- مساعدتكم- عيد ميلاد بنتي

ام شوق
اول شي كل سنه و شواقه بخير وعقبال الف سنه ..!

ويعتمد على ميزانيتج اذا كانت اوكي في عدة اماكن ..
مثلا في قاعه صغيره.. ومعازيم وجذي ..

واذا حاطه مبلغ معين ..
يعني حسب الميزانيه خبرينا بالميزانيه وان شاء الله نعطيج افكار بناء على ذلك ..

حبيت ارد عليك بس مو راح اقولك وين تسوين الحفله او الافكار لان الاسلام حرم الاحتفال باالميلاد والله يخليلك لبنتك ويحفضها وان شاء الله تسوين لها حفله نجاحها او تخرجها او حفله زواجها

سويه فى مطعم مثلا ويكون من عندهم تجهيز كل شى المهرج يسوى حركات ويوزعون على الاطفال طرابيش ..سئلى محلات البيتزا من باب التغيير..

انا بصراحة ما احتفل بهل المناسبة فما اقدر افيدج فتقبلي مروري والله يحفظ لج بنتج ويبلغج فيها

السلام عليكم كل سنة وحبوبتك بخير .و إنشاء الله تشوفيها عروسة
أنا عملت عيد ميلاد بنتي الشهر اللي راح وطلع روعة الكل مدح فكرتي
إستأجرت حديقة في فندق كانت رائعة كلها خضار وعملو لي بوفيه أكل أطفال كله أشياء صغيرة يعني همبرحر صغير سندويشات جبنة صغيرة سندوتشات هوت دوج صغيرة بيتزا صغار مكونة بولنيز بطاطس مقلي يعني الأشياء اللي يحبوها الأطفال بالإضافة إلى تورتات بالفواكه صغار وكيك صغير وبوفيه مشروبات هذا بالنسبة للأكل
أما باقي الترتيبات فأنا عملت كل العيد ميلاد شخصية الجميلة والوحشة إسمها بيل بتكون مع برنسيسات ديزني لابسة فستان أصفر
كل الزينة والهدايا للأطفال كانت نفس الشخصية عشان بنتي تعجبها هذي الأميرة وكانت مفاجأة الحفلة جبت ليهم وحدة لابسة فستان بيل وعاملة تسريحتها لعبت الأطفال ورقصتهم انبسطت بنتي كأن حلم وعاشته ونفس الشخصية عملت مجسم بالفلين منحوت وشايلة لوحة مكتوب عليها welcome to hamsa party كانت عند الباب محل دخول الناس والطاولات كل كرسي ربطت فيه بلونه طايرة يعني خيطها طويل بنفس الشخصية فصارت كل البلونات في نفس المستوى طايرة وغطيت الطاولات بسفر عليها كل برنسيسات ديزني
وجبت للأطفال نطيطة إيجار عشات الأ طفال يحبو النط وجبت مكينة فشار و حلاوة قظن كانت الحفلة مرتبة
ونجي لفستان العروسة كان حكاية أقصد فستان بنتي
أنا صممته عشان بعشق البنات الصغار وبتفنن في لبسهم ما حد صدق إنه أنا صممته راح أنزل صورته تشوفيه وكمان التورتة كانت رائعة عقبال حفلة بنتك

ام علاوووي
اختي الميزانية مفتوحة...انا ابي افكار...الحمدلله الفلوس مو مشكلة...ناطرة افكارج

ام نوره وابو نوره & محبة الشمال
خواتي
اشكر مروركم ونصيحتكم...مع اني ما كنت اسأل اذا كان حلال او حرام!
عموما شكرا

7bebt amged
انا كان في بالي فكرة المطعم...بس قلت يمكن احصل فكرة احلى او شي يكون مميز
شكرا اختي

مسك الجنة78
شكرا على المرور اختي

حلى العمر
فكرتج حلوة ومميزة...ياريت لو في مجال تحطين صور عشان نستفيد و ما قصرتي اختي

عندي صور بس مش عارفة أنزلها لو ترسلي الطريقة لو تكرمتي

هلا هلا هلا ام شواقة
شخبارش
مابغينا انشوفش
مبروووك عيد ميلاد العروسة الصغيرة وعقبال مليون سنة
اني اقول سوية في مكان مفتوح يكون فية اللعاب وجدي علشان الجهال يستانسون وفكرة حلى العمر وايد حلوة

كل سنة وهى طيبة انا كان عيد ميلا بنتى كان من يوميين وتمت سنة بس ما سويت عيد ميلاد كبير لانها صغيرة انا زينت المنزل وجبت طرطير وبالونات وصفارات ووشوش الاطفال تلبسها وعزمت الاهل والاصدقاء باولدهم وعملت تورتة مخصوص عليها صورتها ومكتوب عليها اسمها وجاتوة وبعض الحلويات وعصائر للاطفال وكان يوم جمييل
بس ان شاء اللة لما تكبر راح اعملة برة المنزل تكون استوعبت واجبلها شو العرائس والارجوز والساحر والدى جى وكل حاجة حلوة ان شاء اللة

هلا حبيبتي وكل عام شوق بالف خير حبيبتي عندج اماكن وايد تقدرين تسوينها في الستس سنتر فوق عند الالعاب في صالة مسوينها بس للاعياد الميلاد عندج تياترو اسون لج الكيك مع البوفية ومكانهم راقي وحلو وتقدرين تاخذين بس قسم منة على حسب الاشخاص عشان ما يطلع عليج غالي
وعندج صالات مرمريز لاعياد الميلاد
وتقدرين تستاجرين مزرعه مع بركة سباحة وتسوينها فيها
او عندج الفادق من يومين حضرنا عيد ميلاد بنت رفيجتي مسويته في فندق اليت سويت عند بركة السباحة طلع وايد حلو
و الافكار حلو ان تختارين شكل ان يكون رمز للحفلة مثلا بطوط ولا شي ثاني تسوين منة الهدايا للاطفال شكل الكيكة وتسوين لبنتج لباس على نفس الشكل
تخصصين فقره للالعاب ومسابقات

اول نقطه المكان لو عندكم صاله كبيره في البيت او مكان واسع ..
او ممكن صالة مرمريز للاعياد الميلاد .. لانها تتسع حق 200 شخص ..!
وطبعا الصاله بتوفر لج بوفيه بعدد الاشخاص والديجي..

والكيكه تقدرين تاخذينها من ام حسام مثلا ..
او الريجنسي او اي مكان تفضلينه ..

وممكن تستاجرين شخصياات!! ووحده ترسم على الوجهه الاطفال ..
وهشخصيات بيسون لج مسابقات للكبار قبل الصغاار ..
وتعطين كل شخص الهديه الا يفوز فيها الا تناسب عمره ..!
واكيد بتكون حفلة عيد ميلاد راقيه ..