الغاليات أنا من شهر تقريبا مثقبه اذن بنتي ....
وبعد فتره كوشية وحده طاحت مادري كيف ....
حصلت الكوشيه بس القطعه اللي ورا ما حصلتها ....
فخذت قطعه من كواشي أنا عشان أثبت الكوشيه في اذن بنتي إلين أشتري لها كواشي يداد ....
لان تعرفون اذا تمت اذنها فتره بدون كوشيه بتنسد وبنضطر مره ثانيه ان نثقبها .....
وخذيتلها من كم يوم كواشي يداد من الصيدليه .... وعلى أساس ان بحطهم لبنتي يوم ترقد ...
أشيل الجدام وأحط اليداد ....
بس الموشيه اللي في الاذن الثانيه مب راضيه تفتح أبدا .... أقصد القطعه اللي ورا .... مليت وأنا أحاول أفتحها بس موووول مب راضيه تفتح ....
حتى أمي حاولت بس ماقدرت ..... وأعتقد ان الحديده شوي ملتويه ....
الحمدلله بنتي مب معورتنها الكواشي .... بس اذا أحاول أفتحها يطلع دم من ثقب اذنها :( .....
حاولت اليوم بالمقص أقص الحديده بس خفت الصراحه ....
ومادري شو أسوي ....
حطيت زيت شوي على الحديده والقطعه اللي ورا عشان تنزلق وتفتح بسهوله بس بعد ما رضت ...
شوفوا الكوشيه مثل هذي ....
القطعه اللي ورا مسكره ....
بس مب من النوع اللي لازم تلفينها عشان تتسكر أو تفتح ....
ماادري شو أسوي .....
ياليت تفيدوني ....
بانتظاااركم ....