الحقوني عاجل ميحتملش التأجيل

السلام عليكم ورحمة الله وبركاته
أولا معلش لو فيه تطويل في الكلام بس لطفا منكم إقرأوا للآخر و انا كتبت بالتفصيل عشان يكون حكمكوا عن علم الموقف بالكامل
انا بدرس في الجامعة وناقص لي بإذن الله سنة من أربع سنين قابلني راجل في الطريق في حوالي التلاتينيات من عمره مش عربي ( نظرا للأننا ساكنين بجانب بيوت يسكن فيها طلبة الأزهر المغتربين وهو منهم ) و أنا فكرته جوز صحبتي لما لقيته متجه ناحيتي و رمى عليا السلام رديت وسألته عن مراته اللي هيا المفروض صحبتي المهم انه طلع مش جوزها صحبتي و قال لي تتجوزيني طبعا سيبته ومشيت و بعدين بعد حوالي سنة لقيته على المحطة ومن ساعتها هو بيتبعني وبيحاول يقرب لي بشتى الطرق عشان يكلمني بس انا كنت بتكسف مرة و مرة تانية اخاف لحد من جيراننا يشوفونا و يظنوا فيا ظن سوء وانا محبش حد يتكلم عني ولا عن أبويا بالسوء المهم قلت الحل اني اجيب اخويا يقف معايا على المحطة و أسهل له الأمر جبت اخويا مرتين لاحظت انه بعد ومش بيحاول يقرب مني و اتضايق انا معرفش هو اتضايق لأنه افتكره مثلا جوزي ولا افتكره صحبي ولا هو كان بيلعب ولا ايه ؟ مش عارفة زعل ليه ؟؟؟؟ المهم انا لما لقيته عمل كدا قلت مش مشكل أنزل انا في ميعاد تاني اروح الجامعة اما انزل بدري أو انزل متأخر وفضلت على الحالة دي قرب سنة و بعدين في مرة من المرات نزلت لقيته على المحطة تاني ولقيته مهتم بي شويا بصراحة انا مكلمتهوش أبدا بس بينت له من تصرفاتي اني مرتاحة له بدون ما أكلمه ( يعني مركبش غير الأتوبيس اللي يركبه وحاجات زي كدا ) بس هو مكلمنيش بس بين لي أهتمامه ومن ساعتها ساعات أشوفه وساعات لأ ولما أشوفه بين لي اهتمام بس بدون ميتكلم بصراحة يا اخوات ومش حاكدب عليكم انا حاسة اني بميل له وبرتاح لما بشوفه و ساعات احس اني مش قابله حد غيره
المشكلة تكمن في اني مش عارفة الأمر دا أخرته ايه ؟ وكمان انا موافقة عليه عاطفيا يعني عشان نفسي مرتاحة له اوي بس عقلي بيقول لي أبعد ودا لكذا سبب أولا عمره هو شكله في التلاتينات لا يقل أبدا عن ذلك و انا لسه عشرين ثانيا لا هو عربي ولا مصري عادتهم غيرنا غير كدا قاعد مع طلبة مش مع اهله معرفش أهله و لا اخلاقه ايه يعني لو جينا نسأل عليه حنسأل مين السفارة ؟ لا طبعا ، غير كدا هو جاي هنا منحة للدراسة واقامته منحة برده يعني مش جاي على حسابه يعني مادياته معتقدش انها تسمح بجواز وعيال وكدا ( وان كنت ساعات بقول طيب لو مادياته كدا فعلا عايز يتجوز إزاي ممكن يكون معاه الله اعلم ) وغير كدا إحتمال كبيييييير جدا إن أهلي يرفضوه للإعتبارات اللي فاتت
دلوقتي انا متقدم لي شاب من بلدي بيقولوا حيجي ان شاء الله بعد الإمتحانات وليا صحابة تانية عايزة تجوزني أخوها ، و انا احتمال أشوف الشخص اللي حكيت لكم عنه في المواصلات اثناء الإمتحانات اعمل ايه انا مياله له اوي وحاسة انه طيب اوي اعمل ايه أكلمه بس إزاي أتكسف أوي
ولا أسيبة و أتركه؟ ولا أعمل ايه ؟جاوبوني عشان الإمتحانات حتبدأ ان شاء الله الإسبوع الجاي و انا دماغي خلاااااااااص مش قادرة افكر خالص
واسفة لو كنت وجعت دماغكم لأني فعلا مشوشة اوي بخصوص الموضوع دا
و ادعوا لي بالتوفيق في الجواز وفي الإمتحان