شخباركم؟!
شمسووين؟
أول شي حابة أخبركم أني أجتزت أمتحان السياقة بجدارة:o
وأخيراً
وربي أنبسطت نزلت من السيارة ياهووو على بدي أسوي مثل اليهال هيه هيه هيه:tongue:
طيب ما نطلع برى الموضوع
اليوم جايبه لكم لوك جديد وهو عبارة عن أزرق و بني
أدري راح تقولون فاضية من الصبح تسويه بس طيوري الله يهديهم ما يخلون الأدمي ينام على هدوء فقعدت من وقت وقلت على قعدتي أتجهز للجامعة من اللحيين<<< البنت جايه تسولف
طيب هذا الفستان اللي لبسته
لبست معاه فانيلة بنية وجينز أزرق غامق شوي
طيب نجي لترتيبات الميك آب
أول شي سويته حطيت واقي الشمس من أولي
وتالي دلكت عيني بكريم العناية بالعينين من أولي
وبجد حسيته يخفي الهالات
بعدين وزعت اللوس باودر على ويهي كامل
وأحطه قبل البودرة لأني أحسه يثبت البودرة أكثر
وبجذي أحصل على لمعة خفيفة لان أنا ما أبي اللمعة قوية
بعدين وزعت البودرة على ويهي كامل ورقبتي
بعدين أخذت هذي الفرشاة وبديت شغل بالشدو
بعدها أخذت اللون السماوي وزعته على الجفن المتحرك كله
وهو اللون اللي موجود أول واحد من فوق هذا اللون اللي استخدمته
وبعدها أخذت اللون الأزرق الغامق وزعته على الجفن المتحرك كله
ودمجت اللونين مع بعض
عقب أخذت اللون الأسود الموجود جهة اليسار من تحت
ولاحظوا يا بنات بس ربتي بالفرشاة على اللون علشان ما يصير وايد بالفرشاة
وحطي خط صغير على نهاية العين ولا تكثرين
كثري منه شوي بس لين كنتي طالعة في الليل
بس ما ينفع لمكياج صبح
وعقب اخذت اللون البني من نفس هالباليته
وحطيت منه على نهاية العين وحاولت قد ما اقدر اني ادمجه مع اللون الأسود
وموهت منه شوي على برى
بعدها اخذت كحل ازرق وخطيت فيه عيوني من تحت وطلعته شوي لبرى
بعدين اخذت البودرة الحرة من ماكس فاكتر
ومسحت فيها تحت العين علشان أشيل أي شدو متناثر
بعدين أخذت هالمحدد وحددت فيه شفايفي
تالي أخذت هذا لقلوس البني وزعت منه داخل شفايفي
فصار رووعة
وبس بعدين رشيت لي من عطر بريف هوت
شاريته من المعرض و ريحته تجنن
........................................................
اللوك خلص أن شاء الله عجبكم
اللي يعجبها اللوك ياريت تقيمني
وتدعي لي بتوفيق في أمتحاناتي:o
تحياتي
مشتاقة ليك