اام زوووووجي؟؟تكفوون ريحوني

هلا غناتي

الصراحة تفاجأت من شخصية زوجج

المهم كيف كان أسلوبج مع أم ريلج علشان تزفج بهالطريقة
كان حليتي هالمسألة مع زوجج وما دخلتي أمه فالسالفة في بادي الأمر
كان رمستي ريلج يخبر أبوه إنه صعب يطلع من البيت ويودرهم ويريد يبني ملحق حقه وحق عياله لأن بناته كبرن ويفهمن ويفهمه الوضع بطريقته

أما عمتج غريبة ما دام إنج حليوه معها ليش زفتج لازم إدور على راحة ولدها وعياله مممممممممممم
والله ما أدري شو أقولج
كان ما كبرتي السالفة وسرتي بيت أهلج أدري الوضع صعب عليج بس حرمة حمي عندها أربع ماشاء الله وساكنه فغرفتين وحمام الله يكرمج مشترك تخيلي وأنا عندي بنتين فغرفة وحمام الله يعزج والحمدالله صابرين الصبر جميل أن الله مع الصابرين وأنا كل ما أبا أخذ غرفة ثانية عمتي ترفض وأنا عادي عندي ما أخذ الأمور بحساسية أتفهم

غناتي أنا أريدج تاخذي الأمور بحكمة بدون انفعال الأنفعال ما اييب نتيجة غير الزعل إذا بغيتي شيء يا غناتي بتحصلينه من الأستغفار أنا قاعده استغفر لأني أفكر فعيالي ووضعي ماحد ما يريد الراحة وإن شاء الله تتعدل الأمور
أدري اللي بطلبه منج صعب بس حاولي تفكري فيه بمنطق تحملي الوضع وردي عند ريلج وقيمي الليل واستغفري وإن شاء الله الله ينولج اللي فبالج

على فكره الريال ما يحب حد يخيره بين شغلتين فأظن هالشي زعله خيرتيه بين الشقة والطلاق فأظن هالشي صعب عليه صبري شوي عليه وصدقيني بتحلي الوضع

الله يوفقج