ضايقه فيني الدنيا@@@@@

الله يساعدك يالغلا

حبيبتي المفروض تجلسين معاه وتكلمينه بهدوء

إن هذول عياله قطعة منه لازم يتحمل شوي مو معقولة تنامون في غرفتين منفصلتين

وياليت تكلمينه في جو هادي ورومانسي بعدي العيال شوي عند أهلك أو أهله

وإذا ماقدرتي تسوين حفلة لو شموع بس وكيكة من تحت إيدينك وفاتحيه بالموضوع

وإنشاءالله يتفهم

تسلمين حبيبتي عالرد بس انا اهلي موعندي ولا اهله ومالي احد عندي يعني مالي مفر منهم وبغيت اجيب شغاله بس الضروف ماتسمح مشكله زوجي ابدا مايتحمل الازعاج وهو نايم ويرجع علي عشان كذا انا متردده من ناحية النوم بغرفه وحده بس اخاف يتعود

لازم تكلمينه مو معقول تظلون جددددي
هذا وضع كلش مو طبيعي لازم هو بعد يتحمل ويتنازل اشووي هذلين عياله ولازم يساعدش مو يهررب بحجة انه ما يتحمل ازعاج صح هو يرجع من الشغل تعبان اذا ما بيساعدش على الاقل يتحمل الوضع
وعن الطلعة يعني انتين اول وحدة عندها عيال اثنين وتطلع كل الناس عندهم عيال 3 و4 ويطلعون وعايشين حياتهم

ضروري تكلميه في هالمووضوع والله يهديه اليش ان شاء الله

تسلمين حبيبه جيمي عالرد والله يخليلك جيمي

الله يعينك اختي ..شوفي اذا عندك غرفه قريبه من غرفتك حطيها غرفه للاولاد واجلسي معهم واذا نامو روحي نامي بغرفتك وخلي الباب مفتوح عشان تسمعيهم اذا صحوا...والله يسهل امرك..

ولله ان اقول مو جيبتهم من بيت اهلش لازم تتفهمون
ولزم تنمون مع بعض او تنيميهم وبعدين اتنمين معاه
ويعني الي تجيب جهال تنعزل وتنحرم من الحياه وبعدين والدش 3سنوات
يعني محتاج ايطالع طا قته ويطلع ومو بس انتي
مو اول وحده تطالع ومعاه اعيال

أنا يا أختي عندي طفلين و معنديش خدامة و أمي الله يرحمها و ما ليش اخوات بنات و أهل زوجي مش جانبي هههههههه و عادي بطلع مع جوزي و مش بنام في غرفة تانيه بس جايبه جهاز بيني و بين غرفتهم لما يصحي ابني أروح أشوفوا و كمان فيه نظام في النوم ( أنا قصدي الكبير اللي عندك عشان الصغير لسه بدري علي نظام النوم لو بيرضع طبيعي ) و لما بخرج مع زوجي بكون محضرة كل شيئ و مش بخليه يحس بأي مشاكل من الخروج قوليلي عايزة تخرجي فين مثلا و أنا أقولك تعملي ايه و ساعتها لما يشوف انه الخروج معاهم مش متعب عادي حيخرج و ربنا معاكي

انا اعاني زيك عندي ولله الحمد ثلاث اطفال الكبار ينامون بغرفتهم اما الصغير عمره تسعه شهور ينام معي

وزوجي مايحب الازعاج مرررررره ... يعني اهو يدخل الغرفه قبلي ينام اذا دخلت انا وولدي وحس بشوية ازعاج

على طول شال اغراضه وراح ينام بغرفه ثانيه وكل ماكلمته بها الموضوع يقولي انتي بتحطين راسك وبتنامين

لوقت طويل لاكن انا عندي دوام وبصحى بدري .. صار الوضع عندي الحين عادي

مشكورين حبايبي عالتفاعل بس اناافكر اروح لاهلي ماعندهم اطفال وعندهم شغاله واخواتي يساعدوني بالعيال واطلع معاهم بدل الطفش ومن جهه ثانيه اخاف اروح واندم لاني استحي ببيت اهلي حس اني باضايقهم وراح اشتاق لزوجي والمشكله توني جايه مالي شهرين واذا رحت معاد بارجع الابرمضان عشان فرح اختي اش رايكم اروح لاهلي والا اقعدببيتي واتحمل والله مالي غيركم اشتكيله

بس حبيت اقولكم ان زوجي طيب ووده يسعدني واستانس ويدورعلى راحتي بس مايحب الازعاج ويساعدني شوي بالي يقدرعليه مع انه مومره ذيك المساعده بس انا اعتبرها حاجه حلوه لانه ماعمره تحرك مايحب يسوي شي وتبون الصراحه والله ماينلام انا ماادري كيف صابره عليهم بس هذولي اولادي واش اسوي وهو مايقصر يطلعني بالاسبوع مرتين بس مشكلته انه مايتحمل ويتضايق بسرعه وانا اذا شفته متضايق تضايقت وكرهت الطلعه وانا كنت اول شبه يومي اطلع فجاه صرت يالله اطلع عشان كذا انا متضايقه لي حق اتضايق والا لا

الله يعينش اختي

بس هذوول عياله ومجبووور يتحملهم ويتحمل ازعاجهم!
هاذي ضريبة الابوة>> ما يصير شاب الا مشيب شبااب!!
لاااازم يتحمل و يشكرش على مجهودش

والله يهديه ويصير عنده سعة بال وصبر ..

اصبري واتحملي ومصيرهم بيكبرون وبيفهمون وبينتظم نومهم
وبيخف ازعاجهم بس اصبري وحاولي والله يكون بعونك
بس لا تتركي زوجك بعدين تندمي..
الصبر الصبرررر والله معك..

شكلك لما كتبتي كنتي متضايقة صح؟

لانك رجعتي تدافعي عن زوجك المهم اختي مااحد يفهم زوجك غيرك يعني انتي اعرفي ايش اللي متضايق منه بالضبط الازعاج ولا انه مو متقبل يكون اب لان في ازواج كثير يصير معاهم كذا وفي الاخير يتعودون وطبعا بمساعدة الزوجه حاولي تتقربين منه وتقربين عيالك بعد
مثلا الكبير الحين فاهم علميه اول مايجي من الدوام يروح يحضنه ويبوسه ويقوله احبك بابا ومن هالكلام
والصغير مثلا تقولين له امسكه باسوي له الرضعة او مثلا وانتوا جالسين تشاهدون قولي له ان (الصغير ) يشبهك او مثل عيونك وجمالك صدقيني يستانسون كذا حتى لو ماكان يشبهه

وفكرة تنامون منفصلين شيليها والغيها بتاتا لان بيتعود وراح يكون بينكم فراغ عاطفي فهمتيني
اذا ماكان حاب الاطفال ينامون معكم مو مشكله خليهم في غرفة منفصلة واخذي لك الجهاز اللي تسمعين منه صوت البيبي واذا بكى روحي ورضعيه هناك في الغرفة

بالنسبة لليوم نظمي يومك ونظمي بيتك خليه يرجع من الدوام كل شي في مكانه والاطفال اكلتيهم وحممتيهم حتى تتفرغي له

ونظمي نوم ولدك الكبير يعني على 8 يكون نايم والصغير بيدك تنظمين نومه لانه صغير وتتحكمين فيه
وبكذا بيصير عندكم وقت تجلسون في هدوء وتسولفون ونصيحة عوديه انكم تفضفضون لبعض كل شي
حتى ماتصير بينكم مشاحنات

اتمنى تتقبلي مني وصدقيني لمصلحتك

والله يهدي زوجك ويصلحه لك

اي حبابة مثل ماقالوا البنات لازم تكملينة هذلين عياله لازم يتحمل المسؤلية
قولي مسالة النوم لانة عنده شغل مثلا ويبي ينام منةغير ازعاج
لكن مسالة الطلعة ويش دخل الي عندها 2 ماتطلع يعني شنو تنحبس في البيت الي عندها عيال
الله يهديه ان شاء الله

نصيحة ممكن تأخذي بها و ممكن تطنشششششششششيها ، لازم تحطي النقط على الحروف :-
أولا : ولدك في عمر 3 سنوات يعني كبير خليه ينام في غرفة لوحده لا تخافين في البداية بتتعبين ، خليه ينام و خليك أنت بالصالة و كلما قعد رجعيه لغرفته راح يظل على هذا الحال فترة و بعديت يتعود المهم يكون عندك صبر
ثانيا : ولدك الثاني عمره شهرين تقدرين أتخلينه في الحجرة مع أخوه بس حاسبي أنك تخلينه بعيد شويه عنده و في سرير آمن على لا يطيحه و حطي إليك جهاز السمع في أجهزة الذبذبات مالتها وايد قوية حتى التحرك للطفل تسمعينه و وقتي روحش بالساعة على الرضاعة يعني كل 3 ساعات أصحي من نومش و أرضعيه و خليه ينام ثم أرجعي على غرفتك
طول عليش بس عن تجربة .... راح تحسين بتغيير الوضع التعب بس في البداية ، و راح ترتاحين من عدة جهات أولهم حياتك مع زوجك بتترتب و بعدين أنت راح ترتاحين لأن أولادك منظمين ، ما عليش من كلام أحد غذا عجبش كلامي طبقيه ،طووووووول عمرنا أنطالع الغرب و نقلدهم بصورة عمياء بأشياء تضرنا ،،،،،،، خلينا نقلدهم في أشياء مفيدة .

نسيت حبيبتي أقول إليش لازم تخلين باب الفرفة مفتوح على طول ( غرفتك و غرفة الجهال ) للطوارئ ) و علشان لما يصحى ولدك الكبير راح يجي إليش من غير صعوبات ، رجعيه و خليه ينام مرة ثانية وأرجعي أنت على غرفتك ........... مع الأيام زوجك راح يتعود على هذا النظام و شوي شوي راح يتعلم على الفوضى ..... صدقني و راح تدعين إلي ....

اتفق مع اختي ولاء حسن تماما وانا هذا ما افعله مع اطفالي

Blossoms;9435435:
شكلك لما كتبتي كنتي متضايقة صح؟

لانك رجعتي تدافعي عن زوجك المهم اختي مااحد يفهم زوجك غيرك يعني انتي اعرفي ايش اللي متضايق منه بالضبط الازعاج ولا انه مو متقبل يكون اب لان في ازواج كثير يصير معاهم كذا وفي الاخير يتعودون وطبعا بمساعدة الزوجه حاولي تتقربين منه وتقربين عيالك بعد
مثلا الكبير الحين فاهم علميه اول مايجي من الدوام يروح يحضنه ويبوسه ويقوله احبك بابا ومن هالكلام
والصغير مثلا تقولين له امسكه باسوي له الرضعة او مثلا وانتوا جالسين تشاهدون قولي له ان (الصغير ) يشبهك او مثل عيونك وجمالك صدقيني يستانسون كذا حتى لو ماكان يشبهه

وفكرة تنامون منفصلين شيليها والغيها بتاتا لان بيتعود وراح يكون بينكم فراغ عاطفي فهمتيني
اذا ماكان حاب الاطفال ينامون معكم مو مشكله خليهم في غرفة منفصلة واخذي لك الجهاز اللي تسمعين منه صوت البيبي واذا بكى روحي ورضعيه هناك في الغرفة

بالنسبة لليوم نظمي يومك ونظمي بيتك خليه يرجع من الدوام كل شي في مكانه والاطفال اكلتيهم وحممتيهم حتى تتفرغي له

ونظمي نوم ولدك الكبير يعني على 8 يكون نايم والصغير بيدك تنظمين نومه لانه صغير وتتحكمين فيه
وبكذا بيصير عندكم وقت تجلسون في هدوء وتسولفون ونصيحة عوديه انكم تفضفضون لبعض كل شي
حتى ماتصير بينكم مشاحنات

اتمنى تتقبلي مني وصدقيني لمصلحتك

والله يهدي زوجك ويصلحه لك

نفس الكلام اللي كنت بقولج اياه .. وحاولي تتطبقين نصائح اللي ذكرولج اياها الخوات ... والله يهديكم ان شالله .. وتبين الصدق .. سالفه انكم تطلعون يوميا صعبه شوي .. انتي ابروحج حاول اتقيسينها يعني قبل يمكن بوجود طفل واحد المسؤوليه اخف .. لكن طفلين ... والثاني بعده صغير بيبي .. لا نومه منظم و ما تقدرين تتحكمين في بكائة ... قولي الحمدالله انه يطلعج يومين في الاسبوع .. بالعكس الطلعه كل يوم متعبه .. يعني لا اتكونين طماعه يا احبك موت .. :cool::tongue::wink:

حبيبتي قعدي في بيتج احسن من يتعود زوجج على غيابج وبعدين يحس انك مو مهمة بس بالنسبة للنوم حاولي ترقدين عيالج وبعد ما يرقدون ردي غرفتج ونامي وعشان زوجك يستانس حاولي ان انتي ترقدين العيال من وقت يعني قبل لا يجي زوجك وخليهم في الحجرة الثانية واخذي جهاز عشان تسمعيهم او خلي الباب مفتوح وتزيني وتجهزي وبيني له ان انتي جالسة تنتظرينه وان شاء الله يهديه..