بسم الله الرحمن الرحييم
بغيت اسألكم امهات البحرين اختي والده من شهريين ولدت طبيعي بس الياهل نزلت من ريولها يعني مو من راسها ...
وأثناء الولاده الظاهر يا سحبو ريولها يا ريولها تعورت من عملية الولادة نفسها كان لون جزء من مقعدتها بالفخذ اخضر على بنفسجي وقالو انه في شي في ريلها بس ما يقدرون يحدودون شنو اللحين عطوها موعد لما صار عمرها شهر تقريبا بس ما سوى لها شي مجرد عطوها موعد ثاني و قالو بنسوي لها التراساوند لما يصير عمرها خمس شهور يعني عقب 4 شهور طبعا هذا في مستشفى السلمانية...
لكن اللحين اختي قالت بتوديها خاص افضل يمكن العلاج يكون ابسط دام اهي صغيره وعظمها للحين لين من لو كبرت خصوصا السلمانيه مواعيدهم متأخره وبطيئة وما يهتمون وخايفيين يأثر على المشي او لين تحبي بس مو عارفيين نوديها لاي دكتور يكون شاطر ومختص في هالموضوع ما نبي نوديها لطبيب اطفال نبي نوديها لطبيب عظام او يعني مختص بنوع الإصابه اللي صارت لها في ريولهامن عملية الولاده ياريت احد يقدر يفيدني ويعطيني اسم دكتور شاطر في هالموضوع ووين عيادة هالدكتور او المستشفى اللي يشتغل فيه وبكون شاكره لكم...
والله يحفظ لكم عيالكم
كمام الأمل بنت اخوي امها جابتها وفيها مشكلة في الورك
على الرغم انها ماصار لها مثل ماصار لبنت أختك أثناء الولادة
بس عقب ماولدتها بفترة اكتشفوا المشكلة,, وركبوا لها جبس من عند البطن لنهاية الارجل,, وظل معاها شهور
وبعدين شالوا الجبس وحطوا لها مثل الحديد بين الفخذين عشان يعتدل العظم,,
هي على مااظن كان عظم الفخذ مو في مكانه عدل وهالجبس والحديد رجعه لمكانه الحمدلله
وكانت تتابع معاها في المستشفى الأمريكي
وقالوا لها ان لو ماسوت هالعلاج لبنتها جان يأثر على مشيها في المستقبل
وماتشوف شر الصغيرة,,
يالله مسكينه بنت اخوج والحمد لله عالجتوها في الوقت المناسب
**************************
احنا المشكله مو عارفيين شنو المشكله بالضبط فنبي نعرف دكتور زين يقدر يحدد لنو شنو المشكله ويعالجها بحيث ما يكون في تاخير ياثر عليها لا سمح الله في المستقبل
مشكوره ياقلبي ما قصرتي على ردج
وبقولكم بعد احنا ملاحظيين انه تحرك ريلها بشكل طبيعي بس الريل اللي فيها الضربه صاير قدم الريل مايل يعني مايصير سيده ابدا فهذا اللي مخوفنا اكثر؟!
ح
حنـ الروح ـين
عروس متألقة
05-05-2009 | 07:50 PM
ماتشوف شر الغاليه والله ما عندي فكره انشاء الله البنات ما يقصروووووون
السلام عليكم
ليش ما تدودونها الى اخصائي عظام
الدكتور علي الماجد في العسكري تخصصه عظام وااااااااايد زين وتعامله ممتاز ودوها وشوفوا وانشاءالله ماعليها شر
الشر ماييج حبيبتي الورده
****************************
ايي احنا نبي نوديها لاخصائي عظام بس ما نعرف اخصائي زين بس دام قلتي لي على هالدكتور ان شاء الله بقول لاختي تحجز لها موعد عنده مشكوره حبيبتي
عفوا وانشاءالله تستفيدون وانشاءالله الصغيره مافيها الا كل خير
وطمنينا عليها
ما عندي فكره
بس الله يشفيها
حبيت ارفع الموضووع
حبيبتي بنتي عندها مشكلة في رجلها من الولادة ...
ونعالجها عند الدكتور علي العكري افضل دكتور عظام في السلمانية ومواعيده من الضغط بالأشهر ...
بس عنده عيادة في ابن النفيس 2
وهو جدا ممتاز انصحكم فيه وماعليها شر ان شاء الله والله يطمنكم عليها
ماتشوف شر ان شاء الله
بس دكتور علي الماجد اخصائي عظام في مستشفى العسكري واااايد زين انا اتعالج عنده وسويت عمليات عنده
وصديقتي بعد سوت عمليه حط في ريلها حديد والحين ماشاء الله عليها احسن من قبل ترى واااااااااااااااايد شاطر وانصحج فيه والله يشفيها ان شاء الله
إن شاء الله ياربي الله يسمع منج حبيبتي فطومه
وإن شاء الله اطمنكم عنها باخبار زينه
*******************************
مشكوره اختي ام خالد ع رفع الموضوع
*******************************
مشكوره حبيبتي عبلة وانا بالفعل شفت له لقاء في التلفزيون ومبين عليه دكتور شاطر ويفهم بس كنت ناسية اسمه ويوم قلتي تذكرته
*******************************
أساير الروح الشر ماييج ياقلبي شكلي بقول حق اختي عن الدكتوريين علي العكري&علي الماجد واللي عنده اجرب موعد لعيادته بنوديها إن شاء الله
أختي الغالية
أنا بنتي ولدتها قيصرية بس سحبوها وصادها انفصام في الحوض
وعالجتها عن الدكتور علي العكري أكبر أختصاصي في مجال العظام
وكان عمرها 4 شهور وخليت عليها نفس الشئ اللي يفتح رجولها
لان عظمة الفخد والحوض مفصولة عن بعض
وظليت 3 شهور طول الوقت عليها
وبعد 3 شهور سويت الأشعة والحين تمشي وتركض ومافيها إلا العافية
ما تشوف شر بنت أختج ،،
نور البحرين;9414274:
أختي الغالية
أنا بنتي ولدتها قيصرية بس سحبوها وصادها انفصام في الحوض
وعالجتها عن الدكتور علي العكري أكبر أختصاصي في مجال العظام
وكان عمرها 4 شهور وخليت عليها نفس الشئ اللي يفتح رجولها
لان عظمة الفخد والحوض مفصولة عن بعض
وظليت 3 شهور طول الوقت عليها
وبعد 3 شهور سويت الأشعة والحين تمشي وتركض ومافيها إلا العافية
ما تشوف شر بنت أختج ،،
الشر ما ييج حبيبتي
والله يحفظها بنتج والحمد لله ياربي اللي شافاها وعافها
والله على كلامكم ماشاء الله شكله شاطر بخبر اختي تحجز عنده موعد باقرب فرصه
مشكووره يالغاليه
الدكتور عل يالعكري استشاري عظام أطفال
لله يشافيها ان شاءالله
بس ابي اسال سؤال ليش خلوها تولد طبيعي مدام البنت ياية مقعدية يعني من رجلها؟؟
ا
المشتاقة;9415412:
الدكتور عل يالعكري استشاري عظام أطفال
لله يشافيها ان شاءالله
بس ابي اسال سؤال ليش خلوها تولد طبيعي مدام البنت ياية مقعدية يعني من رجلها؟؟
ا
إن شاء الله بنتصل في ابن النفيس وبناخذ عنده موعد
والله اختي قصة ولادتها قصة بس اختصارها انه اختي كانت في الاسبوع 34 يعني في الشهر الثامن وياها الم وبما ان هذا اول حمل لها ما كانت تعرف شنو هلالم راحت لموعدها وقالت لها الدكتوره لا عادي هذي مجرد تقلصات عاديه( والله يسامحها هالدكتوره اصلا كان الم طلق) المهم رجعت البيت والالم مستمر لحد يوم ثاني بس اهي تحملت ع اساس مو متخيله انه ولادة خصوصا انه الدكتوره طمنتها ولانها ما زالت في الشهر الثامن لحد ما نزل الماي مال الياهل وع طول رحنا السلمانيه وكان خلاص عنق الرحم مفتوح واهي في حالة ولادة والياهل نصها نزل في عنق الرحم قال الدكتور اللي ولدها المفروض قيصرية بس الحيين مافي فايده لانه يات متاخر والياهل خلاص نصها نزل من الرحم ...
الحمد لله انها يات بالسلامه بس ان شاء الله نتطمن على سالفة ريلها وتكون بخير