صباح الحب لاغلى اعضاء باغلى منتدى
كيفكم وشمسوووين مع الاجازة اليوم جمعه :tongue:
<<<<< ماتحب يوم الجمعه عادة يكوووون ملل وطفش وزهق
<<< جاية تقص قصة حياتها والا تعرض وصفة
مااطول عليكم بهذرتي
عاد تدرون الحين قربت الامتحانات واغلب طلبة الثانوي عندنا (بالبحرين) قعدوا في البيت
يازعم دراسة وحركات
عاد اختي [MARK="FF99FF"]"الله يوفقها ان شاء الله"[/MARK] قاعده في البيت من يومين عشان تدرس للامتحانات
خصوصا انها توجيهي وعاد تعرفووون الواحد عن لا يدرس يطلع له مليون شغله وشغله يسويها
عاد هاليومين كل حين قامت سوت لنا طبخه هههههههههههههه مع انها قبل ما تطبخ ولا تدخل المطبخ حدها تسوي اشياء بسيطة
عاد امس دخلت عليهاالمطبخ وهي تسوي حلى تقول شايفته بالتلفزيون مسويته منال العالم
وقاعده تسويه [MARK="FF99FF"]" اشوى اني لحقت عليها خخخخخخخخخ"[/MARK] قلت لها لحظة لا تكملين بجيب جوالي اصور للبنات اوريكم شطارتك
<<<< هين شطارة الا عيااارة هههههههههههه
وبس عاد هذي الحلى اللي سوته
ترى مادري وش اسمه ولا اهي تدري وش اسمه عشان كذا بعطيه اسم من عندي (a)
[MARK="FF99FF"]" الموز بالكاسترد والتوفي"[/MARK]
<<<< ادري ما يحتاج تقولون الاسم حلو صح خخخخخخخخخخخخخخخ [MARK="FF99FF"]"هين حلو"[/MARK]
المهم نجي للمقادير
وراح احط المقادير مع الشغل لانه صاير على طبقات
يالله باسم الله نبدا
[GLOW="FF99FF"]مقادير الكاسترد[/GLOW]
صفار 4 بيضات [MARK="FF99FF"]" والبياض خلوه بنحتاجه بعدين"[/MARK]
2 كوب حليب [MARK="FF99FF"]"هني استخدمت حليب نيدو وذوبته في ماي"[/MARK]
قشر الليمونة [MARK="FF99FF"]"مبشور"[/MARK]
1 كوب سكر
[GLOW="FF99FF"]الطريقة[/GLOW]
ناخذ كل المقادير السابقه ونخلطها في قدر
ونحطها على الفرن بس في حمام مائي لمدة ربع او ثلث ساااعه
مع التحريك المستمر
لين يصير عندنا مثل الكاسترررد بس مو كثيف حييل
والحين نحتاج الى بسكووت شاي
تقريبا بنحتاج الى علبتين بسكووووووت
نجيب صحن البايركس [MARK="FF99FF"]"بس لازم يكوون يتحمل الحرارة لان بندخله الفرن"[/MARK]
ونحط فيه البسكوت بشكل عشوائي
بعدها نجيب الموز
[MARK="FF99FF"]" في كل الشغل راح نحتاج الى 6 موزات "[/MARK]
راح نحط 3 موزات مقطعين شرائح على البسكوت
وكمان حطيهم بشل عشوائي
بعدها اخذي الكاسترد
وصبي نصف الكمية على الموز والبسكوووت
وكرري نفس الخطوات السابقه
حطي طبقة بسكوووت
وطبقة موز
وصبي باقي الكاسترد فووقهم
[GLOW="FF99FF"][SIZE=5]مقادير الكريما[/GLOW]
[/SIZE]
بياض 4 بيضات
نصف كوب سكر
[GLOW="FF99FF"]الطريقة[/GLOW]
ناخذ بياض البيض ونخلطه بالخلاط لين نحصل على رغووووه
وبعدها نضيف له السكر بالتدريج لين نحصل على كريمة
ونحط الكريمة في البايركس
وندخلها الفرن [MARK="FF99FF"]"لازم الفرن يكون مشغل من قبل وحرارته عالية"[/MARK]
نخليها في الفرن لمدة ثلث ساعه
ونحمر الوجه وراح تطلع عندنا بهالشكل
وندخلها الثلاجة عشان تبرد لوقت التقديم
[GLOW="FF99FF"]مقادير التوفي[/GLOW]
كوب سكر
علبة قيمر
زبدة صغيييرة [MARK="FF99FF"]"نسيت ماصورتها"[/MARK]
[GLOW="FF99FF"]الطريقة[/GLOW]
حطي السكر على النار وضيفي معاه الزبدة
وحركيهم باستمرار لين يذوب السكر ويصير لونه ذهبي
بعدها ضيفي له القيمر وخلاص طفي عن النار واخلطيهم مع بعض
وحطيه في صحن وخليه يبرد
وهذا راح يكون شكلها عند التقديم
انا ماحبيت معاها التوفي عشان كذا حطيت بس على الطرف للتصوير :o
وهذا شكلها على جنب
يارب يكووون الحلى عجبكم
في انتظار ردووودكم وآرائكم ،، واكيد تقييماتكم اللي تشجعني اني انزل مواضيع ثانية (a)
ملاحظة: الموضع مجهود شخصي لا احلل نقله ،،، اللي تبي تكتب مواضيع تشتغل على نفسها وتبذل شوية مجهود لا تسرق تعب غيرها،،
وهذي لاول وحدة بترد علي :wink:
