وزني 40 وطولي 163 قصة نحافتي

اللهم صل على محمد وآل محمد


بسم الله الرحمن الرحيم

قصتي مع النحافة


لما كنت بالمدرسة كان وزني 40 بالنسبة لبنت في 18 و19 عادي جدا


بس لما رحت الكلية وتغير نظام الاكل عندي

صار يزيد وزني بشكل جنوني يعني في سنة وحدة زاد 8 كيلو

لذلك خفت اني امتن وكل سنه يزيد 8

مع ان كان 48 ابقى ضعيفة بس خفت من الزيادة السريعة

سويت رجيمات امتنعت عن السكريات والنشويات زدت الخضار في الاكل

قللت اكلي الى ان صار 45 وبعدها وقفت وعشت حياتي طبيعية

لكن بعدها بدت اعراض فقدان الشهية

صرت ما احس بالجوع

اكتفي بالاكل واقفة حتى في وجبة الغدا

صرت مااكل طول النهار وانا بالكلية

ارجع البيت وانام واكل وجبة وحدة بالليل

انخطبت وما زالت المشكلة

تزوجت وحملت صار اكلي وسط يعني بس وزني ما رجع زاد


الحين بدت المشكلة الكل يشوفني يقول من الرضاعة صرتي نحيفة

والحين كملت سنة من فطمت ولدي وما زالت النحافة مستمرة

واعراض فقدان الشهية قاعدة تزيد

تدرون اسوي الاكل بس اجربه

بس لما احسه يبرد شوي احس اني ما اقدر اكله نفسيا خلاص ما اقدر اكله مثل الشوربات والارز

لما اكل كورن فليكس مثلا بس تذبل الرقائق ما اقدر اكمله

وقيسوا على ذلك جميع الاكل

احس اعراض المرض قاعدة تزيد وقررت اروح المستشفى


لكن قلت ان الحل المعتاد اهو فاتح الشهية

وانا الحين وقفت ما استخدم مانع

فمستحيل اشرب الحبوب لان ممكن يصير حمل باي وقت


فقلت اخذ خبرتكم


وانا سبق ان اشتركت في رابطة الصقولات لكن ما قدرت اتابع

لذلك ابي منكم اللي تعاني من مرض فقدان الشهية مثلي

تخبرني شلون قدرت تقاوم المرض


وتحياتي لكم