هنا نتحمد بالسلامه لبنتنا نور

السلام عليكم ورحمة الله وبركاته

اخت عزيزه علينا ومن مشرفات هذا المنتدى المعطاء اختي شريفه غابت عنا فتره وامس طلت علينا وعلى قد مافرحنا بوجود اسمها ينور بينا اللي انه الخبر اللي قرينه ضايقنا ونزلت دموع عينا والحمدلله انه كان من بين السطور خبر رد لنا فرحتنا نزلت الموضع نفس ماكتبته لنا اختنا شريفه وتسامحني لاني مااستأذنت منها نقلته علشان نتعظ ونحصن أنفسنا وعيالنا نقلته للتذكير بقول مشاء الله وذكر الله حتى عند رؤية عيالنا نقلته علش
ان ندعي للنوري بان الله ينعم عليها بالصحه والعافيه نقلته علشان نبارك لاختنا شريفه برجوع النور والحمدلله على سلامتها




والله يا بنات تحمدولنا بالسلامه
نوارتي
نوري
نور
بنتي وبنتكم


دخلت الاسبوع اللي طاف بغيبوبه

اسم الله عليكم وعلى عيالكم ربي يحفظكم من كل شر


اقولكم القصة بالتفصيل بس ودي افضفض واسولف
قلب الام ااااااااااااااااااه على قلب الام بس ما اقول ان شاءالله ماتشوفون اي مكروه

القصه الله يسلمكم
كانت البنت طبيعيه تلعب كنت حاطه في شعرها حنة الظهر وغسلته على الساعة 4 العصر
وبس الشعر صار لونه احمر الكل يضحك عليها ويتحلى عليها حطيت لها كحل وحمره وبس اللي قاعدين انا وامي واخواني وابوي والخدامات

كنت نايمه يومها في بيت اهلي زوجي بالدوام عنده زام (خفاره)
نامت معاي بالليل قعدت الصبح رحت الدوام
وبس مطمئنه عليهم لانهم عند الوالده ربي يحفظها

دخلت البيت الساعة 2 الظهر لقيت البنت متيبسه في ايدين امي وامي واخوي لابسين بيروحون المستشفى

قالت لي امي انا مادري متى تقعد بالضبط يوم تأخرت بالنومه رحت اصحيها البنت ماتصحى غسلت وجهها وشربتها ماي رجعت البنت ودخلت في غيبوبه البنت صارت ثلجه بارده
اخذتها وطرت فيها انا وابوها المستشفى اقرأ القرأن ابوسها يما كلميني بنتي حبيبتي اطقها على وجهها اسطرها سطار ماتتحرك ولا تفتح عيونها ابد البنت بااااااااااارده بارده بس احط اذوني على قلبها اسمع دقات القلب

وصلت المستشفى دخلت على طوارئ الاطفال حطيتها على السرير وطحت يمها بس ابجي
يا دكتور شوف بنتي شنو فيها

دخلوها المستشفى

تخطيط على القلب
على الراس
اشعة من جميع الجهات على الراس
تحاليل دم
ضغط
سكر
املاح
كل شي يخطر في بالكم سوي لبنتي

البنت مو بالدنيا الابر توخزها من كل مكان في جسمها والبنت بعالم ثاني

يما ابجي يما تكلمي يما حبيبتي ركضي لعبي نوووووووووووووووووووووووور نوري حياتي حاجيني كلميني فتحي عيونج طالعيني


الاطفال يبجون من الابر بنتي الدم يطلع من ايدينها ماتتحرك ولا تفتح حتى عيونها

مر علي الوقت طويل طووووووووووووووووووووووويل الدقايق ماتمشي
قلبي يرقع يرقع يرقع

وصلت امي وابوي واخوي المستشفى
بس نشوفها ونبجي كلنا
على حالها

بعد عمري
بنات تذكرت السالفه واكتب لكم اخنقتني العبره بديت ابجي الحين وانا اكتب لكم
لا حلو ولا قوة الا بالله

مالي في هالوقت الا رب العالمين الله الله الله الله ارجع لي بنتي للحياة بنتي صارت بارده
الاطباء مو عارفين سبب لغيبوبة البنت كل شي سليم

توضأت امي بدأت تقرأ عليها القرآن البنت بدأت تتفزز مع القراءه

انا اقرأ الحمد نسيت القرآن استغفرالله بس ارجف ارجف صار معاي هبوط خريت طحت على وجهي وانا كنت قاعده على الكرسي شالني زوجي قلت له هدني هالشي فيني ولا في بنتي خلوووني


دخلت على الطبيب اقوله يا دكتوووور شفيها بنتي قال مادري احتمال ادخلها العناية المركزه



ابجي ابجي ابجي
افتر في اروقة المستشفى والممرات
ادور وادور وادعي الله سبحانه
ياربي سامحني لم اتوقع اني بالضعف هذا يارب صبرني ياربي احفظها وارجعها لي

ارجع لها اقرأ القرآن تتفزز

امسح على وجهها بالماء لاتصحى


بنتي من الساعة 11 بالليل لاشربت حليب ولا كلت شي ولا حتى خرجت او تبولت الحفاظه ناشفه
حياتي الغاليه
صارت الدنيا ضيجه بعيووووني

صارت الساعة 5 العصر بنتي في غيبوبه تاامه



دقيت على شيخ دين بعد ماشفت كل النتايج سليمه سألته قال بما انها مع القرآن تحسين انها تتفزز ارقيها البنت فيها عين قوية


دقيت على شيخ ثاني قالت فيها حسد قوي اخرجيها من المستشفى وارقيها واقرأي البقرة

وان شاءالله امركم البيت واقرأ عليها


فتحت عيونها بعد ما قام الطبيب يكلمها ويمسح عليها بالنشادر علشان تصحى فتحت عيونها بعد ماخلصت امي قراءة سورة البقرة بالكامل ولكن على خمول شديد من غير تحريك الجسم
الساعة 6 ونص بعد اذان المغرب

بدأت بالبكاء انا وامي انهرت انهرت

دفعت البلاء عن الغاليه نوري


ذهبت البيت

دخلت طلبت من الكل والجميع بالوضوء العين حق يا ناس العين حق جماعه بنتي بغت تروح من ايديني ولكن العظيم الكريم الوهاب الرحيم لطف وقدر الحمدلله الحمدلله الحمدلله


توضيت انا وابوها وامي وابوي واخواني والخدم بالاساس هم السبب والعياذ بالله

وسبحت بنتي على سنة الله ورسوله وشربتها من ماء الوضوء واستمريت معاها بالرقيه والله خير حافظا

وان شاءالله ماتشوفون مكرووووووووووووووووووه لا انتوا ولا من تحبوووووووووووووون
واحمد الله واشكره ليل ونهار الف الحمدلله والشكر لله
بنات حصنوا عيالكم

تحصنت عليكم بكلمات الله التامات من كل شيطان وهامه ومن كل عين لامه
مع اذكار الصباح والمساء




واسفه على الاطاله يالغاليات