السلام عليكم و رحمة الله و بركاته
شخباركم يا أحلى اعضاء؟؟ ان شاء الله طيبين..
اخواني / خواتي.. اتمنى يكون هاي هو القسم المناسب لموضوعي الي بصراحه ما قدرت انطر اول ما طرى على بالي و قلت لازم اعرضه ونتناقش فيه.. بما اني جريب راح اصير ام ان شاء الله (ادعو لي بالولادة السهلة و الذرية الصالحة يا رب) فبدت تشدني المواضيع المتعلقة بالتربية و تنشأة الطفل نفسياً و جسمانياً.. و الي بذكره الحين متعلق بتنشأة الطفل نفسياً.. ما أطول عليكم.. الله يسلمكم كنت قاعده اشوف التلفزيون و أفر بهالقنوات و انشغلت وخليت التلفزيون على قناة ما أبي اذكر اسمها بس هي لها سلسلة قنوات والكل يطالعها وهالقناة بالذات اعتقد ثلاثة ارباع اطفال العالم العربي يتابعونها وانا اللاحظ هالشي من اليهال الي في عيلتنا.. صدقوني انصدمت ..يمكن البعض يشوف ان ما عندي سالفة والي سمعته بسيط بس بصراحه خفت على جيل المستقبل..تخيلو حاطين رسوم متحركة مليانة عنف و ضرب والبطل يقول حق رفيجه
إنها سفاحة مبتدئة أيها الغبي[/COLOR[COLOR=magenta]].. يا الله بذمتكم نربي عيالنا على سفاحين و قتالين قتلة على قولة اخواننا المصرين؟! و اشلون يقول في الكرتون لفظ مثل لفظة ياغبي..يعني نعلمهم الكلام البذيء و العنف ونقدمه لهم على طبق من فضة و عقب نقول عيالنا شياطين و لسانهم طويل.. والله مو قادرة انسى شكلي يوم بطلت عيوني اول ما سمعت كلمة سفاحة..غبي..الله يستر بعد لو متابعة الحلقة كلها جان شبيقولون زود..بصراحه احس افكاري اختلطت و مب عارفة شكتب بس اتمنى تكون الفكرة وصلت لكم و أثارت غيرتكم على ابنائنا.. و بانتظار ردودكم