شوفوا ايش طلع لي بالسونار

عادي حبيبتي
انا في بدايه حملي جذي رحت سويت مثلج بالضبط سويت تحليل منزلي وطلع حامل ورحت سويت سونار عشان اعرف جم لي من الحمل وقالت لي الدكتوره الرحم فاضي ومافيه ولا شي حتى تضخم حمل مو متضخم وخرعتني بس رحت حق وحده ثانيه قالت لي انتظري اسبوعين وبعدها سوي سونار يمكن لان توج بداية الحمل مايبين وفعلا بعد اسبوعين او ثلاثه سويت سونار وطلع اني حامل فعلا الله يثبته لي وقعدت اتحسب على هالدكتوره الي مادري شلون عطوها شهاده بس انتي لاتخوفين روحج يمكن توه بدايته انتظري اسبوعين او ثلاثه سوي مره ثانيه وان شاء الله تكونين حامل والله يثبته لج ياربي

مشكوره اختي طمنتيتي

الله يثبت حملك ويرزقك الولد الصالح

حبيبتي ان شاء الله تكونيين حامل
بس احسن تروحين تفحصين مره ثانيه

انا كان صاير لي نفس الشي وبعدين كشفت انه الجنين خارج الرحم

فأحسن روحي تأكدي انا ما قصدي اخوفك حبيبتي

بس تحليل البول ما بان اني حامل
بس تحليل الدم بان اني حامل

ولما رجعت سويت تحليل بول طلع ما حامل
وبعدين سويت التراسوند طلعت حامل بس خارج الرحم
خلي بالك وتأكدي

والحمد الله عرفت بسرعه انه الجنين خارج الرحم
لو عرفت متأخر كان الجنين بيكبر خارج الرحم ويصيير إنفجار في قناه الفالوب

الله يرزق كل محرومه يا رب

اختي انايوم تاخرت على الدورة ما حللت رحت للدكتور يكشف عشان ليش ما نزلت الدورة مستغربة
وكشف علي قال عادي متجمع الدم راح تنزل عليك الدورة بعد يومين
المهم بعد ثلاث ايام سويت تحليل طلعت حامل بشهر يعني بالسونار ما بين لي حمل

والحمدالله يارب على النعمة
يمكن انتي تووك حملك صغير مرة لك كم يوم بس

انتظري وربي يسهل عليك واكثري الاستغفار

ان شاء الله حامل مدام في التحليل حمل ان شاء الله حامل

بس السونار ترى مايبان بعضهم يوصلون للشهر الثاني ويقولون لهم بس كيس

انا اعرف وحده قالو لها بس كيس خافت بس لما راحت مكان ثاني قالو لها

فيه جنين بس موواضح لانه بعده صغير

وربي يفرحج ان شاء الله شيكي مره ثانيه بمكان ثاني

او انتظري اسبوعين وشيكي وان شاء الله تطمنين

انتين الحين انتضري اسبوعين أو 10 أيام وبعدين روحي سوي سونار لاتتأخرين علشان تطمنين ساعات في بداية الحمل ما يبين خصوصا اذا الجنين صغير

اذا تبين تتأكدين اكثر سوي تحليل نسبة الهرمونات وبعد يومين سوي مره ثانيه اذا ارتفع يعني حملج يمشي طبيعي وانتي حامل اكيد

اصبري خيتو لاتتسرعين

وحدة الحين في السابع ودكتور يقولها كيس فاضي و الثاني يقول فيه جنين بس بدون طاسه للراس يعني مشوه وهي ما شاء الله صابرة وواثقه بالله انه ماراح يسير الا المكتوب مع ان لها 11 سنه متزوجة وما حملت ادعولها

جبيبتي في البداية اغلب الحريم مايبين عندهم الحمل بالسونار انتظري شوي وان شاء الله يبين

اكثري من الاسغفار والدعاء وربج كريم

واكييييييد انج حامل بس توج بالبداية مايبان اصبري ولا تتوترين علشان الحمل يتم بخير

البيبي يكون صغير من كذا يمكن مو باين بس ان شاء الله خير وقريب يبان ويقول مامااا انا هنااا

انا مابين بالسونار الا بالشهر الثاني

حبيبتى انتى ان شاء الله حامل بس فعلا مش بيبن دلوقت فى السونار استنى 10 او 15 يوم بعد ميعاد الدوره وان شاء الله بتشوفيه بالسونار انا حصل معاايا كده فى حملى الاول

خيتووووووو لا تخافين لان البيبي بعده صغير وااااااايد من جذي مايبين صبري شوي هذا شي عادي

فيض الحب;9411607:
اصبري خيتو لاتتسرعين

وحدة الحين في السابع ودكتور يقولها كيس فاضي و الثاني يقول فيه جنين بس بدون طاسه للراس يعني مشوه وهي ما شاء الله صابرة وواثقه بالله انه ماراح يسير الا المكتوب مع ان لها 11 سنه متزوجة وما حملت ادعولها

الله يرزقها الطفل السليم المعافى

الله يطمنك يااختي بس تعرفين انا طولت ماحملت

واول ماحللت بشرت كل الناس من الفرحه

والحين ميته من الخوف
حتى زوجي يقول احس مافي حمل

الله يرزقني ويرزق كل وحده متمنيه الخلفه الصالحه السليمه

اشكركم اخواتي على تفاعلكم معاي

انا عندي يوم الاثنين موعد سونار مره ثانيه

ان شاء الله تطمنني الدكتوره واطمنكم

اخواتي احس نفسيتي مرررررررره محطمه

حتى زوجي يقول لي شكلك مو حامل

مو قادره انتظر للإثنين الجاي احسه بعيد بالمره

ادعوا لي الله يخليكم

الله يرزقج يارب بالذرية الصالحة عاجل غير آجل

وويصبرج ان شاء الله

ويريح بالج بالخبر الزين اللي يريج ويريح باباهم

لاتتوترين الغالية كل شي في وقته حلو