليلتين و3 و4 بعد لين مايتعود على الوضع الجديد

وأفضل انك تقطعيه بالنهار اول وتخلي رضعت الليل لآخر شيء

وأعطيه ماء لين صحى بالليل


وفي فكرة لوحده من الأخوات بالمنتدى انك تقطعين طرف حلمة الرضاعه وقولي له الفار اكلها وصارت وسخه

يعني بالمسايس لا تقطعيها عنه قبل لاتكرهيه فيها وبكذا هو مارح يطلبها


والحمام هذا موضوع ثاني لا تضغطي عليه اول افطميه وصبري عليه لين يتعود على الوضع بعدين علميه



اتمنى اني افدتك

بالتوفيق

انا فطمت ولدي بصعوبه بس الحمدلله
اول شئ كان عندي رضاعتين نقعت مره وحطيت بالاولى منقوع المره وعلى الحلمه قطع من المره المنقوعه كرهها ورماها
وبعد ليلتين سويتها بالثانيه ورماها صدق ظل يبكي بس عودته ع حليب مزاز والحمدلله
اما الحمام اصبري لحد ماتفطمينه عشان يتعود لانه يقل ادرار البول بالنسبه للي يرضع واللي مايرضع
الله يعينك

حطي له المرة وافطميه وزوجك اجازة حتى لو الويكند علشان يساعدك هو لازم من البكاء تحملي شوي بس لو يكون بالتدريج افضل وقبل ماينام شبعيه كويس وكل ماصحى اعطيه ماي السالفة تحتاج صبر وتعاون من الزوج بحيث يلهيه عنك او يطلع معاه في السيارة وينام واقطعي طرف الحلمة وربي يعينك

مشكورين على الرد