بحمد الله ومنته شرف حبيب القلب حموووووودي؟!<<وقصه ولادته,

هلا حبايبي العرايس وربي لكم وحشه ولاكن ماغيبني عنكم الا...............اني بحمد الله
ولدت وجبت احلى محمد اممم انا كنت ناويه اسميه فارس وحتى ابوه كان من يوم انه صغير ويسمونه ابو فارس بس وش اللي خلانا نغير لمحمد انه طلع <<<يشبه ابو زوجي:o
ويوم شافه زوجي قال هذا مايصلح له الا محمد >>طبعا انا ياغافلين لكم الله مادريت بسم ولدي الا من الناس خخخخخخ اختى ماخذه اخووو زوجي وارسل زوجي لزوجها رساله انه سماه محمد ودقت وقالت مبروووووك حمودي :eek:<<والله شكلي كذا يوم قالت قلت وشو حمودي قالت ولدك ان زوجك مرسل لزوجي؟!انصدمت بقووووووووووووه بس فرحت طلع يشبه ابو زوجي واسمه نفس ابوزوجي ووويوم دخل زوجي يبارك قلت ليش ماعلمتني احرجتني قدام الناس مااعرف اسم ولدي :(قال والله جت صدفه من الفرحه مدري وش اسميه خخخخ
قلت اوكي بس لاتعودها وباركت له ههههه<<شخصيه صح؟!
المهم بقولكم قصه الولاده..
يوم الاحد باالليل حسيت بألم يروح ويجي كل سبع دقايق وانا مااهتميت فيه الاني كنت من زمان اطلق ولا رضى يفتح الرحم فما اهتميت باالموضوع ورحت تحت المويه الحاااااااااره وجلست فيها عشان ارتاااح وجسمي يريح المهم يوم خلصت لفيت جسمي ولبست ملابسي
وانسدحت بريح ظهري مافي قادره الم يروح ويجي واحس الدنيا ضاقت فيني ملييت طبعا انا خلصت التاسع بنفس اليوم ومن بكرى ولدت يوم الاثنين الصباح الساعه 2 جلست ابكي من الالم ماني قادره اتكلم طبعا الالم كان يستحمل نوعا ما جاء زوجي شاف وجهي قال بوديك المستشفى وفضت لان بنتي من يجلس معاها وقلت بتحمل ويووووم خلاص ماقدرت احس اني مخنوقه على الساعه اربع اتصلت باامي ربي لايخليني منها وسبحان الله كانت صاحيه ومانامت واقولها اني بجيب بنتي وبروح اكشف قالت توك لاتروحين يرعبون فيك قلت لها بتأكد بس قبل لايروح ابو الشباب الدوام قالت اوكي ويوم حطيت عندها بنتي على طول على المستشفى وادخل وياخذوني غرفه الولاده انا مااهتميت قلت اللحين بيرجعوني لاني حفرت المستشفى عليهم كل شوي اروح وحطوا جهاز الطلق فيه طلق ونبضات البيبي
وتجيني الدكتوره وتفحصني قالت خمسه ونصف الساعه ست الصباح وطلبت من القابله تعطيني الحقنه عشان افرغ الللي ببطني وانا حدي خايفه واروح اكلم امي واقولها قالت اللحين بجي وارووح وافضي اللي ببطني على طول وتجي تفحصني بعد الحقنه الساعه 7 قالت 7 سانتي خلاص وفتحوا كيس المويه حطوا لها المغذي وطلبوا دكتورتي وانا ميته من الخووف وتجي امي وتجلس عندي قالت لها الدكتوره خلاص ولاده لاتروح دوره المياه وانا احس اني مررره ابي الدوره قالت لا هذا مو بول ضغط بيبي ويوم كشفت قالت بحط لك قصدره عشان تطلعين البول لان مثانتك مليانه بول رفضت خفت انها تعورني وانا ماني ناقصه واحاول اطلعه ماني قادره ووصلت الدكتوره بتاعتي وفحصت قالت لازم ينزل البول ونزلته لي الم مو طبيعي
المهم حسيت فجأه الا الم قووووووووي وكتمه فضيعه وشدت رجلي اليسار مررره مااطالع قدامي قالت لي الدكتوره اذا حسيتي بأنك تبي تدفعين عطيني خبر بحاول ادفع احس اني اصك وماني قادره ادفع وجلست ابكي وفجأه حسيت بشي يشقق فيني وسودت الدنيا بوجهي واقول للدكتوره تعالي خلااااااااااااااااااااااااااااااص وتجي القابله وتدس فيني وانا اصرح من الالم هي توسع لي بيدها وانا الم يدها والم الطلق ويطلعمني صوت وربي كنه صوت الجمل او الناقه ههههههه ماصدقت ان هذا صوتي وانا ماودي اصرخ بس غصب عني مررره شد علي وامي ياقلبي حاضنتني وتقرا علي واجيك امسك رقبتها ولا خليتها شوي وتنكسر خخخخ
واجلس اصرخ واحس شي زلق مني على دفعتين والحمد الله طلعحمودي وانا مرره تعبانه اسمع صوته يبكي قلت الحمد الله الحمد الله بصوت عالي والف على امي واقولها خلاص ولدت قالت امي ايه هذا اللي اذكره وتظلم الدنيا بوجهي وادوخ وانام هم مايبوني انام جابوا لي البيبي بيحطونه على صدري وادفه قلت ماابيه ونمت وهي تخيط لي لانهم حطوا لي مخدر
ويو م خلصوا من التنضيف والخياطه جلست اهلوس واطلع كلام مدري وشو امي ميته من الضحك على وجاء زوجي بارك لي ووجهه الوااان خايف انا ولدت الساعه8وجلسوني لمين 9 وحطوني على سرير ثاني ورقوني الغرفه وريحت اللحمد الله وجاء حمودي وحظنته ونمت وتوته توته خلصت الحتوته؟!والحمد الله ربي سهلها علي وارتحت وطلعوني الثلاثاء باالليل والربوع رحت ختنته الحمددلله ريحت