مرحبا بنات عروس شخباركم
بنات انا ماراح اطول وبدخل في الموضوع او السالفه على طول واتمنى تعطوني رايكم وحل
انا طبعا مخطوبة ويوم الخميس كان دوام زوجي من 10 الليل الى 6 الصبح يعني آخر ليل المهم حبيت اسوي له مفاجأه وروح
بيت عمي اله اهو( بيت ابوه ) واذا رجع الصبح يشوفني موجوده هناك لانه كان يطلب مني اكثر من مره ابات معاه وانا ارفض بحكم المشاكل الي كانت بيني وبينه شوي وخلافات المهم، وكان يوم ثاني اله اهو يوم الجمعه احنه معزومين على بيت اخته على غدى فقلت بدل لا يطقها درب من بيتهم لي الى بيت اخته بختصر هالشي وببات هناك ونروح مع بعض وفي نفس الوقت مفاجأه له.
بيت عمي اله اهو( بيت ابوه ) واذا رجع الصبح يشوفني موجوده هناك لانه كان يطلب مني اكثر من مره ابات معاه وانا ارفض بحكم المشاكل الي كانت بيني وبينه شوي وخلافات المهم، وكان يوم ثاني اله اهو يوم الجمعه احنه معزومين على بيت اخته على غدى فقلت بدل لا يطقها درب من بيتهم لي الى بيت اخته بختصر هالشي وببات هناك ونروح مع بعض وفي نفس الوقت مفاجأه له.
المهم طلعت من بيتنا الساعه 11 ونص في الليل لانه كنت راده من الصالون ورحت خذيت اغراض لي وطلعت وخبرت بيتنا انه انا بروح بيت عمي انام هناك، وانا طالعه يعني ماصار لي ثلاث دقايق بس اله صديقتي متصله فيني وتسالني انا وين قلت لها رايحه بيت عمي قالت تجين عندي تباتين لانه بيتنه مسافرين رايجين العمره وهي كانت بتجي عندي وهذي وايد كلوز معاها بس بيتنا مانعيني انه امشي معاها بحكم اهمه مو مرتاحين منها بس والله ماجوف فيها شي المهم وقلت لها اوكي وقلت الصبح بطلع وبروح بيت عمي ورحت لها وقعدت معاه وفعلا محد كان هناك وستانسه وانا نسيت اتصل في خطيبي اخبره وبيتنا مانسيت بس خفت يرفضون هالشي وانا انحرجت معاها المهم فجأه اتصل خطيبي فيني على الوحده واهو هالوقت مايتصل لانه يعرف اكون نايمه ورديت عليه اله يقولي انتي وين قلت له في بيت صديقتي اله يقولي بيتكم يدورن عليج والحين الحين تردين البيت انا خفت قلته له مابرد وبتم هني او بروح بيتكم طبعا عارض وقالي لا وفي نفس الوقت اتصلو بيتنا وصار كلام واصرو انه يكلمون البنت وانا مستحيه منها وخايفه اذا عرفو انه انا معاها تصير شي اكبر المهم في النهايه رجعت البيت على الساعه ثلاث تخيلوو :(
ودخلت والي قاهرني انه بيتنا شاكين انه انا كنت مع واحد يعني المفروض مايشكون ولايفكرون في بنتهم بهالطريقه لانه اولا شرف وسمعت اهلي وبيتنا وخطيبي واهله صح او لا؟؟ واذا مابفتكر فيهم بخاف على نفسي من كلام الناس يعني مستحييييييييل اغلط في شي مثل هالأمور لو شنو يكون وكل وحده تدور الستر.
المشكله ماسكتت لحد امس وهالموضوع صاير من الخميس وانا اتصلت في وحده من صديقاتي الي قلت اسمها لمى سألوني وطلبتها تساعدني وتقول اني كنت معاها ومسكينه وقفت معاي وخليت امي اتكلم البنت بس امي مو مصدقه وتبي تروح للبنت لبيتهم انزين انا هني شسوي بنات :confused: وامس انا فقدت اعصابي ولأول مره ابوي الي ماعمره يمد يده علي مد يده علي وانا تميت اصيح واصريت انه مااتم في البيت ولا دقيقه او اموت انا مو خايفه من شي بس طريقة تفكيرهم قهرتني وعصبتني المهم اتصلت في خطيبي امس وقلت له اتجي تاخذني من بيتنا الحين الحين او بصير شي فيني وتعال تفاهم مع بيتنا واهو كلمه البنت وديته لعند بيتهم بس خطيبي مو عارفه اهدء الوضع عند بيتنا وقوله قولهم انك حليت الموضوع وياي وانه هالموضوع ينسد خلاص مو عارف يتصرف وانا محتاره ومن البارحه انا في بيت ابوه اهل خطيبي وخذيت تقريبا كل اغراضي من بيتنا وماابي ارجع ومتضايقه ونفسيتي تعبانه واااااااااااااااااااايد ومومتحمله اي شي ومن كثر لصراخ جسمي كامل يألمني.
انا ادري كنت غلطانه ماخبرت زوجي بس تأسفت منه ومن امي بعد في نفس اليوم بس الموضوع كله انا ماابيهم يدرون اني كنت مع هابنت هذي لانه السالفه بتكبر اكثر وابي الووضع يهدء وينسد هلاموضوع.
بليز بنات ساعدوني انا ليلتين مانمت الحين وفوق هذا ابوي كان مانعني من انه اروح الشغل بس قلت لخطيبي يدخل وعطاني سيارتي ورحت شغلي.
يعني ابوي اي شي يصير قاليا لشغل ماتروحين السياره ماتحركينها مو حل هذا والمووضع مايدخل هالشي ونفسيتي قاعده تتعب اكثرواكثر.
انتظر ردودكم بنات وحلولكم وآراكم لي وآآسفه على الأطاله