يارب اموت عشان جوزى و امى يرتاحوا

طمطم;9481768:
صلى على النبى يا هدى واهدى بصى يا بنتى هى اكيد مش تقصد كدة بس انتى عارفة انة كل واحدة ليها بيتها وهى تقصد انة كدة كتير لما تقعدى برة بيتك كل دة وليكى جوك بردو ومحتاجلك ببس انا من رائ تقولى لجوزك انة البيت وحشك وانك مش مرتاحة كدة وعاوزة تروحى متجيبش سيرة الى مااما قالتو ليكى خالص وصممى على كدة وهو اكيد ما احب علية انك تروحى بيتك واكيد هرتاحى اكتر فى بيتك يا هدى واهدى وروقى علشان حملك يا بنتى ومش تزعلى من امك اكيد مش تقصد حاجة ربنا يصلح لكى الحال

*(الغالية)*;9481807:
صلي على النبي ياهدى وإهدي كده علشان النونو انا عندي حل بسيط انتي اقعدي معاها وكلميها صدقيني ياحبيبتي حتجيب نتيجة طيب ازاي يعني حتشوفك تعبانة وحتقولك كده يمكن انت واخداها بحساسية شوية
اصل الواحدة لما تتجوز بتحس انها ضيفة في بيت اهلها واي كلمة بتاخدها بحساسية
قوليلها يعني انا لما اتعب حروح لمين واتكلمي معاها صدقيني كل حاجة حتتصلح وياااارب يطمني عليكي

b0nb0n;9481772:
بعد الشر عليكى يا هدى ما تقوليش كدة حرام عليكى هى ممكن تكون مضغوطة عصبيا من حاجة تانية كمان الام ساعات بتغير ان بنتها هيبقى ليها حياة تانية ومش هتهتم بيها بعد مكانت هى كل حياتها انتى بس لطفى الجو بينك وبينها يعنى دلعيها زودى الحنية كدة وقوليلها انا لو روحت انتى تيجى معايا علشان انا خلاص مش هعرف اعد لوحدى طول اليوم هتقولك لا اعدى انتى معايا احسن ههههه
اهدى وصلى على النبى وربنا يحنن قلبها عليكى

الاسطوره المحطمه;9481836:
الله يعينك ويسهل حملك ويهون ولادتك على خير يارب ويحفظك وجنينك وزوجك من كل شر


حبيت ما اطلع الا بدعوه من قلبي ليكي

مهينار;9481895:
هدى ياحبيبتى هدى نفسك كدا مفيش ام مش بطيق بنتها وكمان الوحيده هيا كل الحكايه يمكن مش عاوزاكى توهمى نفسك واللى بسمعه عموما ان فى فتره الحمل الاولانيه بتبقى انتى نفسك حساسه اوى من الكلام دا حتى من غير حمل والله بسمع ان البنت اول لما تتجوز بتبقى حساسه اوى من ناحيه بيت اهلها وبتاخد كل كلمه على محمل تانى انتى هدى نفسك كدا عشان غلط عليكى وهيا اكيد مش قصدها يمكن كمان قصدها انك تتحمالى المسئوليه ومتعتمديش على حد لما قالتالك ما كلنا حملنا عشان متتدلعيش وكدا فاهمانى

جودي*;9482002:
على فكرة يا هدهد انا متأكدة انك فاهمة الموضوع غلط خالص

بصي يا ستى كل الامهات بيبقى عندهم خوف ان الراجل يتعود على عدم وجود مراته اللي هي بنتها في البيت وبالتالي ميبقاش ليها قيمة في حياته ويقدر يستغنى عنها بسهولة

صدقيني انا ماما مع انها بتبقى هتتجنن علي وواحشاها موت كل ما اروح عندها كل شوية تقولي روحي بقى عشان جوزك وقولها هوه قايلي اقعدي براحتك تقولي حتى لو كده روحي بردة اتاخرتي

ففي الغالب مامتك قلقانة ان قعدتك الطويلة تقسي قلب جوزك عليكي وممكن كمان عايزة تعودك على تحمل مسئولية بيتك ومتخديش على سيبان بيتك

استهدي بالله كده وكبري دماغك يا قمر محدش في الدنيا دي بيحبك اد مامتك وجوزك كل همه راحتك حتى لو على حساب راحته هوه

ربنا يريح بالك يا رب

اميرة الانسات;9482009:
انا بحس ان امك من النوع الى ماتعرف تعبر عن مشاعرها
ممكن زى ماقلتى هى حنونة كثير بس مش قادة او متعرفش توصل حنانها
ممكن هى متضايقة او خايفة عليك من زوجك لو طولتى فترة غياب عن البيت راح يتعود على كده او ممكن تخطفه وحدة تانية!!!
صدقينى يا اختى الوحدة لما تتزوج مالهاش الا بيتها وزوجها
طيب انت لى ماتعملى حل وسيط وهو ان امك او اختك او حتى اخت زوجك يجوا يقعدوا عندك انت؟؟
ربنا يكون فى عونك بس انت ماتزعليش نفسك وانت قلتيها بنفسك انت واخدة اىل تحبيه يعنى ربنا كرمك وانعم عليك باعظم النعم
متكونيش طماعة وبلاش دلع واستحملى امك

حبيبه;9482069:
بصي يا هدى زي ماكل البنات قالو لك انتي فاهمه مامتك غلط هي خايفة عليكي احسن جوزك يتعود على عدم وجودك
فانتي حاولي تقنعي زوجك بجد انك تروحي معاه وارتاحي على قد ما تقدري وانتي في بيتك نامي براحتك واصحي براحتك وماتعمليش مجهود في البيت وخلي زوجك يساعدك في ترويق البيت انا متهيالي الموضوع عادي يعني خالص مش مشكلة لو الشقة كانت مش نضيفة اوي ممكن تنضفي من عالوش بس بلاش اجهاد يعني انا كنت بعمل كده تنضيف عالسريع ومن على الوش بس ومش كل يوم وقضي باقي اليوم مرتاحة ونامي واعتقد انك لو تكاسلتي عن حاجة ومش عملتيها جوزك مش هيزعل لانه اكيد حاسس بيكي

وبالنسبة انك حاسة انك مالكيش ضهر فدة غلط جداااااااااااا دي امك يا بنتي وانتي بنتها الوحيدة يعني لو لاقدر الله زوجك زعلك او حاجة الوضع هيكون مختلف تمااااااااااااااماااااااااااااااااا وربنا مايجيب زعل ابدا باذن الله بس انا حبيت افهمك بس ان الموضوع مختلف وانتي بتقولي ان اخواتك وباباكي مش كده ربنا يخليهم لك يارب بس ممكن مامتك تكون خايفة عليكي بس بزيادة شوية
من رايي بجد ارجعي بيتك واقنعي زوجك باي طريقة انك تروحي
قولي له انك وحشتني ومش قادرة ابعد عنك اكتر من كده واتحايلي عليه كتيييييييييييير حتى لو مش روحتي انهرده كل يوم قولي له انا عاوزة اروح بس باسلوب كويس عشان مايزهقش منك
وزي ما بيقولو الزن على الودان امر من السحر ههههههههههههههه

وربنا يهدي سرك يارب ويقومك بالسلامة

pussy22;9482091:
روقى يا هدى و صلى على النبى يا بنتى خضيتينى لما شوفت العنوان حد يقول كده استغفرى ربنا بصى اكيد مامتك بتقولك كده عشان هى حاسة انك غلط انك تبعدى عن جوزك كتير و تسيبيه لوحده و انا شايفه انك بتتعبى نفسك و ايه يا بنتى تغسلى هدومك على ايدك ده كده انتى فى بيتك هتكونى مرتاحة اكتر على الاقل هتغسليهم فى الغسالة.. انتى طبعا اوعى تقولى لجوزك حاجة خالص من ديه و حاولى تقوليله انك تروحى و تبقى ما بين عندك و عند مامتك شوية كده و شويه كده و لو بقى اصر كلميها هى و باباكى و قوليلهم بس انتى متتعبيش نفسك و متدايقيش خالص عشان البيبى ده اهم من اى حاجة و هى مامتك اكيد مش قصدها و ربنا معاكى و تقومى بالسلامة ان شاء الله

نور الشمس المصرية;9482140:
ياحبيبة قلبى حسة بيكى ربنا يخليلك والدتك ممكن خايفة من قعدة جوزك لوحده ربنا يهديها

أم حموودى القمر;9482155:
بعد الشر عنك يا قمر ايه اللى انتى بتقوليه ده يارب اموت والكلام الفاضى ده استعينى بالله كده وان شاء الله خير وزى البنات ما قالولك يمكن ماما مضايقة من حاجه وبعدين ايه مش طايقانى دى دا انتى بنتها الوحيدة معقوله يعنى تكون بتكرهك او مش طايقاكى هى بس عاوزاكى تستقرى فى بيتك وعموما حاولى تقنعى زوجك بالراحة انك عاوزة تروحى وان شاء الله يوافق وبينى وبينك الواحدة مش بتأخد راحتها غير فى بيتها مع ان بيت باباكى هو بيتك بس بعد الجواز بتحسى ان بيت جوزك بقه هو بيتك ومهما تروحى فى اى حته مش هتستريحى غير فيه
وربنا ييسرلك امورك ويقدملك اللى فيه الخير
تقبلى مرورى حبيبتى