باجي على عرسي شهر باذن الله

اجرح على كيفك 11-05-2009 9 رد 1,550 مشاهدة
ا
السلام عليكم ورحمة الله
اشحالكم جميع؟


لو سمحتوا انا عرسي بشهر 6 وعندي اشيا بجسمي وادري بتقولين توج تسالين بس بقولكم استخدمت خلطات وكنت اسوي حمام مغربي كل اسبوع بس الحين تكسلت لكن ماحس واااايد فادتني الخلطات

ابي ابيض باطي وكوعي واركبي والمنطقة الحساسة

وحاليا بعد الاستحمام اعصر ليمون على ابطي وكوعي واركبي لمدة 5 دقايق وبعدين اغسل بماي دافي واحط لوشن طبي يوحد لون الجسم على قولة الدكتور اللي رحت عنده مع اني احسه ما يعرف شي ههه


الحين ابى شي يبيض منطقة الحساسة ويسد مسامات وجهي لان عندي مسامات مفتوحة
وعندي حبوب وايد بجسمي واثر حبوب وحاليا اتعالج بس احس ماشفت نتيجة واضحة رغم اني من 5 شهور اتعالج



وبسال بنات بوظبي اذا يعرفون حد يسوي ليزر لشعر الجسم قبل العرس بشهر على الاقل اكون مخلصة 3 او 4 جلسات ويكون السعر حلو اذا حد يعرف؟؟؟


وفي مركز شارم للتجميل هو صالون يسووون جهاز الضوء بدل الليزر في حد جربه؟؟؟؟؟



اتمنى منكم خواتي تعطوني طرق مضمونة باذن الله وتكون شوي سريعة لان ما باجي غير شهر وتكون سهلة لاني اسكن بالجامعة يعني مقدر اخذ راحتي واستخدم اي شي اباه


وربي بكون شاكرة لكم وبدعي لكم من قلبي
حتى لو ما عطيتوني بدعي لكم ههه:15:
o
(f)(f)(f)(f)(f)(f)(f)(f)(f)(f)(f)(f)(f)(f)(f)


ألف ألف مبروك يا الغلاو
عروستنا اليديدة..
وربي يهنيج دوم هب يوم ...

(f)(f)(f)(f)(f)(f)(f)(f)(f)(f)(f)(f)(f)(f)(f)
L
بخصوص موضوع التبييض فما عندي خلفية..
بخصوص الليزر ما يستوي تسوين كذا جلسة في شهر ... غالبا يكون بين كل جلسة والثانية (شهر) .. أو متى ما يرد الشعر يطلع ...
وبخصوص جهاز الضوء .. اعتقد انج تقصدي السوفت لايت .. انا شخصيا ما انصحج بيه .. ليش؟؟ بقولج ..

1- هو مثل الحلاوة بس الفرق انه يأخر نمو الشعر _يعني تقريبا شهر
2- مكلف إذا بتمين تسوينه كل شهر .. يعني سعره واااااااااااااااااااايد مقارب من سعر الليزر .. يمكن فرق كمن اميه

أنا أنصحج بالليزر .. الشعر ياخذله وقت لين ما يرد يطلع _ بالنسبة لي أكثر من شهر.. ومن أول جلسة تلاحظين الفرق يوم يبدء الشعر يطلع .. بتحصلين أجزاء فيها شعر خفييييييييف ما يتلاحظ الا اذا دققتي عدل وفي النور .. وبعد الليزر يكون حل نهائي للشعر ومب مثل السوف لايت اللي بتمين عليه طووووول عمرج .. لأنه هو يأخر نمو الشعر.. وطبعا مب مثل الليز اللي يخلي الشعرة تستوي خفيفة ..

اذا المنطقة اللي تبين تسويلها ليزر الشعر فيها غليظ شوي .. بيسوولج .. بس اذا كان خفيف ما بيرضون (أنا ما رضو يسوون زنودي مثلا )

أعتقد سميحة لطفي عندها فرع في بوظبي (انتي تأكدي)

وتحياتي
ا
ان شاء الله البنات يساعدونك

بس انا قرات في المنتدى موضوع تبين تصيرين قطنه\\

فيه صابونة البقدونس..... اعتقد رووووووووووووعه
ح
هلا حبيبتي ،،، اولا الف مبروووك

اممم ثانياً احس انج لازم تسوين لج برنامج حلووو وسهل صح !!
انه بنصحج بعدة اشياء عرفت عنها من المنتدى.........

أول شي بالنسبة للمنطقة الحساسة اخلطي زيت جنين القمح + زيت لوز حلو واستخدميه يوميا قبل النوم (لا تطلعين في الشمس لما تستخدمين الزيوووت)
وممكن تستخدمين هالخلطة لكل الجسم بما فيها الوجه مع العنق (استخدمي نقطتين الى 3 نقط للوجه والعنق)
وممكن تحطينها على محيط العين والشفايف وكل الجسم ......

انزين بعد روحي الصيدلية اخذي لج لوشن الالفا بلس من منتجات البحر الميت بالاردن هذا يبيض ويرطب الجسم

لاثار الحبوب تقدرين تستخدمين غسول مطهر للجسم مثل سيتيل او ديرموباكتر (هذلين طبيين) وتقدرين تستخدمينهم بعد لغسل المنطقة الحساسة يوميا وبعد لتطهير الجسم قبل وبعد إزالة الشعر ......

لوجهج وجسمج خذي لج مجموعة متكاملة غسوول وتونر وسيروم وكريم نهار وكريم ليل و مقشر وقناع احسن شي روووحي لدكتورة او دكتور يوصفلج مجموعة تناسبج ..........

شعرج اهتمي فيه خذي فيتامينات بيرميا بلس للبشرة والشعر والاظافر واصلي عليها لمدة 3 اشهر

اهتمي في تغذيتج اهم شي من الداخل صدقيني عمر الكريمات ما بتفيدج اذا تغذيتج مو زينة اهتمي بشرب الماء والفواكه والخضروات والبروتين والشوكولاته الدارك فيها مضادات اكسدة

عندج بعد مرهم البيتادين للمنطقة الحساسة

وحجر البيوووميس للقدمين

و استخدمي وفات بنت عذاري وصفة شهر العسل ........

سوي تمارين رياضية ....

اهم شي الاستمرار في العناية ........

لشعرج استخدمي زيت جوز الهند ولا تغسلينه اكثر من 3 مرات بالاسبوع

اكلي افوكادووو ورمان وشاي اخضر ومكسرات صحية يعني مو مقلية ولا شي طبيعية هذي بعض الاشياء اذا تبين شي احنا بمساعدتج

ادعيلي
ا
فديييييييييييييييتكم والله تسلموووووووووون كلكم وربي يخليكم

بس بالنسبة لمسامات الويه شلون؟؟

اوختي لوشن الفا بلس يبيض بسرعة؟؟؟؟؟؟؟؟؟
^
مبرووووووووووك ياعروووووسة

بالنسبة للمسامات انا جربت اللبان والحمدلله خفت
7
7
وهذ رابط الموضوع
http://forums.3roos.com/t278742.html?highlight=%C7%E1%E1%C8%C7%E4
&
الف مبروك وان شالله البنات يفيدوكى
http://forums.3roos.com/t455098.html#post9460076
ا
تسلمووووون على الرد وربي يوفقكم يارب
ا
بنااااااااااااااات لو سمحتوا

اللي تعرف عيادة ببوظبي يسوون ليزر وبسعر معقول اتريا ردها جدا ضروري
X