حبيبتي روحي جيكي في محلات الخياطه .. اهم دايمن يحطون في الواجهه عارضات عليهم بدل رسميه اليونيفورم .. جيكي جد علي في ملات حلوه هناك بس ما اعرف اسماءهم ..
وعلى طاري البدل .. في مجمع البحرين محل يسوي بدل رووووووووووووعه عليهم شوووي ... فضيعين بمعنى الكلمه ومرتبين ... بس اسعارهم مادري جم .. اكيد ناااار
حبيبتي ما حبيت اطلع من الموضوع بدون ما ارد عليج ... مع ا ما عندي خلفيه وايد بهالموضوع ... بس قلت اساعدج وارد عليج ... :D
مرحبا..
اعرف محل بمجمع العالي صاير فوق..
شغل مضبوط وحلو..
وأسعاره معقولة..
لان هالبدلات الرسمية لازم بتكون بسعر فوق..
خصوصا الجاكيت لان يكون مبطن..
:)
ما اعرف غير محل كرستا .. في جاهز و تفصيل .. و خياطته مرتبه .. و يصير في جدعلي و الفرع الثاني اكبر في مدينه عيسى ..
اذا انتي جايه من فخر البحرين تمشين سيده و تاخدين الاشاره بعد سيده .. بتلاقين دوار صغير اخديه سيده على محل طراده و خلج ماشيه سيده بتجوفين محل عطور و خباز على يدج اليسار هو صاير بينهم .. المحل معروض فيه بدلات و اقمصه بس بدون لافته او اسم للمحل ..
و في خياطه رتيبه .. بعد محل كرستا اللي وصفته لج .. كملي الطريق سيده لين توصلين اشاره بتلاقين صوبها على يدج اليسار صيدليه المرايا .. لفي يسار بتلاقين محلات خياطه وااايد صوب بعض .. اول واحد بيصير خياطه رتيبه جنب مغسله ناسيه اسمها و حواج ..
ان شاء الله قدرت اوصف لج المحلين بشكل مفهوم ..
حبيبتي ترا 40 دينار مو غالية حق بدلة فورمال
الجاكيت بروحه يكون بهالسعر ويمكن أكثر
عندج في السيف وايد محلات يبيعون جاكيتات وقمصان قورمال جنان والله ..
افتري عليهم يوم كامل بتلقين اشياء تعجبج وتحتارين شنو تاخذين ..
وموفقة في شغلج :)
حبيبتي عندج التزامن في الرفاع و رتيبة عند توبلي
اختي تفصل بدلها للشغل من كريستا .. رووعه .. الخامة و الخياطة !
