جد مضايقني الموضوع ........تناقشو معاي..

السلام عليكم

شحالكم حبايبي

مشكلتي الله يسلمكم مع اخوان زوجي هو ماعنده خوات بس عنده اخوين عن 10 بنات الله يصلحهم
اخو زوجي الصغير اول ما تزوجنا صارت مشكله بيني او بينه انه هو لسانه مفلوت يعني ما يحترم حد ما يثمن الكلام اللي يقول حتى مع اعمامه متضارب المهم

انا حامل او كنت في بيت خالتي اللي هي ام زوجي اخوه زوجي الثاني كنا نتكلم عن موضوع الدوام او الشغل او هو كان متحمس حده كان بينقل من دوامه بيروح مكان ثاني او يقول لامه اللي هي خالتي كلمي اختك عساس تنقلني لانها تعرف المدير هي تقوله لا انت كلمها انت دق عليها انا ماراح اكلمها هو عصب شوي بعدين كمل الحديث معي على الدوام او طبيعه الشغل انا طبعا ماخذه الموضوع عساس نقاش طبعا هو متضارب مع زوجي اللي هو اخوه الكبير بعد عساس اللسان الطويل مافي احترام للكبير في بيتهم
المهم عاد هو يتكلم او انا ابدي رايي يعني موضوع نقاااااااااش عاااادي ولا مره وحده يقوم يعلي صوته او يقول انتو ماتفهمون لا انتي ولا زوجج ماعندكم كرامه او هزء بزوجي مسح فيه الارض شوي طبعا زوجي ما كان موجود كان طالع او عمي اللي هو ابوه كان موجود اوامه خالتي
او يقعد يسب في زوجي انا فقدت اعصابي مادري شو اسوي اطقه والله كان ودي اضربه بس قلتله عدل اسلوبك او احترم نفسك انت ماتعرف تكلم مع الناس اسكت
عمي قاله بس خلاص اسكت او خرج عن البيت
طبعا عمي اكثرت عليه هل الكلمتين بس خلاص ولا قال شي ثاني
انا طبعا انهرت او اتصلت على زوجي قلتله تعال الحين ولا شوي اهو داخل انا كنت اصييح حييل بحرقه يا بنات لانه مافي كلمه ما قالها لي او لزوجي من غير سبب والله ما في سبب
اهم مايعرفون يتكلمون مع الناس
قلت لخالتي ما تعرفين تسكتين ولدج تقول لي لأ ماعرف انا اخاف صراحه
او قلت مافي احترام بهل البيت عمي يقولي ليش جي تقولين عيب اقوله الحين الكلام اللي ولدك قاله قبل شوي مو عيب انا كلامي عيب
المهم اخذت اغراضي او على طول طلعت او احنا بالطريج لي البيت تعبت حيل والله يا بنااات ماقدرت اتنفس على طول عل المستشفى ضغطي كان نازل حيل او حطولي تنفس صناعي قال الدكتور لازم تهدى مو زين عليها او كنت خايفه حييل
مخي كان مشتت مادري اتصل على ابوي اروح بيتنا ماعرفت شو اسوي
بس زوجي هداني او مارضى تكبر السالفه
انا سكت
ثاني يوم خالتي اتصلت علي انا مارديت لاني كنت بالمستشفى او بس من ذالك اليوم الى اليوم لااا احد يتصل لا خالتي ولا عمي ولا اكلمهم ولا اروح بيتهم
بس زوجي يمر مرات او تقوله ليش ما تيييون عنده شو زعلانين
طبعا اهي اتصالها كان ادري شو بتقول كأنها مو مسويه شي بتكلمني عدل او كأنه مافي مشكله يعني بتقول عادي مثل اخوك عساس جي انا مارديت عليها
المهم عمي طبعا اغسل ايدي اذا يي البيت او يتصل ماينزل من كرامته
يبيوني انا اروح او اتصل او كأنه ماصار شي
بس شو ما فكرو فيني حامل ولا في البيبي ولا بزوجي

شوروو علي الله يهديكم والله كل يوم اقول شو ليش جي صار
مااقدر اروح بيتهم مافي لازم اشوف واحد من الاخوين او اذا شفتهم راح اتعب صارحه ماحب اقعد في مكان هم فيه
انا الزم ما علي صحتي او الحين طلعت لي نتايج التحليل طلع معاي سكر حمل انشاء الله يارب يرروح ياارب انا ادري كل هل الشي نفسي
او نفسيتي احاول اصلحها او اهلي الموضوع عادي بس ماقدر
شو اسوي لا تقولولي اتصلي على ام زوجج لانها مادري كيف تفكر هي وحده كبيره شوي في السن شوي يعني عقلها احس غير عنا ماراح تتفهم او هي مريضه بعد
بس حتى انا دخلت المستشفى او ماجت ولا اتصلت
انا ااذا قلتلها انتي ما اتصلتي بتقولي اتصلت بس انتي مارديتي
هي طبعا اتصلت مره وحده فقط لا غير بعد السالفه بيوم

شو رايكم اذا كنتو مكاني الله لا يهينكم ابغي رااايكم
تناقشو معاي بلييز بدعييلكم