تصويت !! لأفضل طريقة لمنع الحمل؟؟

كبسولة تركب تحت الجلد اسمها implon مدتها 3 سنوات وممكن تشيها قبل ذلك

الصراحة انه كنت اجرب المنع الطبيعي بس فاشل فاشل فاشل لانه حملت مرتين بدون مااعرف

umfaisal_44

تسلمين اختي على طرح تجربتك

فادتني كثير كنت حاطه في بالي آخذ حبوب

والله يسهل عليج



zeyood

أختي ممكن تشرحين لنا أكثر مافهمت كيف تحت الجلد يشقوا الجلد يعني ويحطوها بعدين يخيطوه ولا كيف؟؟


وتسلمين أختي جزاك الله خيراً




مس بحرين

الله يسهل عليج اختي

فعلا الكل يقول المنع الطبيعي فاشل

انا توني طاقه ابره منع الحمل مدتها 3 شهور.. وسألت الدكتوره عنها قالت لي نسبه نجاحها 99%

وانا الحين بجرب وبقولج اذذ فاشله او لا..

واقي الذكري
مافيه اي مشاكل
الحبوب وغيرها كلها مؤذية

واقي الذكري
أفضل شيئ
استخدمناه لسنتين الحمد لله
وبمجرد الاستغناء عنه حصل الحمل ولله الحمد

مو شرط الواقي الذكري ينفع
انا حملت مع استخدامه

و بصراحه افكر بعد ولادتي استخدم الحبوب المركبة لأنه احسن طريقه
على الأقل لو حصلت مضاعفات تقدري توقفينه

أما الأبر اللي كل فتره فهذي ما تقدري توقفين مضاعفاتها من جهة و من جهة ثانية تكون قويه على الجسم و مما سمعته انها تجعل المرأه تدخل في الشيخوخه مبكرا>>>>>>>و احنا مو ناقصين

و الكبسوله ما ادري اذا موجوده او لا في السعودية implon و هي عباره عن كبسوله تزرع تحت الجلد في الذراع و تقوم باطلاق الهرمون في فترات منتظمة و مفعولها طويل >> و لها نفس تأثير الحبوب بس هذي تنفع للي ينسوا ياخذوا الحبه >>>>>>>يعني تريحش من وجع الدماغ

أما اللولب فأحسه يخوف
جسم غريب في هالمكان و ناس كثيييييييييييير حملوا عليه
و المصيبه لو التصق بالجنين >>> تحت رحمة الله
و فيه ناس صارت تشوهات للأجنه من هالسالفه

يمكن دوختكم بس انا ما خليت شي ما بحثت فيه و فيه موانع مختلفه

لصقات الهرمونية
و الحلقة الهرمونية >>> بس ما ادري اذا متوفره في السعودية

و الله يوفق الجميع
عموما في الأخير كل واحده تروح تستشير دكتورتها احسن عشان هيه بتعرف ويش اللي يناسبها

اني كل المانع الرئيسي عندي الحبوب واستخدمه مره 5 سنوات ومره 4 سنوات

والحمدلله هو في البدايه يسبب صداع وعصبيه لكن الي تبغى الشيء المضمون تستحمل


وبعد الحبوب كنت ابغى ارتاح لاني من اتركه احمل على طول المده


يصير حمل بعد ما اتركه 3 شهور فقط



طبعا اجرب الواقي والعزل والعد وهذا كله ولانفع


على بنتي فاطمه كان عزل بالواقي وصار حمل وعلى بنتي زينب بالعد والعزل وصار حمل بعد الدوره مباشره











راجعي نفسك اختي بين الحبوب وبين الابره وبين المانع الي تحت الجلد والحين يقولو فيه لزقه


توضع على منطقه من الجلد لكن ما اعرف كيف ولا قريت عنها


ومكن يصير عندنا فيها مشكله علشان الغسل

لكن لا يمنع من الاستفسرار

ومنكم نستفيد

zeyood;9460237:
كبسولة تركب تحت الجلد اسمها implon مدتها 3 سنوات وممكن تشيها قبل ذلك

تسلمون اخواتي


أختي سماء

مو شرط الواقي الذكري ينفع
انا حملت مع استخدامه

و بصراحه افكر بعد ولادتي استخدم الحبوب المركبة لأنه احسن طريقه
على الأقل لو حصلت مضاعفات تقدري توقفينه

أما الأبر اللي كل فتره فهذي ما تقدري توقفين مضاعفاتها من جهة و من جهة ثانية تكون قويه على الجسم و مما سمعته انها تجعل المرأه تدخل في الشيخوخه مبكرا>>>>>>>و احنا مو ناقصين

و الكبسوله ما ادري اذا موجوده او لا في السعودية implon و هي عباره عن كبسوله تزرع تحت الجلد في الذراع و تقوم باطلاق الهرمون في فترات منتظمة و مفعولها طويل >> و لها نفس تأثير الحبوب بس هذي تنفع للي ينسوا ياخذوا الحبه >>>>>>>يعني تريحش من وجع الدماغ

أما اللولب فأحسه يخوف
جسم غريب في هالمكان و ناس كثيييييييييييير حملوا عليه
و المصيبه لو التصق بالجنين >>> تحت رحمة الله
و فيه ناس صارت تشوهات للأجنه من هالسالفه

يمكن دوختكم بس انا ما خليت شي ما بحثت فيه و فيه موانع مختلفه

لصقات الهرمونية
و الحلقة الهرمونية >>> بس ما ادري اذا متوفره في السعودية

و الله يوفق الجميع
عموما في الأخير كل واحده تروح تستشير دكتورتها احسن عشان هيه بتعرف ويش اللي يناسبها

أأيدك في كل كلامك

إلا الواقي أنا ما حملت طول فترة استخدامه

حملت لما تركته لان سبب لي التهاب واستخدمت العزل وحملت


واللي تعرف عن هالحقنه تحت الجلد تفسر لنا الموضوع؟؟

ياليت باقي الاخوات يفيدونا بتجاربهم
انا افكر باللولب بعد الولادة

اني بصراااحه فكرت في الحبووب

بس خوفتنييي العضوة الا ردت وقالت انه سبب لها ألتهابات ودم على ومن تركته سبب لها نزيف ورائحه كريييه

والله ماادري بس ابي شي مضمون لانه العزل الطبيعي كلشششششش فاااااااااااشل وأنصميييت منه وحملت على ولدي وهو صغير مسكييين

الحبوب صدق خربطتني لمدة شهرين كان ينزل معي دم
بس غيرت النوعيه وحمدلله كل شي تمام

المشكلة انه ما فيه طريقة اريح من الحبوب بس في حملي هذا حملت ماتتخيلون كيف

الاسبوع اللي بعد 21 حبة استنى الدورة ما جات بس ان استخدمت نوعين حبوب بدون ما افصل بينهم والحمد لله
و بعد ما اولد ان شاء الله ما راح اخذ الاا لحبوب

بصراحة انا استعملت العزل وطريقة تمام لكن فيها خوف واستعملت الحبوب الموضعية مالها تاثير باذن اللله اما اني افكر في الولب زوجي رافض بسبب مشاكلة الكثير وحتى الحبوب للهرمونات بعد مشاكلها كثيرة واغلب زميلاتي نفس الطريقة او الواقي يعني في تنويع وربي يرزقنا ولا يحرمنا لكن لابد من التنظيم سبحان الله راحة للام والبيبي واذا اراد الله حمل فلا اعترض بالعكس نعمة من الله

اني بعد حامل وبعد الولاده ماباخد غير الحبوب والي يصير معاها مضعافات وتعب والي دكروه الاخوات مو من اعراض حبوب منع الحمل


لان الوصفه مكتوب فيها الاعراض والدكتوره بعد تقولك عن اعراضها



لكن الي اول مره تستخدمه لازم تروح الى الدكتوره او تعمل تحليل شامل وتطمن ان ماعندها نقص في الحديد

او اي شيء ولا معاها الضغط ولا امراض الله يبعدها عنا جميعا


الحبوب الي استخدمها اسمها ميكروجينن

انا استخدم طريقة العزل,,بس مو بالواقي,,اضن فهمتوني..


ضليت استخدمها 4 سنوات,, وبعدين تركتها عشان كنت ابي احمل والحمد لله في نفس الشهر اللي تركته حملت...

وبعد ماولدت ضليت استخدم نفس الطريقه وصار لي من ولدت سنه وشهرين...


وماافكر في طريقه ثانيه..