الأماكن . .
ماهي إلا بقايا ذكريات . .
البعض بقيَت أشلاؤه ...
* لِيْهْ تِنْسَاْنَاْ اَلْأَمَاْكِنْ . . . ؟!
بعد مامرّت سنين . . .
وزاد في دمي الحنين . .
قلت : أبمرّ الأماكن ..!
أشتهي غبااار المساكن . . !
كانت اللحظة جنون . . .
وكان فيني الشوق ساكن ..!!
.
.
ورحت لملمت البقايا . .
والشظايا . .
بكتب آخر فصل . . تحويه الحكايه ..!
.
.
وفي مسافات الطريق . .
كنت في الذكرى "غريق" ..!
.
.
وانتهت فيني المسافه...
وابتدت غربه ومخافه ..! .
.
جيت حييّت المدينه . . .
اللي عنها رحت طفله ، ايدي في ايدين أمي . .
جيتها وفي يديني همّي ..!.
.
وللأسف ، كل شي خذلني ..!
المكان اللي حضنّي . .هو نفسه اللي رفضني .. !!..
ليه تنسى يااا مكان ..؟!!
خفت . . .
ضيعت الأمان ..! .
.
.
صار اللي ماهقيته ..
وين بيتٍ وأنا طفله قِد بنيته ؟!
وين إحساس زرعته وماجنيته ..؟!.
.
تهت .. ضيعت الهدى . .صحت فيهم ..
" منهو فيكم . .
شاف بيتي ؟؟ "
ومايرد إلا الصدى ..!!
وتمتماتي . .: " ليتني ماجيييييت .. !
ليتي !! ".
" هااه أختي .. وش بغيتي ؟؟! "
التفتّ ..
ماعرفت إلا العيون . .
وصووت عمره مايهون ....!!
قال : " لمىآ ؟؟ "
"والله دنياااا "
" ماعرفتيني يا لمىآ ؟؟ "
" أنا اللي عنك أدافع " ..
" وأتبعك في كل حاره " !!
.
.
اختلط حزني وفرحي ..
همس صوته . . هدِّ صرحي !!
وتوه يذكرني المكان ..
وتوّه يرجع لي الزمان . .
وتوووها تحلى الحكاية ..!!!
وابتديت أكتب بداية فصل . . عنوانه ( النهاية ) ..!
.
.
" هاه لمىآ ؟ "
" وين صرتي ؟؟ "
" قبل ماأنسى . . . "
" هذي مرتي " ..!
" ذي فلانه .. تعرفيها ؟ "
"بنت عمي . . اللي كنتي لما نلعب تطرديها " !!
"صح صغيرة " ..!!
" بس وربي إن غلاها بوزن ديرة " ..!!
.
.
" تدرين ؟ "
" وربي في ( مرّه ) ذكرتك .. عند بابك "
" إلا بسأل .. وشهو جابك " ؟؟!
.
.
(( وشهو جابك ..?! ))
.
.
هالسؤال اللي صفعني ..!!
ابتسمت له بثقل .. !
وقلت : . . أوراق وشغل . .
ورحت أمشي بكل ثقه . .
كني أدري لوين أمشي . .!؟
والله .. مدرررري ..!!؟
انتظرته يقول .. " بدري" ..!!
.
.
بس راااااح . .!
ونصل حرفه في الجراح . .
.
.
وانتهت فيني المسافه . . .
وكل شي أعلن جفافه !!!
وانتهييت ..
وأنا توّي . . ما ابتديت ..!
وانتثر حبر الحكاااايه . .
وانلغى . . فصل ( النهااية ) ..!!
مخرج }...
و الأخرى تلاشت و لم يبقَ لها أثر ..
اعجبني فنقلته لكم
أتمنىآ تنآل أعجآبكم