زوجي عاملني بطريقه غريبه**ساعدوني**

وينكم ردوا علي لاتتركوني تكفون:confused: :confused:
:( :(
ساعدوني ارجوكم:confused:

السلام عليكم

يمكن يكون زوجك كان متضايق وقتها..
بس هذا ما يمنعه من سؤالك والتخفيف عنك

انتي قلتي انك انتي اللي تكلميه.. حاولي لا تكلميه وانتظري مكالمته وشوفي ايش يقولك!!؟؟


وسؤال: لما قلتي يتضايق من اي سبب، هل تعنين انه سريع الغضب او انه يفسر الاشياء على هواه؟؟؟

يمكن يكون هو بعد متضايق أو تعبان أو يمكن يخاف يضايقج اذا سال ايش فيج, هل هو طبعه ان يسأل أقصد من قبل كان يسأن وألحين لا؟
على العموم أحسن انج ما تتصلين وتنتظرين اهو يشتاق لج ويتصل لج...
واذا اسألج ليش ما اتصلتي؟ قولي انج كنت متضايقة وما تبين اتضايقينه لان أخر مكالمه شكلك كنت متضايق...

انا شايف انه ليست هناك مشكله وان كل شئ عادي وانتي فقط موهومه ابعدي الوساوس عنك ولا داعي ان تقفي امام كل كبيره وصغيره واحيانا كثيره الواحد بيكون متضايق من اي سبب خارجي اخر وينتهي الموقف بعد ذلك ويعود الشخص لطبيعته وهذا مثلما يحدث للرجال يحدث ايضا للنساء

صج قهر بس اكثر الرياييل نفس الشئ يبون هم الاهتمام و الرعاية و هم مايهتمون فينا

واجهي زوجك ولاتكتمي شيئا في صدرك لعله أيضا متضايق من شئ ويريدك أن تبادري الأول

الله معاك حبيبتي;)

حبيبتي .....لا تنقهرين ولا شي


تو الناس على القهر .......و صدقيني ولا واحد فيكم فاهم الثاني عدل لانكم زواج new

ويمكن تشوفين تصرفات ثانية بعد وتضايقك ...لانك بتشوفين طباعه اليومية الى انتي ما اتعرفينها زين ......يعني خلى قلبك جامد خخخخخخ

بس خلي عندك ايمان قوي ان زوجك لما يسوي اي شي لك فهذا يرجع الى طريقة في التعامل ( مع كل الناس هو كذا مو انتي بالذات ) يعني اسلوبة كذا ....

فلا تزعلين وتكبرين الموضوع بس حاولي اتفهمينة بأنك كنتي متضايقة وكنتي تتوقعين منه السؤال والتخفيف عنك وان شالله انه بيفهم هالشي بالمرة الجاية ......( اذا كان جنتلمان مو لووووح )

وصدقيني هو مايدري عنك وعن صياحك ومايدري شقد اثر الموضوع عليك
ويمكن بعد يتفاجئ لما تفتحين الموضوع .....لان الموضوع بالنسبة له عاااااااااااااااادي جدا ( شباب في رحلة ):D2

المرأة بطبيعتها حساسة جدا وعاطفية جدا ...وتحب تشوف اهتمام الزوج الدائم بها وهالشي يسعدها بشكل كبير جدا ( معظم الرجال مو فاهمين هالشي )

بعكس الرجل الى بطبعة يميل الى الجدية في الاسلوب والى الروتين في التعامل ..........

نصيحة مهمة جدا جدا :

اي موقف يمر عليك ويضايقك لا تخلينه بقلبك ولازم اتفهمينة بطريقة لطيفة وأكرر لطييييييييييييفة ( يعني مو زعاق وصياح ) عشان يكون فاهمك عدل وفاهم الاشياء الى تضايقك......يعني ما تكون الامور غامضة بينكم

وبصراحة :

انا اشوف الحريم مزودينها شوي كله متضايقين وحزنانين ومكتئبين
بعكس الرجال الى نادر ما تشوفة متضايق او مكتئب او زهقان او طفشان

موضوع العلاقة بين الرجل والمرأة طويل جدا والكلاااااااااااام يطول في هالاموووور ........

وبالتوفيق ان شالله .....( كبري عقلك يابنية .....وخليك من هالسوالف ..ترى الجايات اكثر من الرايحات ) خخخخخخخخخخخ :D2


(u)(u) الدانــــــــــــة (u)(u)

يمكن أنتي حساسة شوي .. لا تسيئين الظن فيه ..

وآنه أؤيدكلام أختي الدانة



وأقول خليج:cool2:


وبعدين لا تتصلين عليه دايم ترى يتعود انج انتي اللي تسالين عنه ولا يسال




تحياتي.

السلام عليكم
اول شي يا اختي احب اقولك ان المرأه بطبعها عطوفه حنونه وكل شي يعتمد على قلبها لكن الرجل عقلاني اكثر .

يعني هذا شيء طبيعي زوجك ليس من النوع اللي يعرف يتعامل مع الحريم لحد الآن ما تعلم ان شاء الله لما يكلمك مره ثانية كلمي بهدون وبعتاب لطيف جميل كعتاب الأحبة قولي له انا زعلانه منك ! امس اقولك اني مضايقة ماعرفت تقولي شفيك ؟ شدعوه كلمة طيب فيها خاطري 00
وهكذا وبمداعبة لطيفة راح تعرفين اسبابة واعذاره وانه ماكان حابب يضايقك .
وفي اغلب المواقف حاولي بلطف تقولين له وتبينين له ان البنت تبي الكلمة الحلوه والدلع مع انك بعد تعب شديد لا تتوقعي انك تاخذين من الكلام حلو وايد لان الطبع يغلب التطبع ولما يعصب بيقولك والله انك فاظية .
انتقي الوقت المناسب للدلع والعتاب لكي لاتكون ردة الفعل عكسية والله يوفقك .

هاي حبيباتي

اقول لكم شغلة هالشي صار معاي وسكيت التلفون لكن بعد حوالي نصف ساعة قلبه ماطاوعه واتصل وشكيت له من اسلوبه معاي وتاسف كثير واعترف انه غلطان بس تدرووون اعترافه لي مافرحني بقدر مافرحت باتصاله لي مرة ثانية وصدقيني لاتتصلين بيه خليه هو اللي يتصل بيكي خاصة بعد هذا الموقف بس لو تاخر عليكي ماراح يطاوعك قلبك وراح تتصلينبس حاولي هو الللي يبدأ
وسلامتكم

انا اشكر جميع العضوات اللي ردوا علي

وانا اليوم مشغوله احاول ارد عليكم بعد ربع ساعة

اهلا حبيباتي :)

فعلا يا بنات انا ملاحظة انة ما عاد يدق علي تعود انه انا اللي ادق عليه
واذا عاتبته بهدوء قال انه يستحي يطلع رقمه بكاشف الرقم ويشوفه ابوي او امي للعلم ( ان المكالمات هذي بيني وبينه ما احد يدري عنها لان العادات
عندنا (عيب)

ولكن انا دايم اشوف انه مشتاق لي لاخر حد ويقول لي خلاص تعبت ابيك تجين عندي
ابي ارتاح
ملاحظه :
هو اللحين يجهز بيت الزواج فاقول يمكن اللي صار بسبب الظغوط هذي
بس حتى كذا ما يمنع انه يصير حنون معي وبي طريقه منكم حبيباتي
تخليه اكثر حنيه معاي

السلاام ..
إختي أنا أؤيـــد كلا م إختي الدانة بعد ...
ويمكن هو حس ..بس ماهو عارف شلون يتصرف...
خصوصا إذا هو كان جد ..وماله فهالخرابيط....إنتي لازم تعطينه فرصة
ثانيــــــة... وبعدين شدعوة يبه..كلنـــــــــا ربع..:cool2:



تحياتي..
إختج السنديانة

مرحباااااااااا

الطريقة معرووفة الكلام الحلو دايماوتكوني هادية وماتنفعلين على اتفه الاسباب .

( (u) (u) (u) (u) (u) (u) (u) (u) (u) (u
اختى الحب لك وحدك............
اتمنى لك كل الحب من قلبى والسعاده .... انتى فى اول الطريق
يعنى بعد جدامك سنين انشاء الله اشلون تبى تمر؟؟؟؟؟
يعنى لازم تتعودين الزف والطناش اذا انتى تحبينه علشان المركب
تمشى ياحبيبتى بس هذا مومعناه انك تتنازلين عن حقوقك طبعا
ولا تاخذين الامور ابعصبيه البنت ابطبعها حنونه وميخالف اساليه
اشفيك مافيها شى لازم فى تواضع شويه صدقينى ابى لك
المصلحه... وراح اتشوفين انه ماراح ينساها لك لان الريال مثل
الياهل بس على كبير (لاتفهمونى غلط ياشباب)
(u)(u)(u)(u)(u)(u)(u)(u)(u)(u)(u)(u)

انا بصراحة تعبت من كثر ما ادلعة احسة صار يتغلى لاني محسسته اني ما اقدر استغني عنة وهذا الصدق :o :o
ابي منه مثل ما اعاملة يعاملني بس اشلون ماني عارفه؟؟؟


انا الحين ودي اكلمه بس خايفة يكلمني ببرود
لاني مقاطعتة من البارح وهو متعود كل ساعة اكلمة

انا لما اقطع عنة وارد له مرة ثانيه بالغالب يكلمني ببرود وبعض الاوقات لا
يعاتبني ليش قاطته ويقولي هو وش كثر عانى في غيبتي


بسراحة تعبانة حيل ما ادري شسوي


:confused: :confused:

حبيبتي ترى الرجال مايحسون ان المراة بطبيعتها حنونه وحساسه وتحتاج انه احد يحسسها بهالشي .. فهم عادي عندهم المهم حاولي تتغلين عليه شوي .. لاتدقين له .. خليه هو يدق.. خفي شوي عليه ..

تراهم يوم يشوفون الوحده ميته فيهم والله يملون ويشوفون عمرهم .. انت اثقبي شوي ولا تسألين ولا تعطيه وجه والله بيركض عليج ..

واسمحيلي الغاليه ولا تشيلين هم ..

ومثل مايقولون كبريها تكبر ..صغريها تصغر:cool2: