محتاجه رايكم ساعدوني

مساء الخير واتمنى الكل يكون بصحه وسعاده

انا عندي مشكله صغيره بس مو قادره اتغلب عليها , انا متزوجه وراح اكمل السنتين بعد كذا شهر تقريباً وعندي طفل ، تزوجت زواج شبه تقليدي واخذت من قرايبي وكنا نحب بعض وكنت مثل اي بنت تحلم بزواج والسفروشهر عسل وكنت بانيه افكار وطموحات المهم تزوجت وماسفرت مع ان السفر عندي كان من الضروريات وما تمكنا من السفر حتى لدول الخليج او مناطق المملكة كنت جالسه في البيت وبنفسي انكسار رهيب متحفظه عليه بشده حتى طلعات خفيفه مافيه عديت كذا شهر وحملت وانجبت مع انو ماكنت عندي الرغبه بالإنجاب بس الحمدالله رزق وانكتب والحمدلله انجبت واثنا فترة الولاده انصدمت من زوجي اسأل عنه بالمستشفى وتخيلو ماجلس جنبي تركني وراح مع تعسر ولادتي احتفظت بالصدمه للمرة الثانيه وبكل صراحه عاتبته عتب خفيف ليه مانتظرت وسألت عني قالي بكل جمود ماحب المواقف هذي اشوف احد يتعذب اكون بعيد افضل طبعاً سكت بذهول ، مرت سنه على زواجي وحبيت افراح وادخل نوع من الفرحه كلمته وعزمته في اي مطعم هو يحب بمناسبة مرور سنه على زواجنا طبعاً استعديت لها بالبس والمكياج المناسب واخذت الهديه وطلعنا طبعا انصدمت للمره الألف مافيه اي استعداد من ناحيته في كل شي حتى الهديه مافيه واثنا ماكنا بالمطعم قدمت الهديه شكرني ببرود،واخذني للبيت ماكلف عمره ياخذ إجازه ويحجز ليله بالفندق سكت ودخلت البيت رغم اهماله بالبيت لان هذي الفتره كنت طالعه من الاربعين ، سكت وعدت الايام وكمل طفلي سنه واحتفلت انا وطفلي وشاركني بشراء الهديه بكل جمود , انا الان اعيش مرحلة جمود احباط فضيع مو قادره اتغلب عليه احس تجاهه ببرود ماحب اتواصل معه بأي شي حتى لو تيلفون بسيط ’ مع العلم راح اكمل السنتين ومو قادره استعد بشي احب اكون بعيده خلاص صدمات ، ارجوكم ساعدوني