محتاجه ممرضه او فاعله خير يا بنات البحرين

M

Ms Dior

عروس فضية

10-05-2009 | 06:17 PM

هلا عرايس ..

بدش ع الموضوع دايركت انا اعاني من مشاكل جسديه تعب وارهاق وغير الاكتئاب الي فيني..

الي فيني الحين ان ما اقدر اطول في القعده احس احتاج انام وكله ابي انام .. مدري اتشفيني بالضبط..

عندي بيبي في المستشفا .. واحتاج له نرس تكون موجوده وقت الي انا اطلع عشان ارتاح ..

ع الاقل يكون عندي وقت اراجع المستشفا واسوي التحاليل المطلوبه عشان اشوف في وين علتي وتعبي من شنو..

ع فكره انا والده مرتين ورا بعض وحملتين على بعض وما كنت منتظمه في الخحبوب الفيتامينات .. وحتى راحه ما ارتحت ولا تنفست في بيت امي.. ولا تمسدت عند مساده.. ترا انا حدي تعبانه يا بنات..
الي تعرف نرس او فاعله خير تبي مدخول تقعد عند ولدي ولدي ما بيطول بيكون في المستشفا جم يوم ..

وع فكره بنات الدوره نازله علي وصادني نزيف منها لان ماخذه ابره منع الحمل..

يعني حالتي مثل ما تجوفون صعبه الي تقدر تحصلي رقم نرس او وحده مربيه بحرينيه تقولي ..

تيود ولدي وانا بعطيها يوميتها والي تبيه ..

بليز محتاجه ردودكم اليوم قبل باجر .. :confused:

ا

ام فطومة الحلوة

عروس فضية

10-05-2009 | 06:25 PM

ما عليج شر ام حمود

حافظي على صحتج ترى محد بينفعج

وان شاء الله تلقين ممرضة

م

مناهل78

مشرفة سابقة

10-05-2009 | 07:20 PM

ماعليج شر أم أحمد. .أنا هقيت هذا أول حمل لج... والله ماعندي فكرة بس باسأل لج .. أو حطي إعلان بالوسيط او دليل وإن شاء الله تحصلينها.. وماعليه شر أحمدي....

ا

الدمشقية

مشرفة سابقة

10-05-2009 | 11:31 PM

ربي يقويكي ويعطيكي الصحة انتي وطفلك وان شالله تلاقي طلبك قريب

M

MiSs-GuCci

عروس برونزية

11-05-2009 | 12:55 AM

اهليين اختي انا مو ممرضه بس لو ولدج في المستشفى العسكري ممكن اقعد معاه العصر او المغرب طبعا الصبح ما بقدر لانه ايود بنت اختي وطبعا انا ما ابي منج شي بس حابه اساعدج وانا احب البيبيات وايد وإن شاء الله ماعليه شر ردي علي لو اهو في العسكري وتبيين احد يقعد معاه العصر او المغرب انا حاضره..
والله انا جاده لو انتي حابه ممكن اساعدج ومثل ما قلت لج انا مو ممرضه مجرد حابه اساعد

ا

الورده الغاليه

عروس متألقة

11-05-2009 | 01:06 AM

ما عليكم شر
من عيوني بس ما اقدر لانه عندي يهال وماعندي احد يجود اولادي

بس عن تعب الي فيج ممكن تكون اعراض الخمول في الغده الدرقيه خبري الطبيب

مع السلامه

M

Ms Dior

عروس فضية

12-05-2009 | 07:42 PM

بنات مدري شفيني .. ما احس روحي طبيعيه كله افقد توازني ..

اليوم سويت تحليل دم وباجر النتيجه ادعولي..

كمام الامل .. ترا ولدي صعب وايد .. ما بتقدرين عليه .. يقل الاوكسجين ولازم تيودين الاوكسجين والحليب وترضعينه نفس الوقت ..

يعني صعبه كلش .. انا لقيت وحده تقعد عنده وتباريه بمبلغ والحمدلله مره طيبه وخايفه ربها.. وتعرف حق اليهال زين..

بس ما اعتقد بتطول لان ولدي متعب.. لازم اخلي اثنين عليه مو وحده ..

ا

ايوت

عروس مبدعة

12-05-2009 | 08:10 PM

ربي يفرج عليج ويشفيك ويشفي ولدج من كل شر ؟..

كسرتي خاطري يا اختي وحالتك صعبه بس خلج قوووووووووووووووووووية لان ولدم مريض ويحتاجك ويحتاج منك كل الحنان والرعاية ..
لاتيأسين لعله اختبار لك ولمدى ايمانك بربك .. الله يوفقك ويشفيك من كل شر ..

M

MiSs-GuCci

عروس برونزية

12-05-2009 | 08:21 PM

Ms Dior;9464825:
بنات مدري شفيني .. ما احس روحي طبيعيه كله افقد توازني ..

اليوم سويت تحليل دم وباجر النتيجه ادعولي..

كمام الامل .. ترا ولدي صعب وايد .. ما بتقدرين عليه .. يقل الاوكسجين ولازم تيودين الاوكسجين والحليب وترضعينه نفس الوقت ..

يعني صعبه كلش .. انا لقيت وحده تقعد عنده وتباريه بمبلغ والحمدلله مره طيبه وخايفه ربها.. وتعرف حق اليهال زين..

بس ما اعتقد بتطول لان ولدي متعب.. لازم اخلي اثنين عليه مو وحده ..

اهو بالفعل صعبه لاني مو متخصصه
بس خبريني عن الاوقات اللي اهي موجوده على الاقل اساعدها باللي اقدر عليه لين ما تلقيين وحده متخصصه وتعرف لحالة ولدج الله يشفييه ياربي

أ

أم القمر والعسل

عروس ماسية

13-05-2009 | 02:01 AM

ربي يقويكي ويعطيكي الصحة انتي وطفلك وان شالله تلاقي طلبك قريب

ع

عيون بن عون

عروس مبدعة

13-05-2009 | 04:28 AM

ماعليج الا العافيه ام احمد... والله يشفيه ان شاء الله عاجل غير اجل
توني والله قاريه موضوعج..
الظاهر التعب طلع عليج احين... اجر وعافيه ان شاء الله حبيبتي
طمنينا عاد عليج وعلى احمد....

p

pooh3252

عروس مشرقة

13-05-2009 | 10:37 AM

ماعليج شر ياام احمد خوفتينا عليش وعلى حمودي تحملي في روحش وان شاء الله ربي ييسر امورك ويطلع حمودي من المستشفى وترتاحين يارب

U

Um Nwara

عروس متألقة

14-05-2009 | 11:18 PM

ماعليج شر يا ام ا احمد و الله يقومك بالسلامة يااااارب

ز

زيـــن

عروس متألقة

15-05-2009 | 02:53 PM

مس ديور ولادتج كانت المفروض تكون معاي اذكر قريت انج ولدتي قبل موعدج بوايد والله دعينا لج من قلب فرحت لما شفت الحين ان ولدج بيترخص جريب ^_^ الحمدلله على سلامتج وسلامته كل شي يهون دامه سلم لج الله ايسر لج امورج يارب ويعافيج انتي واحمدي على اسم ولدي