السلام عليكم ورحمة الله وبركاته
شفتوا العنوان وييتوا مستانسين هاااا :dd:<<<<وايد واثقة
المهم، شلونكم؟؟ شخباركم؟؟ عساكم بخير؟؟؟
طبعا هالموضوع من زماااااااااان في بالي
من زمان ودي أحط لكم لوك مصور خطوة بخطوة وبالتفصيل الممل
لكن
كنت، ولا زلت، أفضل ان اللوك يكون على الطبيعه وعلى عيون أوادم :8884: وذلك لايماني التااااام بأن مافي شي يبين الشغل الحقيقي والابداع غير العين الحقيقية :B_wink: مش اللي مرسومه ولا شغل فوتوشوب :2_29:
ولكن، وبما أن (a) سياسة المنتدى تمنع هالشي :21_180: تراجعت عن فكرتي وشلت الموضوع عن بالي
بس من كم يوم رجعت الفكره لي :21_88: وقررت اني أسلم أمري لله :dontknow: وأحط لكم لوك سويته من كم يوم في مناسبة صغيرونه جدا :21_209:
ومن البداية أعتذر على رداءة التصوير، لأني في آخر لحظة اكتشفت ان بطارية الكاميرا فااااضيه فاضطريت اصور بموبايلي الحبييب
نبتدي بسم الله
أول خطوة طبعا صرتوا حافظينها وأكيد الحين كل وحده قاعده تقولها وتسَمِعها ،، صح؟؟ :21_133:
طيب نجي لخطوة المكياج (وطبعا كل وحده تستعمل الماركة اللي تريحها) لذلك مابقول أسامي الماركات مع ان بعضهم واضحين :o
أول شي حطيت لي فاونديشن سائل، حطيت لي ضغطه واحده فقط وحطيت منه نقاط على وجهي وبعدين وزعته بيدي، لحد ماتوزع عدل
بعدين بالاسفنجه (نسيت أصورها) حطيت البودرة :1_3: وابتديت باللون الفاتح وبعدين حطيت اللون الغامق، وطريقة توزيع البودرة تكون بالطبطبه :up:
(اللون الغامق نفس لوني بالضبط، واللون الفاتح نقدر نقول أفتح بدرجة تقريبا)
نجي لمكياج العيون
تحت الحواجب حطيت شدو بيج على ذهبي، فيه لمعة يعني، وحطيته باصبعي
بعدين اخذت شدو بنفسجي على وردي، لونه حلو وفيه لمعه، ووزعته على كامل الجفن المتحرك، ووزعته بصبعي بعد عشان يطلع اللون أقوى من الفرشاه
وعقبها حطيت منه بعد خط تحت العين (تقدرين تستعملين الاسفنجه أو الفرشاة المشطوفة أو حتى الاصبع العجيب :2_22:)
ثم، بفرشاة الشدو اخذت شدو بني وحطيته على كسرة العين مدري وش يسمونها، بس يعني انتو فهمتوها صح؟؟ ورفعت الشدو لحد مايوصل لعظمة الحاجب، بس طبعا مايوصل للحواجب (n) ومديته لبرا حدود العين
الحين يجي دور الكحل والمسكرا
أنا احب استعمل الكحل السائل اللي نوعية فرشاته ضعييفه ومش زي القلم، يعني ريشه أعتقد يسمونها :o
أبتديت من فوق أرسم من بداية العين من الداخل ويكون الخط ضعيف
ومديته لغاية برا حدود العين، وأرجع اخلي الخط أعرض من وسط العين لحد برا
ومن تحت العين ابتدي ارسم من عند مدمع العين بعد وامده لبرا وبعدين الاقي الخطين اللي مديتهم وأمليهم بالكحل السائل
وكحلت عيوني من داخل بكحل قلم أسود
وحطيت المسكارا، واحط كذا طبقة عشان تعطيني لوك دراماتيكي :cool2:
للحواجب استعملت شدو البدي شوب للحواجب
وبما اني ماحب فرشاتهم فما أدري وين ضاعت خخخخخ بس أنا على طول استعمل فرشاه ثانيه
وهكذا خلصنا مكياج العيون
الحين البلشر
استعملت بلشر وردي كريمي، هني لونه غير بس هو وردي حلو
وخذت منه مسحه خفيفه بصبعي وحطيتها على عظمة الخد بالطبطبه وبعدين تميت أمسح بخفه وأوزع البلشر شوي شوي
وللشفايف
حددت شفايفي ومليتهم بمحدد فوشي (نسيت أصورة، أو بالأحرى مالقيته عشان أصوره)
وبعدين حطيته اللون الفوشي، ثاني لون من تحت
وفوقه حطيت غلوس لونه فوشي على عنابي مدري أي لون، عشان ماتصير الشفايف وايد فوشيه وتكون مايله للون غير الوردي
وآخر شي رجعت حطيت البودرة بفرشاة البودرة
وبسسسس خلصنا
وهذا هو اللوك النهائي بس طبعا أنا احلى :bigsmile:
(أنا مارسمت الكحل بالضبط نفس اللي سويته عشان تبين ألوان الشدو لكم :o) وان شالله أي خطوة مافهمتوها من كلامي تفهمونها من الصورة
وأتمنى ان لوكي لليوم يعجبكم
واذا عجبكم وحتى لو ماعجبكم
لا تنسوون التقييم :poster_war:
تراني تعبت :o ولا ترى بيكون هذا اللوك الأول والوحيد :sa36:
وآخر نقطه
الموضوع تراه حصري لمنتدى عروس
يعني مابي اشوفه مني ولا مناك :poster_dots: