صباح الحب ،،، مساء الورد والياسمين لاحلى صبااايا في المنتدى
كيفكم وشو اخباااركم
عساكم بألف خير ياااارب
من يومين كنت طفشااانه ومتمللة ومو عارفة شسوي
التلفزيون ملل والنت ملل ابي شي غير
شنو اسوي شتسوين ياوحيدة ،، شتسوين ؟؟ ،، شتسوين ؟؟ واخيرا !!!
عاد تذكرت اني ابي اودي هدية الى ...................
اقول عن اللقافه مو لازم تعرفون لمن ههههههههههههههههههه
المهم كنت ناويه اوديها اغلفها في محل يعني حركات وكذا
قلت لنفسي يابنت انتي تعرفي تسوي هالشغلات ليش ما تقومي تطلعي ابداعاتك شوي
وتشغلي هالمخ وهاليدين عن الملل
وبس قمت اعفس مني مناك وبديت اشتغل اغلف الهدية
وتعالوا اوريكم شسويت خطوووة خطوووة
اول شي اخذت هالبوكس الاحمرر كنت مشتريته من فترة عشان بحط فيه الهدية
عاد قعدت اعفس ادور شي احطه من تحت في الصندوق
عشان انه يكوون كقاعده
شفت سلة حلاوة جايتني هدية من فترة وفيها هالشفاف
قمت اخذته وضبطته بشكل مربع على حجم البوووكس
زين الحين لازم ابي شي اغطي فيه الشفاف
بعد قعدت اعفس <<<< ياكثر عفستها هههههههههههههههه
المهم قعدت اعفس ابي شي اغطي فيه توقعوا وش لقيت ؟؟؟؟؟
لقيت بقايا قماش عندي جاي لونه ذهبي وفيه لمعه حلوووة
قلت خلاص بشتغل فيها
قمت اخذته قصصته بشكل عشوائي
بعدين ثبتته على اطراف الشفاف ،،
يعني ثبتت شوي منه على الطرف وخليت باقي القماش ناااازل بهالشكل
طبعا استخدمت مسدس الصمغ (نسيت اصوره ) وحطيت شوي في البوكس من تحت
وحطيت الشفاف داخل البوكس بهالشكل
بعدها قمت اضبط القماش والصقه على بعض واغطي كل الشفاف
وخليته بشكل عشوااائي صاير مثل امواج البحر مكان مرتفع شوي مكان نااازل
لين طلع معاي بهالشكل
بعدها اخذت ورد مجفف
وكريستالات بلونين احمر واصفر
واخذت من كل شي شوي ونثرته داخل البوكس بهالشكل
وبكذا خلصت من تزيين البوووكس من داخل
وجا دور الغطاااا
بما اني زينت داخل البووكس بقماش ذهبي يعني لازم استخدم للغطا شي ذهبي
بعد قعدت اعفس ادور شريطة شي عشان ازين فيه لين لقيت هالشريطة
بالاحرى بقايا شريطة عندي هههههههههههه
اهم شي انها تفي بالغرض
المهم اخذتها
وحطيت خط على الغطا وثبتته من الطرفين بالصمغ بهالشكل
وسويت بعد خط ثاني لين طلع معااي هالشكل
اخذت الحين هالورد وجمعته مع بعض
واخذت هالاسلاك بلونين احمر ذهبي
الحلو فيها انها تتشكل مثل ما تبين وتعطي منظر حلووو
اخذتها وسويت منها اشياء طالعه من الورد وغطيت بها سااق الورد
لين طلع معاااي هالشكل الحلووو
حسيت انه يبي لها شي يزينها اكثر
اخذت هالورقتين وحطيتهم على الغصن
وثبتت الورد على الغطا وكذا صاار شكله
وبس حطيت الهدية داخل العلبة بس اعذروني نسيت اصورها خخخخخخخخخخخخ
وهذا صار شكل الهدية النهااائي
وهذي صووورة اقرب
وبكذا خلص الشرح وخلص كل شي
وراح الملل حسيت اني سويت شي مفيد خخخخخخخخخ
وبس انتظر رآيكم في شغلي
واللي عجبها شغلي تقيمني
<<<<< اذا محد قيمها يعني مو عاجبكم الشغل والتغليف :confused:
[GLOW="FFFF33"]ملاحظة : لا احلل نقل الموضوع بأي شكل من الاشكال[/GLOW]
