هل لمشكلتي حل

بيلسان! 10-05-2009 5 رد 964 مشاهدة
ب
مساء الخير عليكم جميعا

لو سمحت يا حبايبي

للي عندها خبرهاو صار لهاا مثل وضعي

ولقت الحل المناسب بليز ماتبخل فيه علي

الا وهو عندي مسامات بالساق حرمتني من

لبس القصير االلي عندها حل بليز لاتبخل علي

حبي لكم
ا
في وصفة لهاالامر موجودة بالمنتدى
دوري عليها وانشالله تلاقيها حبيبتي
ز
شوفي انا بعطيك نصايح عن تجربه بس اذا عندك صبر لمدة ثلاث شهور او اكثر بتصير عندك نتيجة خيالية((سيقان تلمع نفس البلاستك)):

1- اتركي الموس -النير نهائيا

2-اذا عندك شعر معكوس وتحبين اتطلعينه او تلعبين فيه تركي هذي العاده نهائيا

3- استخدمي مقشرات المشمش ((تنباع بالسوبرماكت)) وفي منها ماركات بس حاولي تاخذي النوع الخشن يعني مايكون نوع خفيف او مخلوط مع كريم.

4- قشري سيقانك ((يوم وترك)) باستخدام ليفة الحمام المغربي ((انا اقول يوم وترك لان الجلد عندك سميك وجاف فهذا بدوره يؤدي الى عدم قدرة الشعره الى الخروج للاعلى)) والتقشير يوسع مسام الشعره بحيث حتى لو شلتيها بالحلاوه تنشال مع قشرة الجذور<----قشره شفافه نفس الكيس تمسك جذور الشعره. لان مرات تنشال الشعره بس القشرة اللي تغذي الشعر موجوده فبالتالي يؤدي الى نمو الشعر بشكل اسرع ويتسكر المسام وتتكون النقط السوداء

5-بعد التقشير على طول وانتي تحت الشاور استخدمي زيت الاطفال على سيقانك بكمية وافرة

6-وبعدها جففي سيقانك عادي او وزعي فازلين مع اي نوع من اللوشنات بس اهم شي يكون مكتوب عليه للبشرة شديدة الجفاف((اللوشن والكريم يوميا تستخدمينه ضروري))

7-مع المداومة لمدة ثلاث شهور او اكثر لحد ما تحسين ان ولا شعره تحت الجلد وكل الشعرات طالعه ((في بعض الحالات يكون في المسام الواحد فيه شعرتين مو شعره- وحده طالعه والثانية مدفونه تحت الجلد مثل النقطه السوده لازم تصبرين اكثر من ثلاث شهور))

8- بعد ما يطلع الشعر كله لسطح الجلد يأتي اليوم الحاسم وهو يوم الحلاوة العالمية هههههههههه
واهم شي في الحلاوه : انسي الحلاوة الهندية ((اللي تكون بالقماش)) وبدليها بالمصرية ((اللي تنعجن باليد)) لانها احسن وماتقطع الشعر وتشيل الجلد الميت وقشرة البصيلة اللي هي سبب تكون النقط السودا مثل ما قلنا ...في حالة ماتوفرة لك هذي الحلاوه استخدمي الشمع لانه احسن من السكر بكثير ...بس من خبرتي انا اقولك مافي احسن من الحلاوه المصرية للسيقان

9-بعد ماتخلصين حلاوه لا تحطين اي كريم او زيت لمدة يومين عشان ماتسرعين نمو الشعره وعشان تتسكر المسامات

10- لو حبيتي حل سطحي للمشكله عندك كريم اساس من ماك سبق وعرضته بمواضيعي يكون زي اللوشن توزعينه على السيقان ويغطي المسامات بشكل حلو من غير ما يثقل على السيقان بس اهم شي يكون نفس لون سيقانك بالضبط مو افتح لانه بيزيد البلا بالمشكلة

اخيرا في حل ثاني لمشكلتك وهو حل مضمون ومكلف بس يبيله صبر وهو المداومة على الليزر

ا
الشكر لصاحبة الموضوع

والشكر لزهرة اللافندر

وبجرب الطريقه ان شاء الله
ا
يعطيك العافية بس الحلاوه المصرية اش اسمها
ر
عفوا استفسار مكرر

يرجى الرجوع لملف الاستفسارات المثبت في القسم
X