شفتوا اللي عملته ساره بنتي..!! الحمد لله ربّي ستر و سلّم...

م

مرموم

نائبة المشرفة العامة

14-05-2009 | 07:16 AM

السلام عليكم و رحمة الله و بركاته

صباح الخير يا أحلى أمهات...

حبّيت اليوم أقول لكم على الموقف اللي صار و عملته ساره بنتي ( ما شاء الله عمرها سنتين )...علشان تاخذوا العبره و العظه...و تنتبهوا لعيالكم...الله يحفظهم جميعا يا رب...

خلصت المدارس الحمد لله...و قلت أجيب لمريم ( بنتي الكبيره ) ألوان خشبيه و دفتر تلوين...تقعد تتسلى فيهم...

و بما إنه ساره الله يحفظها لازم تعمل مثل مريم في كل شيء...جبت لها أيضا ألوان و دفتر تلوين...

و يقعدوا هم الإثنين على الطاوله...مريم تلون في دفترها...و ساره تشخبط...لكن سعيده باللي تسويه...

كان هذا هو الحال...و وقت التلوين عندهم أسعد وقت...و أنا أروح أشوف فيه الشغل المتبقي علي...

كنت في المطبخ...و البنات قاعدين يلونوا...و فجأة ما أسمع غير ساره تصرخ بشكل غير طبيعي...تركت اللي في يدي...و ركضت مسرعه لقيتها تبكي بشده...و تشير إلى أذنها !

نظرت لمريم...و قلت لها...مالها ساره ؟

تتخيلوا ماذا ؟

قالت لي: ماما ساره وضعت القلم في أذنها !!!!!!!!!!!!

آه يا قلبي و الله وقتها دارت بي الدنيا...البنت قاعده تصرخ...و أذنها تألمها بشده...قلت خلاص بنتي ما بتسمع بعد اليوم...صرت أهدّي فيها...و أجرب أناديها ألاقيها ترد عليه الحمد لله...

ما في نص ساعه من الموضوع و هي نايمه في حضني...لقيت حرارتها تزيد...في الأول ما خطر على بالي إنه بسبب القلم اللي دخلته في أذنها...

وصل أبوها من الشغل و ركضنا على الدكتور...و البنت حرارتها وصلت 39 !!

الدكتور قال القلم الحمد لله ما كان سنّه مبري ( مسنون ) على الآخر...لذلك ربي ستر و ما عمل فتحه كبيره في غشاء الطبله...لكنه عمل فتحه صغيره...يعني خرق الطبله...و قال بما إنها صغيره راح ترجع تلتئم إن شاء الله...و طبعا هذا سيسبّب لها ألم كبير في أذنها...

و سألناه على الحراره...قال إحتمال القلم فيه ميكروب أو جراثيم نقل العدوى للأذن...و طبعا علينا و على المضاد الحيوي...

الموضوع صار له يومين...و أنا صار لي يومين ما نمت...سهرانين طول الليل لأنه حرارتها ما زالت ترتفع...و الم أذنها ما يخليها تعرف تنام المسكينه...

طبعا عارفه إنكم بتلوموني...لأني مفروض ما كنت أغفل عنهم لحظه واحده...بس أنا أخذت ملامه بما فيه الكفايه من زوجي و أهلي و أهله و الدكتور كمان...

نصيحتي...ديروا بالكم من موضوع الأقلام الخشبيه هذا...

إستبدلوها بالأقلام الشمعيه أفضل

أو أقلام الفلوماستر

و مهما كان الشيء لا يظهر أي خطورة...لكن لما ييجي في يد الأطفال...سبحان الله تلاقيهم فكروا في أشياء غريبه ما تخطر على بالنا...

دعواتكم الله يشفي ساره و يهديها يا رب...و الله يحفظ لكم عيالكم إن شاء الله...

(f)

م

ملكة الصمت

عروس مبدعة

14-05-2009 | 07:29 AM

السلام عليكم صباح الخير..
الله يشافي بنتك ويقومها بالسلامة.. ما راح الومك لاني انا بعد من كم يوم تعرضت لحادث مع بنتي يالله..
بنتي عمرها سنتين ماشاء الله عليها احسها اكبر من عمرها في التفكير.. كان جهاز لاب توب بالغرفة .. وهي معنا في الغرفة الثانية دقيقة او رفه عين وينها وينها .. انادي أنادي.. محد الا المصيبة ان الاخت دخلت الغرفة وغلقت عليها بالمفتاح وهي عمرها ما سوتها ابدا ابدا..
وتعال يالمحاولات في فتح الباب حاولنا بكل الطرق.. وهي لما حست بان الباب ما يفتح ظلت تبكي وتبكي وانا اكلمها من بره وقلبي نار عليها خايفة.. تقريبا ظلت ساعة وربع .. بعدها اتصالنا بالدفاع المدني وجاوا وحاولوا وبعد ما فتح الباب دخلها لها من الشباك الا هي نايمة .. والله بس شفتها كأن صقر على فريسة وهي تقول ماما.. ماما .. ماما.. شفتي مرموم..

لكن الحمد الله على كل حال ومن بعدها قررت اركب اقفال من الخارج ..

ع

عروس جنان

مشرفة سابقة

14-05-2009 | 07:45 AM

الله يشفي سااارة يااااااااااااااارب ويقومها بالسلامة..
حبيبتي ما بلووومج كلنا عندنا أطفال وكل يوم طالعيلنا بشي ربي يحفظهم
اهم شي المراقبة..
قبل كم يوم سليمان كب ماي ع البلاط .. وفجأة جا يررررررررررركض وطاااح وراسه ضرب في البلاط
وجلس يصييييييييييييييييييح... والله قلبي طااااح.. يالله الحمد لله على كل شي..

ف

فراولــــه ملكيــــة

عروس ماسية

14-05-2009 | 08:33 AM

ما تشوفين شر ان شاء الله الحمدالله الله سلم

ودري بالك عليهم

ا

ام عــلاوووي

عروس ماسية

14-05-2009 | 08:43 AM

اكيد ما الومج مرموم ..
لانه اشياءغير متوقعه !تصير بيد الاطفال اكثر خطووره !!..

ويارب سااره ماعليها شر ..
وربي يشافيها وتقوم تلعب مع اختها يارب ..

وانا بحاول انتبه حق ولدي لانه غرامه الاقلام ..
وتوه سنه وشهرين.. من يمسك القلم اركض اشيله ..

الله يحميهم ياارب..
من كل شر ..!

ا

ايسمار

عروس ماسية

14-05-2009 | 08:51 AM

الحمد لله على سلامتها ما بنلومك كلنا امهات والطفل يسوي مالا يخطر على البال قبل يومين بس كان ابني عمره سنة و 3 شهور انتبهت له وهو يدخل القلم في اذنه ويحاول في اذني معاه هالأطفال ينخاف منهم وعلى فكرة الالوان الشمعية والفلوماستر كلها ماتنفع لان يقدروا يحطوها في فمهم والشمعية بتنكسر ممكن تنبلع والفلوماستر الصبغة بتصير بعد في فمه وحتى لو يفهموا الاطفال ممكن يحطوها سهوا ربي يحفظ اطفالنا جميعا

*

*ام وسام*

مشرفة سابقة

14-05-2009 | 08:53 AM

الف لا بأس على سرورة ... ربي يقومها بسلامة
والحمد لله جات خفيفة ..
اذكر لما كنا صغار ... يوم اخوي قا بالليل بالم في الاذن ..

فامي اخذته للدكتور وقال نفس الشي انه في قلم لون انكسر داخل اذنه
فعمله نظافة اعطاه علاجات علشان تترقع خرم الطبلة
نفسي افهم ليش يدخلوا اقلام الالوان في اذنهم ؟؟

{

{ غير ~

عروس متألقة

14-05-2009 | 09:10 AM

فديتهم الله يحفظهم ويخليهم لج ان شاء الله
ماتشوف شر يا رب
الله يشفيها و يقومها بالسلامه

والله ما نلومج!
اليهال عليهم طلعات وحركات عجيبه
الله يهداهم

الله يحفظهم من الشر
والحمدلله جات على جذي

,

:15:

ر

ريـــــ أم ــــم

عروس مبدعة

14-05-2009 | 09:11 AM

ما تشوف شر
والاطفال مهما تديرين بالك عليهم بعد يسوون اشياء ما تتوقعينها

ا

الحل ام وين

عروس ماسية

14-05-2009 | 09:12 AM

الحمدلله على سلامتها
الله يقومها بالسلامه(اللهم رب الناس اشف البأس لا شفاء الا شفائك لايغادر سقما)

اختي مانلومك عيالي الله يصلحهم اتوقع منهم اي شيئ مره اخذو مناديل ويدخلونها بالانف وانا بس لو تشوفين محاولاتي فلفل وغيره وغيره الحمد لله ربك ستر ولطف

اختي اللي تسال ليش الاطفال يدخلون الالوان باذانهم علشان يشوفون الدنيا ملونه ههههههه شكلهم متاثرين بافلام الكرتون
الله يهديهم يارب

ا

السليطي

عروس متألقة

14-05-2009 | 09:26 AM

الله يشافيلج بنتج يارب، والله ايهدي اعيالنا إن شاء الله ويبعد عنهم الشر والأفكار اللولبيةز

ا

الدمشقية

مشرفة سابقة

14-05-2009 | 10:41 AM

لاحول ولا قوة الا بالله الف سلامة على مريم مسكينة يافرحة ماتمت
سلامتها ان شالله وطمنينا عنها وربي يكون الك معييين
ويحمي جميييع الاطفال

ملكة الصمت عن جد موقف بنتك لا تحسد عليه ابدااااااااا ياحياتي الحمد لله على سلامتها

م

مرموم

نائبة المشرفة العامة

14-05-2009 | 10:48 AM

الله يسلمكم كلكم و عيالكم أخواتي الغاليات

أشكركم على مواساتكم و دعواتكم..

و فعلا العيال ممكن من أشياء بسيطه يعملوا مصايب كبيره...و يحتاج لنا ننتبه لهم أكثر...

ما شاء الله عليهم افكار عجيبه...و أي فكره يبدأوا بتنفيذها بدون تفكير

الله يحفظهم يا رب

ق

قصة كبيرة

عروس ماسية

14-05-2009 | 10:50 AM

ربنا يطمنك على أولادك دايما ويباركلك فيهم

s

shaima83

عروس مبدعة

14-05-2009 | 10:50 AM

لا حول ولاقوه إلا بالله الحمد الله انه مادخلت القلم بقوه وحركته جان راحت الطبله

فعلا لازم ع كل شي راقبه لكن بني ادم احيانا ينشغل مافي احسن من الوان شمعيه

ا

ام عمـار

مشرفة سابقة

14-05-2009 | 11:02 AM

ما تشوف شر سارة

و ما عليها الا العافية ان شاء الله

د

دموع العراق10

عروس رائعة

14-05-2009 | 11:04 AM

ما تشوف شر
والاطفال مهما تديرين بالك عليهم بعد يسوون اشياء ما تتوقعينها

a

angel eyes

مشرفة سابقة

14-05-2009 | 12:26 PM

يا ربي...الف سلامه عليها ...يالله هالاطفال ماشاء الله عليهم يسوون اشيا تطيح قلوبنا...ماادري من وين يخترعون هالمصايب...انا وايد اخاف ما سالفه الاذن ومن خوفي تخيلوا ما انظف اذن حمودي ابدا اخاف يتعلم و يدخل اي شي في اذنه...اذكر بعد من فتره اشوفه هاااادي و يالس في زاويه..طبعا الهدوء يعني يالس يسوي مصيبه...رحت اشوفه شو يسوي تخيلوا ماسك كلينكس و يقصص منه و يكوره و يحشيه في انفه!!!!!!!!!! تخبلت و رحت بسرعه عالحمام ابلل انفه عشان يذوب الكلينكس و يطلع!!!! و هذاك اليوم بعد عطيته هاني سماكس اللي هو نوع من الكورنفليكس بس حبوب...وسبحان الله خطر في بالي انه يمكن بيحطه في انفه..وشوي ولا جايني ماما واوا في خشمي...احصل مدخل حبه في انفه..اااااااااااااااااه الحمدلله هذا بعد يذوب بالماي و طلعته...الله يستر عليهم و يحفظهم يا رب

طمنينا على سارونه ...

ن

نبعه الريحان

عروس برونزية

14-05-2009 | 12:35 PM

ياقلبي عليه ساااارونه الحلوووه...

ماتشوف شر انشاء الله ...

والله ماتنلامي ,,ولولو بنتي هاالايام من يير شي في ايدها على طووووول تبي تحطه في اذنها....

الله يكون في العووون....

ومشكوووره حبيبتي على التنبيييه...

م

مرموم

نائبة المشرفة العامة

14-05-2009 | 12:45 PM

و الله الواحد يدعي الله يحفظهم

على أيامنا كانوا أمهاتنا يخافوا علينا من السكاكين و المقصات و الأدوات الحاده

الحين أقل شيء ممكن يعملوا منه أخطر شيء...

يعني قلم ألوان...مناديل ورقيه...كورن فليكس...مفاتيح...

و نفس الوقت ما يصير نعزلهم بروحهم...لازم نخليهم يتعلموا و يفهموا و ما يطلعوا خايفين من كل تجربه...

أختي angel eyes

كلمتك : طبعا الهدوء يعني يالس يسوي مصيبه...

طبعا هذه صحيحه 100%...أول ما يسكتوا و يبطلوا خناق و صوت عالي أعرف إنه في مشكله صارت...

تصدقي مرات أخاف أدخل عليهم علشان ما أنصدم و الله

بس الواحد يرقيهم و يدعي الله يحفظهم من كل شر يا رب